LEVÍTICO 26:42 - Dios Rimashca Shimicunami

⁴² Chaipimi ñucaca Jacobhuan ari ninacushcata, Isaac-huan ari ninacushcata, Abrahamhuan ñuca ari ninacushcata yuyarisha. Llajtatapish yuyarishami.

LEVÍTICO 26:42 Iomraidhean Croise

GÉNESIS 15:18

Chai punllallatajmi Mandaj Diosca, Abramman cunata ari nishpa cashna nirca: –Cambaj huahua huahuacunamanca cai llajtatami cusha. Egipto jatun yacumanta callarishpaca, Éufrates jatun yacuta catishpa,

GÉNESIS 26:2

Chaipi cajpi Mandaj Dios ricurishpami Isaactaca: “Egiptomanca ama uriyangui. Ashtahuanpish ñuca ricuchishca llajtapi causai.

GÉNESIS 26:24

Chai tutami Mandaj Diosca Isaacman ricurishpaca: “Ñucaca cambaj yaya Abrahampaj Taita Diosmi cani. Ñuca canhuan cashcamanta ama manchaichu. Cantaca alli cashca cachun nishami. Cambaj huahua huahuacunataca achcatami mirachisha. Ñucapajta ruraj Abrahamta c'uyashcamantami chashna rurasha” nircami.

GÉNESIS 26:5

Cambaj yaya Abraham ñuca rimashcata uyashpa ima shina causana shinataj causashcamanta, ñuca quillcachishcacunata, chaitataj pajtachichun nishcacunata, ñuca mandashcacunata cazushcamantami chashna rurasha” nircami.

GÉNESIS 28:13

Mandaj Taita Diosca chai escalera punta jahuallamantatajmi: “Ñucaca cambaj abuelo Abrahampaj, cambaj yaya Isaacpaj Mandaj Taita Diosmi cani. Can siricun llajtataca canmanpish, cambaj huahua huahuacunamanpishmi cusha.

GÉNESIS 28:15

Ñucaca canhuanmi cani. Can maiman rijpipish ñucami pushasha. Cantaca cai llajtallamantajmi tigrachimusha. Canman imata cusha nishcataca cushatajmi. Cantaca manataj saquishachu” nijtami muscurca.

GÉNESIS 35:11

Taita Diosca chaillapitajmi cashnapish nirca: “Ñucaca Ñucalla Tucuita Rurai Tucuj Taita Diosmi cani. Canca huahuacunayuj tucushpa achcata mirarilla. Canmantami shuj jatun llajtapish, achca aillucunapish tucunga. Cambaj huijsamanta llujshishca huahua huahuacunaca jatun mandajcunami canga.

GÉNESIS 35:12

Abrahamman, Isaacman cushca llajtataca canman, cambaj huahua huahuacunamanpishmi cusha” nircami.

GÉNESIS 9:15

Chaita ricushpami ñucaca cancunapajpish, cancunahuan caj causaiyuj tucui laya animalcunapajpish ñuca rurasha nishpa ari nishcataca yuyarisha. Causaiyuj caj tucuicunata chingachingapajca yacu juilluca ña nunca mana tiyangachu.

GÉNESIS 9:16

P'uyupi cuichita ricushpaca, causaiyuj caj tucuicunapaj ñuca rurasha nishpa huiñaipaj ari nishcatami yuyarisha”.

ESTER 4:14

Jatun mandajhuan mana cunantaj can rimajpipish, ñucanchij judiocunapajca ima shinapish quishpirinaca tiyangami. Ashtahuanpish cantami cambaj yayapaj huasi ucupuracunandijta huañuchingacuna. Cai llaquimanta ñucanchijta quishpichingapaj canca jatun mandajpaj huarmi tucurcanguipishchari” nichunmi cacharca.

SALMOS 106:45

Paicunahuan ari ninacushcatapish paica yuyarircami. Pai yallitaj llaquij cashca shinallatajmi paicunataca llaquirca.

SALMOS 136:23

Ñucanchij llaquihuan cajpipish ñucanchijta yuyarijta alabaichigari. Pai llaquij canaca huiñaipajmari.

ÉXODO 2:24

Paicuna aij nishpa caparishcata uyashpami, Taita Diosca Abrahamman, Isaacman, Jacobman ari nishcata yuyarirca.

ÉXODO 6:5

Cunanca israelcunataca cai Egiptopi causajcuna huatashcata shina paicunapajta trabajachicujpi paicuna aij nishcata uyashpami ñuca rurasha nishcataca cunan rurasha nini.

ISAÍAS 14:1

Mandaj Diosca Jacobpaj huahua huahuacunataca llaquingami. Israelcunataca cutinllatajmi agllanga. Paicunapaj allpallapitajmi samachinga. Caru llajtamanta cajcunapish paicunahuanmi shuj yuyailla tucungacuna. Jacobpaj familiami tucungacuna.

EZEQUIEL 16:60

Ashtahuanpish can solteraraj cajpi ari ninacushcataca yuyaricushallami. Canhuanca huiñaipajmi ari ninacurcanchij.

JOEL 2:18

Shina nijpimi Mandaj Diosca, paipaj llajtamanca achca c'uyaita ricuchishpa, pai agllashcacunataca perdonanga.

Lucas 1:72

Ñucanchij ñaupa yayacunata llaquishpa, paica pajtachishatajmi nishcata mana cungarishpami quishpichishca.

DEUTERONOMIO 4:31

Mandaj Dios cancunapaj Taita Diosca llaquij Taita Diosmi. Paica mana saquingachu, mana chingachingachu. Cancunapaj ñaupa yayacunahuan ari ninacushcatapish manataj cungaringachu.

DEUTERONOMIO 9:27

Cambajta ruraj Abrahamta, Isaacta, Jacobtaca amataj cungaripaichu. Cai runacuna rumi shungu cashcata, Diosta mana risijcuna tucushcata, paicuna juchallishcataca amataj yuyaipi charihuaichu.

JUECES 2:1

Mandaj Diospaj angelca, Gilgal pueblomanta Boquim puebloman huichi rishpami israelcunataca: “Ñucami cancunataca Egiptomanta llujshichishpa, cancunapaj ñaupa yayacunaman ñuca cushami nishca llajtaman pushamurcani. Chai punllallatajmi paicunamanca: Ñuca cancunahuan ari ninacushcataca, manataj p'aquishachu.