LEVÍTICO 26:39 - Dios Rimashca Shimicunami

³⁹ Cancunapura mana huañushpa saquirijcunaca, p'iñajcunapaj llajtapimi ñaupa yayacunapaj juchamantapish, paicunapaj juchallamantatajpish huañungacuna.

LEVÍTICO 26:39 Iomraidhean Croise

2 CRÓNICAS 34:24

Judá llajtata jatun mandaj chai libropi rezajpi llaquicuna tiyanata ricushca shinallatajmi cai llajtamanpish, chaipi tucui causajcunapajpish jatun llaquita apamugrini.

ESDRAS 9:7

Ñaupa ñucanchij yayacunapaj punllamanta cunan punllacamami yallitaj juchata rurashpa causashcanchij. Millaita ñucanchij rurashcamantaca ñucanchijtapish, ñucanchij jatun mandajcunatapish, ñucanchij curacunatapish shujtaj llajtacunata jatun mandajcunapaj maquipimi churashcangui. Paicunaca maijancunataca espadacunahuan huañuchishpa, prezu apashpa, ñucanchij ima charishcacunatapish shuhuashpami ñucanchijtaca yallitaj pingaichirca. Cunanpish chashnallatajmi tucucun.

NEHEMÍAS 1:9

Chashna rurashca cashpapish cancuna ñucapajman cutirishpa, ñuca mandashcacunapi nishca shina chaitataj cutin ruranata callarijpica, tucui cai pachata urata janajta tsirapashca cashpapish tucui chaicunamanta cutinllataj tandachishpa cancunapaj cachun agllashca llajtallapitajmi ñuca shuti chaipi cachun cancunataca chaipi churasha nishcata yuyaripai.

ÉXODO 20:5

Chaicunataca ama cunguringuichijchu, amataj adoranguichijchu. Ñucami Mandaj cambaj Taita Dios cani. Ñucaca tucuita rurai tucuj Dios, ñucapajlla cachun munajmi cani. Yayacuna ñucata p'iñashpa millaita rurajpica paicunapaj quimsa huahua huahuacama, mana cashpacarin chuscu huahua huahuacunacama jatunta llaquichijmi cani.

ÉXODO 34:7

Huaranga huaranga huahua huahuacunacama llaquicujllami cani. Millaita rurashcata, c'ariyashcata, juchallishcata perdonajmi cani. Yallitaj millaitaca imata mana rurashcata shinaca manataj saquishachu. Ashtahuanpish paicunapaj yaya mamamantaca quimsa huahua huahuacunacama, mana cashpaca chuscu huahua huahuacunacamami llaquichisha– nircami.

ISAÍAS 14:21

Yayacuna millaita rurashcamanta paicunapaj huahuacunata huañuchinata allichichij. Llajtacunata japingapaj ama ashtahuan jatarichun, tucui cai pachapi pueblocunata ama ashtahuan rurashpa jundachichunmi chashna rurana canguichij”.

ISAÍAS 24:16

Tucui cai pachamantami: “Cashcata rurajca jatun nishca cachun” nishpa cantacujta uyarcanchij. Chaimi ñucaca: ¡Aij ñucalla llaquihuanmari huañucuni, llaquihuanmari huañucuni! Mana cazujcunaca ña manataj cazuncunachu. Yallitaj mana cazuj millaicunami tucuncuna.

JEREMÍAS 29:12

Chaipica ñucata mañanguichijllami. Ñucapajman shamushpa mañashcataca ñucapish uyashallami.

JEREMÍAS 3:25

Ñucanchij ñaupa yayacunapish, ñucanchijpish huambramantapacha cunancamamari juchata rurashpa, ñucanchijta Mandaj Diostaca p'iñachishpa causanchij. Chashna rurashca jahuamari, ñucanchijta Mandaj Dios rimashcatapish manataj uyashun nircanchij. Chaimantamari cunanca maita mana llujshipaj jatun llaqui tucushpa, pingaihuan huañucunchij” nircacunami.

JEREMÍAS 31:29

Chai punllacunapica: Yayacuna jayaj uvata micushcamantami, huahuacunaca quiru ungüihuan canchij nishpaca, ña mana ningacunachu.

LAMENTACIONES 1:3

Judaca sinchi ruranacunata rurashpa, llaquinayajtami causarca. Shujtaj llajtacunapaj chaupipi causashpapish, mana sumajta causai tucurcachu. Cunanca shujtaj llajtaman prezumari rishca. Paita llaquichijcunaca tucuicuna quichquipi jarcashpamari japircacuna.

LAMENTACIONES 4:9

Allpapi p'ucuj ima grano illashcamantami, yaricaihuan allimanta chaquishpa huañurcacuna. Espadapi huañujcunarajmi, mana paicuna shina llaquita aparcacuna.

