LEVÍTICO 26:41 - Dios Rimashca Shimicunami

⁴¹ Chashna huillajpipish ñucaca paicunahuan p'iñarishcamantaca paicunata p'iñajcunapaj llajtamanmi cachasha. Chaipimi paicunaca shungupi mana circuncisionta rurashcacuna shinallatajmari millaita ruracushcanchij ningacuna.

LEVÍTICO 26:41 Iomraidhean Croise

1 REYES 21:29

“¿Ñuca ñaupajpi Acab llaquirishpa cutirishca cajtaca ricunguichu? Chashna ñuca ñaupajpi cutirishcamanta pai causacujpirajca mana llaquichishachu. Paipaj churi mandacui punllapimi paipaj huasi familiataca llaquichisha” nircami.

2 CRÓNICAS 12:12

Roboamca chashna tucui shunguhuan llaquirishcamantami, Mandaj Diosca paihuan yallitaj p'iñarishca cashpapish alli tucurca. Chaimantami mana tucuita chingachirca. Judá llajtapi causajcuna mana allita ruracujpipish, alli causai tiyarcami.

2 CRÓNICAS 32:26

Ezequiasca, jatun tucushca cashpapish, Mandaj Diospaj ñaupajpi cumurircami. Jerusalenpi causajcunapish pai shinallatajmi, Diospaj ñaupajpica llaquirircacuna. Chaimantami Mandaj Diosca p'iñarishca cashpapish, Ezequías causacujpica mana llaquichirca.

2 CRÓNICAS 33:19

Taita Diosta pai mañajpi cutichishcapish, Diosta mana cazushpa paimanta anchurishpa millaita rurashpa causashcapish, Dios ima nishcata paiman huillajcuna quillcashcapimi tiyacun. Shinallataj Diospaj ñaupajpi manaraj llaquirishpa, maillapi Asera huarmi diosman rijchajcunata churashcapish, shujtaj dioscunata rurashcapish, lomacunapi altarcunata rurashcapish ima tucunata huillajcuna quillcashcallapitajmi tiyacun.

2 CRÓNICAS 33:23

Chashna rurashpapish, Mandaj Diospaj ñaupajpi paipaj yaya Manasés llaquirishca shinaca, mana llaquirircachu. Ashtahuanpish ashtahuan millaita rurashpami causarca.

ESDRAS 9:13

Tucui chai llaquicunaca ñucanchijllataj millai ruranacunata rurashcamanta, ñucanchij yallitaj millai juchacunata rurashcamantami ñucanchij jahuaman shamushca. Ashtahuanpish can ñucanchij Diosca canta p'iñachishcamanta llaquichina cashca shinatajca, mana llaquichishpami, cai ashacunallamanpish causaita cushpa tigrachimushcangui.

ESDRAS 9:15

Mandaj Dios israelcunapaj Dioslla, quiquinca cashcata ruraj cashpami, cai ashacunallapish miticushpa cunancama causachun saquishcangui. Ñucanchijca yallitaj juchayuj cashcamanta cambaj ñaupajpi mana caipaj cashpapish, cambaj ñaupajpimi canchij” nishpami, Diosta mañarcani.

NEHEMÍAS 9:33

Quiquinca cashcata ruraj cashpami, ñucanchij ima shina cashca shinallataj ñucanchij jahuaman llaquicunata cachashcangui. Ashtahuanpish ñucanchijmari mana allita rurashcanchij. Quiquinca imata mana pandata rurashcanguichu.

SALMOS 39:9

Quiquinllataj rurasha nishcamanta ruracujpica, imata mana rimashpa, mana rimaj runa shina upajlla saquirircanillami.

ÉXODO 10:3

Shina nijpimi Moiseshuan, Aaronhuanca faraonpajman rishpaca: –Mandaj Dios hebreocunapaj Taita Diosmi cashna nin: Ñuca agllashcacuna richun saquiyari. ¿Maicamataj ñuca ñaupajpica mana cumurisha ninguiyari?

JEREMÍAS 4:4

Judá llajtapi, Jerusalén pueblopi causaj runacunalla, cancuna charishca aicha mirga carata p'itij shinaca, cancunapaj shungumanta tucui millai yuyaita anchuchishpa, ñuca, Mandaj Diospajlla tucuichij. Ñataj cancuna millaita rurashpa causashcamantaca, yallitaj p'iñariman. Ñuca p'iñarijpi nina lunyajpica, pi mana huañuchi tucungachu.

JEREMÍAS 6:10

“Cai runacunaca rinrin huichcashcamari, mana uyashun nincunaca. ¿Pitataj rimashpa cunashari? Can Mandaj Diospaj shimitaca, ima pinganayaj shimicunata shina mana munancunachu” nircani.

EZEQUIEL 14:23

Paicuna ima shina causashcata, imata rurashcata ricushpami cushicunguichij. Chashna rurashcata ricushpami, chai pueblopi causajcunataca mana yangamanta llaquichishcata yachanguichij” ninmi Mandaj Diosca.

