LEVÍTICO 26:4 - Dios Rimashca Shimicunami

⁴ Chashna cajpica tamyana punllapitajmi tamyachisha. Chaipica cancunapaj allpacunapish, cancunapaj allpapi caj yuracunapish alli granocunatami p'ucunga.

LEVÍTICO 26:4 Iomraidhean Croise

1 REYES 17:1

Galaadpi causajcunapuramanta tisbita Eliasca jatun mandaj Acabtaca: “Israelcunata Mandaj Taita Diosca causajmi. Ñucaca paipajtami rurani. Ñuca cutin tamyachun ningacama cai huatacunapica manataj tamyangachu, shullallapish manataj tiyangachu” nircami.

JOB 5:10

Cai pachamanca tamyatami cachan, tarpushcacunamanca yacutami cachan.

SALMOS 104:13

Paimi urcucunapica paipaj huasimanta tamyachin. Chai tamyahuanmi allpaca sumaj granocunahuan junda tucun.

SALMOS 67:6

Allpaca p'ucungami. Taita Diosca alli cashca cachun ningami. Paica ñucanchij Taita Diosmari.

SALMOS 67:7

Taita Dios, ñucanchijtaca alli cashca cachun niyari. Tucui cai pachapi causajcuna manchachuncuna.

SALMOS 68:9

Taita Dios, achcatami tamyachircangui. Chaquishca quiquinpaj allpatapish nuyuchircanguimi.

SALMOS 85:12

Mandaj Diosmi allicunata cunga. Ñucanchij allpacunaca alli granotami p'ucunga.

SALMOS 85:13

Cashcata ruranaca paita ñaupashpami ringa. Pai purishcaca ñanmi saquiringa.

ISAÍAS 30:23

Chaipica Jatun Diosca, allpapi cancuna tarpushca chagramanpish tamyata cachajpimi, chai allpaca yallitaj granota p'ucunga. Chaica cancunaman fuerzata cujmi canga. Chai punllacunapica cancunapaj huagracunatapish, yallitaj achca q'uihuacunapimi michinga.

ISAÍAS 5:6

Shitashca pambatami saquigrini. Uva yura ramacunatapish pi mana p'itishpa allichingachu. Pi mana jallmangachu. Ashtahuanpish cashacuna, mapa q'uihuacunallami jundanga. Chai uva chagra jahuapica p'uyuca mana tamyachingachu. Ñucami chashna mandagrini.

JEREMÍAS 14:22

Shujtaj runacuna charishca, rurashcalla dioscunaca pi mana tamyachi tucunchu. Jahua pachapish paillatajca tamyata mana cachai tucunchu. Ñucanchijta Mandaj, can Diosmari tamyata cachaj cangui. Tucui chai ima tiyajcunataca, canmari rurarcangui. Chaimantamari canllata shuyanchij.

EZEQUIEL 36:30

Shujtaj llajtapi causajcuna, ama cutin cancuna yaricaihuan cajta ricushpa chanzata rurashpa asichunmi, yuracunapipish allpacunapipish granocunataca achcata p'ucuchisha.

JOEL 2:22

Sachapi causaj animalcunapish, ama manchaichijchu. Cancuna micuchunca, shitashca pambacunapi q'uihuacunaca cutinmi huiñanga. Yuracunapipish cutinllatajmi p'ucunga. Higocunapish, uvacunapish achcatami p'ucunga.

LEVÍTICO 25:19

Chai llajtapish alli granocunatami p'ucunga. Mana nijtami micunguichij. Chai llajtapica imata mana manchashpami causanguichij.

LEVÍTICO 25:21

Ashtahuanpish sujta huatapi tarpujpimari, ñucaca tucuimanta yalli achca granocunata p'ucuchisha. Chai huatapica, quimsa huatacama micunapajmi p'ucunga.

ZACARÍAS 8:12

Ashtahuanpish paicunapajca, sumaj causaimi tarpushca shina saquiringa. Uvapish achcatami p'ucunga. Allpacunapish achca granocunatami p'ucunga. Jahua pachapish tamyata cachangami. Chai tucui allicunatami, cai pueblopi causajcunapuramanta saquirishcacunamanca cusha.

Mateo 5:45

Cancunaca jahua pachapi caj Yayapaj huahuacuna cashcata ricuchingapajmi chashna rurana canguichij. Paimi allicunaman, mana allicunamanpish intita cachan. Shinallataj cashcata rurajcunaman, mana cashcata rurajcunamanpish tamyata cachan.

Hechos 14:17

Chashna causacujpipish Taita Diosca tamyata cachashpa granocuna p'ucuna punllapitaj p'ucuchishpami ñucanchijmanca mana nijta carashpa cushichin. Chashnami pai alli cashcataca ricuchin– nircacunami.

DEUTERONOMIO 11:13

Cunan ñuca quillcashpa cushca mandashcacunata chaitataj pajtachishpa tucui shunguhuan, tucui almahuan Mandaj Dios cancunapaj Taita Diosta c'uyashcamanta paipajta rurajpica,

DEUTERONOMIO 11:14

cancunapaj allpapica tamyana punllacunallapitaj ñaupa tamyatapish, q'uipa tamyatapish tamyachisha. Chaipica trigota, vinota, aceitetami cancunaca tandanguichij.

DEUTERONOMIO 28:12

Mandaj Diosca tamyata huaquichishca jahua pachata pascashpami, cancunapaj allpacunapica tamyana punllacunapitaj tamyachishpa cancunapaj maquihuan tucui imalla rurashcacunapica allicunata cunga. Cancunaca achca shujtaj llajtacunaman mañachingapajmi charinguichij. Ashtahuanpish cancunaca pita mana mañanguichijchu.

Santiago 5:7

Chaimanta huauquicuna, Mandaj Jesús shamungacama ama p'iñarishpalla shuyaichij. Chagraj runa ima shina shuyajta ricuichij. Paica allpamanta sumaj granota japingapajca mana p'iñarishpami, ñaupa tamya, q'uipa tamya p'ucuchijta shuyan.

Apocalipsis 11:6

Dios huillachishcata paicuna huillacui punllacunapi ama tamyachun, jahua pachata huichcai tucujcunami. Yacutapish yahuarta rurai tucujcunami. Cai pachatapish paicuna mashna cutin munashcata shujtaj shujtaj llaquicunahuan llaquichi tucujcunami.