EZEQUIEL 18:19

Cancunaca: ¿Imamantashi yayapaj juchamantaca churica llaquita mana apan? ninguichijchari. Paipaj churica imatapish allita, imatapish cashcallatami rurarca. Ñuca quillcachishcacunatapish tucuita cazushpamari, alli pajtachirca. Chashna rurashcamantaca causangatajmari.

EZEQUIEL 20:43

Chai llajtapi cashpami cancuna ima shinalla causashcatapish, imallata rurashpa mapayashcatapish yuyaringuichij. Chashna yuyarishpaca cancuna rurashca juchacunamantaca, quiquinllatatajmi p'iñaringuichij.

EZEQUIEL 24:23

Umapica turbanteta, chaquicunapica zapatocunata churaringuichijlla, ama yupashpa yupashpa huacanguichijchu. Ashtahuanpish cancunaca millaita rurashcamantami, chingarina canguichij. Shinallataj caishuj chaishujmi huacanguichij.

EZEQUIEL 33:10

Huañujlla aichayuj runalla, israelcunataca cashna ni: Cancunaca cashnami ninguichij: Ñucanchij mana cazushpa c'ariyashcapish, ñucanchij juchacunapish ñucanchij jahuallapitajmari. Chashna mana allita rurashcamantamari, ñucanchijca tucuricunchij. Chashnaca ¿ima shinataj causashunri? ninguichijmi ni.

EZEQUIEL 36:31

Cancuna mana alli causashcatapish, imalla mana allita rurashcatapishmi yuyaringuichij. Chai millanana juchacunata rurashcamantaca, cancunallatajmi pingaringuichij.

EZEQUIEL 4:17

Micunapish, yacupish illagrijpica, mancharinacushpami caishuj chaishuj ñahuicunata ricunacunga. Paicuna millaita rurashcamantaca, chashnami tucuringacuna” nircami.

EZEQUIEL 6:9

Cancunapuramanta causaihuan saquirijcunaca, shujtaj llajtacunapi prezu causacushpami, ñucataca yuyaringacuna. Rurashcalla dioscunata paicunapaj ñahuihuan ricushpa shungupi munashpa ñucamanta anchurishcamantaca, yallitajmi llaquirini. Paicunaca chai tucui millaita rurashcamantaca, quiquinllatajmi yuyarishpa pingaringacuna.

OSEAS 5:15

“Paicuna juchallishcata, ñucaca juchallishcanimari nishpa ñucata mashcangacamami ñucaca ñuca causacunman tigrasha. ¡Paicuna llaquihuan cashpami, ñucataca mashcangacuna!” nircami.

ZACARÍAS 10:9

Allitajchari paicunataca shujtaj llajtacunaman caita chaita cachacuni. Chashna caru llajtacunapi causacushpapish, ñucataca yuyaringacunami. Paicunapaj huahuacunandijmi causangacuna. Caiman cutin tigramungacunapishmi.

NÚMEROS 14:18

Yayacunapaj juchamantaca churicunatami quimsa huahua huahuacunacama, chuscu huahua huahuacunacama llaquichini. Juchayujtaca mana juchayujta shinaca manataj saquinichu. Chashna cashpapish Mandaj Dios ñucaca mana utca p'iñarij, yallitaj jatunta c'uyaj cashcamantaca millaita rurashcatapish, c'ariyashcatapish perdonajmi cani nircanguimi.

DEUTERONOMIO 28:65

Chai llajtacunapi causacushpaca mana samari tucunguichijchu, cancunapaj chaquillatapish mana samachi tucunguichijchu. Chaipica Mandaj Diosca cancunamanca manchacuj shungu canata, llaquijlla ñahui canata, llaquijlla alma canatami cunga.

DEUTERONOMIO 30:1

Cunanca Mandaj Diosta cazushpaca allicunata chasquinata, mana cazushpaca llaquicunata chasquinatami ña yachanguichij. Chaimanta Mandaj Dios llaquichishpa shujtaj llajtaman cachajpi chaipi cashpami,

DEUTERONOMIO 5:9

Chaicunataca ama cunguringuichu, paicunapajca ama imata ruranguichu. Ñucami Mandaj cambaj Taita Dios cani. Ñucaca tucuita rurai tucuj Dios, ñucapajlla cachun munajmi cani. Yayacuna millaita rurashpa ñucata p'iñachijpica quimsa huahua huahuacama mana cashpacarin chuscu huahua huahuacamami llaquichini.

DEUTERONOMIO 8:20

Mandaj Diosca shujtaj llajtacunataca cancunapaj ñaupajpimi tucuita chingachinga. Mandaj ñucanchij Taita Dios mandashcata mana uyajpi, paipaj rimashcata mana cazujpica chaicunata shinallatajmi cancunatapish chingachinga.