EZEQUIEL 20:43

Chai llajtapi cashpami cancuna ima shinalla causashcatapish, imallata rurashpa mapayashcatapish yuyaringuichij. Chashna yuyarishpaca cancuna rurashca juchacunamantaca, quiquinllatatajmi p'iñaringuichij.

EZEQUIEL 44:7

Cancunaca shungumanta millai yuyaita mana anchuchishcacunata, c'aricuna charishca aicha mirga caratapish mana p'itishca shujtaj runacunata ñuca huasiman yaicuchishpamari, ñuca huasitaca mapayachishcanguichij. Cancunaca ñucamanca huiratapish, yahuartapishmi curcanguichij. Ñucahuan ari ninacushcata yangata rurashpamari, cancunaca yallitaj millaita rurashcanguichij.

EZEQUIEL 44:9

Mandaj Jatun Diosca cashnapishmi nin: Israelcunapurapi causacuj shujtaj llajta runacunaca shungumantapish millai yuyaita mana anchuchishca. Paicuna charishca aicha mirga caratapish mana p'itichishca cashpaca, ñuca huasimanca manataj yaicui tucungacunachu.

EZEQUIEL 6:9

Cancunapuramanta causaihuan saquirijcunaca, shujtaj llajtacunapi prezu causacushpami, ñucataca yuyaringacuna. Rurashcalla dioscunata paicunapaj ñahuihuan ricushpa shungupi munashpa ñucamanta anchurishcamantaca, yallitajmi llaquirini. Paicunaca chai tucui millaita rurashcamantaca, quiquinllatajmi yuyarishpa pingaringacuna.

LEVÍTICO 26:24

ñucapish cancunahuan ashtahuan p'iñarishpami, cancunapaj juchamantaca shujtaj canchis cutihuan llaquichisha.

LEVÍTICO 26:28

ñucapish cancunahuan yallitaj p'iñarishpami, cancunapaj juchamantaca canchis cutinhuan llaquichisha.

NÚMEROS 5:7

Chai juchallijca pai juchallishcataca cashna rijsirichun. Maijanpajta imata llaquichishcataca tucuimanta pagachun. Chai jahua pichcahuan pagachun.

Mateo 23:12

Maijanpish jatun tucujtaca, pingachishcami canga. Mana jatun tucujtaca, jatunyachishcami canga.

Lucas 14:11

Maijanpish jatun tucujtaca, pingachishcami canga. Mana jatun tucujtaca, jatunyachishcami canga” nircami.

Lucas 18:14

Cancunaman huillanimi: Impuestota japij runarajmi huasimanca Taita Dios alli nishca tigrarca. Fariseo mañashcataca mana chasquircachu. Maijanpish jatunmi cani nirijtaca, pingachishcami canga. Mana jatun tucujtaca, jatunyachishcami canga” nircami.

Hechos 7:51

¡Cancunaca mana circuncisionta rurashcacunapaj shungucuna, rinrincuna shina rumiyashcacunami canguichij! Chaimantami cancunaca Jucha illaj Espiritutapish manataj cazujcuna canguichij. Cancunapaj ñaupa yayacunapish chashnallatajmi mana cazujcuna carca. Cancunapish chashnallatajmi canguichij.

Gálatas 5:6

Cristo Jesushuan shujlla tucushca cajpica, circuncisionta rurachishca cashpapish, mana rurachishca cashpapish ima mana canchu. Ashtahuanpish crishcamanta c'uyaihuan ruranami alli.

DEUTERONOMIO 10:16

Circunsicionta ruraj shina shungumanta mapa yuyaita p'itichij. Ama ashtahuan ch'ahuancunallataj caichijchu.

DEUTERONOMIO 30:6

Mandaj Dios cancunapaj Taita Diosmi, cancunatapish cancunapaj huahua huahuacunatapish shungupi circuncisionta ruranga. Mandaj Dios cancunapaj Taita Diosta tucui shunguhuan, tucui almahuan paillata c'uyashpa causachunmi chashna ruranga.

DEUTERONOMIO 31:21

Paicunapajman jatun llaquicuna, llaquichijcuna shamujpica paicuna cantajpimi chai cantoca paicuna ima shina cashcamanta chashna cashcata ricuchinga. Paicunapaj huahua huahuacuna cantajpipish chashnallatajmi yuyachinga. Ñuca paicunaman cushatajmi nishca allpaman manaraj ñuca chayachishpa, paicuna chaipi cashpa ima shina yuyana cashcataca ñaupamanmi ñucaca ña yachani” nircami.

Filipenses 3:3

Ñucanchijmi circuncisionta rurashcacuna, Espiritupi Diospajta rurajcuna canchij. Aichata p'itichishcapica mana shunguta churashpami, Cristo Jesuspi jatunyarinchij.

Colosenses 2:11

Cancunaca paipimi circuncisionta rurashcacuna canguichij. Chai circuncisionca mana runacunapaj maquihuan rurashcachu. Ashtahuanpish Cristollatajmi circuncisionta rurarca. Chaimantami cancunapaj juchata ruranamantaca anchuchishcacuna canguichij.