LEVÍTICO 26:43 - Dios Rimashca Shimicunami

⁴³ Paicuna shitashpa rijpimi, allpaca shitashca saquirishpa samarina punllacunapi mana samarishcamantaca chai punllacunapi samarishpa cushicunga. Ñuca mandashcacunata yanganchishcamanta, ñuca chaitataj pajtachichun nishcacunata p'iñashpa millaita rurashcamantami llaquita apana cashcapi paicunaca llaquita apacungacuna.

LEVÍTICO 26:43 Iomraidhean Croise

2 CRÓNICAS 33:12

Shina cashpapish llaquita apacushpaca, Manasesca paipaj ñaupa yayacunapaj Diospaj ñaupajpica tucui shunguhuanmi llaquirirca. Chashna llaquirishpami Mandaj Diostaca mañarca.

2 CRÓNICAS 36:21

Mandaj Diosca, paicunata chashna llaquichinataca, Jeremiashuanmi huillachishca carca. Chaica chashnatajmi pajtarca. Paicunata chai llajtaman apajpimi Judá llajtaca samarirca. Paicuna chai llajtapi canchis chunga huatacunata prezu causacui tucui huatacunami, allpacunaca sumajta samaricurcalla.

JOB 5:17

Ricuiri, Taita Dios llaquita cachashca runaca cushicunmari. Chaimanta Tucuita Rurai Tucuj Dios ima shinapish llaquichijpica, mana p'iñarinichu.

SALMOS 119:67

Manaraj cumurichishca cashpaca maipish cachunmi causarcani. Ashtahuanpish cunanca quiquinpaj mandashcatamari pajtachicuni.

SALMOS 119:71

Ñucata cumurichishcaca allimari cashca. Quiquin chaitataj pajtachichun nishcata yachachunmari chashna rurarcangui.

SALMOS 119:75

Mandaj Dioslla, quiquin mandashcacunaca cashcata ruraj cashcataca yachanimi. Quiquinca chaitataj pajtachij cashca shinallatajmi llaquichircangui.

SALMOS 50:15

Llaqui punllapi cashpaca, ñucata mañangui. Ñucaca quishpichishami. Canpish ñucataca alli” ninguimi.

SALMOS 50:17

Ñuca cunajpipish canca p'iñaringuimi. Ñuca cunashcacunataca cambaj huashamanmi shitangui.

ISAÍAS 26:16

Mandaj Dioslla, llaquihuan cashpami quiquinta mashcarcacuna. Quiquin llaquichijpimi yallitaj mañarcacuna.

JEREMÍAS 31:19

Canmanta anchurishca cashpapish, cunanca llaquirinimi. Ñucallataj mana allita rurashcata cunan yuyaita japishpamari, ñuca changata chugrichirini. Manataj cungaripaj, yallitaj pingai tucunica. Huambraraj cashpa juchata rurashcamantamari cashna pingai tucuni ninmi.

DANIEL 9:14

Chaimi Mandaj Diosca llaquichina yuyailla tucushpa, cai llaquicunataca ñucanchij jahuaman cachashca. Ñucanchijta Mandaj Taita Dios rurashcacunaca tucui imapish chashna rurana cajpitaj rurashcami. Ñucanchijmari pai rimashcataca mana cazushcanchij.

LEVÍTICO 26:11

Ñuca causanataca cancunapaj chaupipimi churasha. Ñucapish cancunata mana millanachishachu.

LEVÍTICO 26:15

ñuca ima shina causachun nishcacunatapish yanganchishpa, cancunapaj yuyaipica ñuca chaitataj pajtachichun nishcatapish mana ricunachishpa, ñucahuan ari ninacushca mandashcacunata chaita rurana yuyailla tucushpa ruranatapish mana rurajpica,

LEVÍTICO 26:30

Lomacunapi tiyaj cancunapaj altarcunatapish chingachishami. Cancunapaj imamanpish rijchaj dioscunatapish urmachishami. Huañushca cancunapaj aichacunatapish, chai urmachishca manapish causaiyuj dioscunapaj jahuapimi paltajni shitasha. Chashnami ñucaca cancunataca millanachisha.

LEVÍTICO 26:41

Chashna huillajpipish ñucaca paicunahuan p'iñarishcamantaca paicunata p'iñajcunapaj llajtamanmi cachasha. Chaipimi paicunaca shungupi mana circuncisionta rurashcacuna shinallatajmari millaita ruracushcanchij ningacuna.

AMÓS 5:10

Paicunaca puebloman yaicuna pungupi cunashpa rimajcunataca p'iñarcacunami. Cashcata rimajcunatapish mana ricunachircacunachu.

ZACARÍAS 11:8

Chaimantaca quillallapimi quimsa michijcunata chingachircani. Paicunallatajmi ñucataca p'iñachircacuna. Chaimantami paicunahuanpish yallitaj p'iñarircani.

Juan 7:7

Cancunataca cai pachapaj cajcunaca mana p'iñanchu. Ashtahuanpish ñucataca, paicuna rurashcacuna mana allichu nishpa huillajpimi p'iñancuna.

Romanos 8:7

Aicha munashcata ruranaca, Diosta p'iñachinami. Chashnacunaca Dios Mandashcataca mana cazuncunachu, manataj cazui tucuncunapishchu.

DEUTERONOMIO 32:36

Mandaj Diosca pai agllashcacunamanta shayaringami. Paipajta rurajcuna llaquita apacujta ricushpaca llaquiringami. Fuerza illajlla cajta ricushpami llaquiringa. Amopajta rurajcunapish, amopajta mana rurajcunapish tucuricujta ricushpami llaquinga.