LEVÍTICO 26:33 - Dios Rimashca Shimicunami

³³ Cancunataca shujtaj llajtacunamanmi urajta janajta cachasha. Espadata llujshichishpa catirashpa llaquichishpami chashna rurasha. Cancunapaj llajtapish chushajllami saquiringa. Cancunapaj pueblocunapish shitashca pambacunami saquiringa.

LEVÍTICO 26:33 Iomraidhean Croise

1 REYES 8:46

(Juchata mana ruraj runaca mana tiyanchu) Shina cajpipish quiquinta mana cazushpa juchallijpica, quiquinca paicunahuan p'iñarishpami caru llajtaman cashpa, c'uchulla llajtaman cashpapish prezu apachun paicunata p'iñajcunapaj maquipi churangui.

2 REYES 25:9

Paimi Mandaj Diospaj huasitapish, mandashpa tiyana huasitapish, Jerusalenpi caj huasicunatapish, jatun mandaj churashca mandajcunapaj huasicunatapish tucuita rupachirca.

2 CRÓNICAS 7:19

Ashtahuanpish ñuca chaitataj pajtachichun nishpa cancunaman cushca mandashcacunatapish mana cazushpa ñucamanta anchurishpa shujtajcunapaj dioscunapajta rurangapaj rishpa paicunata adorajpica,

NEHEMÍAS 1:3

Chaimi paicunaca: “Prezu apacujpi miticushpa chai llajtapi saquirijcunaca yallitaj llaqui pingaimi causacuncuna. Jerusalén muyundij pircacunatapish urmachishca, chai pungucunatapish ninahuan rupachishpa chingachishcami siricun” nishpami huillarcacuna.

NEHEMÍAS 1:8

Quiquinpajta ruraj Moisesman cashna nishcata yuyaripai: Cancuna juchallijpica, ñucaca urata janajta tsirapashpami tucui pueblocunaman cachasha.

ESTER 3:8

Suerteta rurashca q'uipami, Amanca jatun mandaj Asuerotaca cashna nirca: –Can jatun mandaj mandacun tucui llajtacunapi causajcunapurapimi shujcunaca paicunapuralla ch'ican ruranacunata rurashpa causacuncuna. Mandashcacunatapish tucui shujtajcunamanta ch'ican mandashcacunatami charincuna. Can jatun mandaj mandashcacunataca mana cazuncunachu. Paicunamantaca ima allitapish mana japicunguichu. Chashnacunataca can jatun mandajca, mana ashtahuan charinachu cangui.

SALMOS 106:27

Paicunapaj huahua huahuacunapish mana cazujpica, chashnallataj tucui llajtacunata urajta janajta cachanata ricuchishpami chashna rurarca.

SALMOS 44:11

Huañuchijcunapaj maquipi ovejata churaj shinami paicunapaj maquipi churashcangui. Shujtaj llajtacunamanmi caita chaita cachashcangui.

SALMOS 44:12

Quiquin agllashcacunataca, imata mana japishpami c'atushcangui. Caimi valin, chaimi valin mana nishcanguichu.

ISAÍAS 1:7

Cancunapaj allpapish tucuchishca ima illajmari saquirishca. Pueblocunapish ninahuan rupachishcamari. Cancunapaj allpapi p'ucushcacunatapish caru llajtamanta cajcunamari micushcacuna. Cancunapaj ñaupajllapitajmi micushcacuna. Mana rijsishcacunamari shitashca pambata saquishcacuna.

ISAÍAS 6:11

Chaimi ñucaca: “Jatun Dios ¿maicamataj chashna cangari?” nircani. Shina nijpi paica: “Pueblocunapish urmachishca cangacama. Chaipi causajcunapish mana tiyangacama. Huasicunapipish pi mana causaj tiyangacama, allpapish shitashca pamba saquiringacamami chashna canga.

JEREMÍAS 13:24

Chaimantami cancunataca shitashca pambamanta shamuj huairapi t'amuta cachaj shina, maita cachagrini ninmi.

JEREMÍAS 15:4

Ezequiaspaj churi Manasesca, Judá llajtata jatun mandaj cashpami, Jerusalenpica jatun millaita rurashpa causarca. Chaimantami tucui Judá runacunataca, tucui shujtaj llajtacunapi causajcuna mancharina jatun llaquipi churagrini.

JEREMÍAS 31:10

Tucui llajtacunapi causajcuna, Mandaj Dios rimashcata uyaichij. Caitaca mama cucha uripi caj ashtahuan caru llajtacunapipish cashna huillaichigari: Israelcunata llujshichishpa caita, chaita cachajca cutin tandachingami. Chashna tandachishpaca shuj michij paipaj canlla ovejacunata cuidaj shinamari huaquichinga nichigari.

JEREMÍAS 4:7

Leonmari sachamanta llujshimucun. Llajtacunata tucuchijmari caiman shamungapaj ñanpi yaicushca. Cancunapaj llajtata tucuchingapajmari pai tiyanamanta llujshimushca. Cancunapaj tucui pueblocunamari shuj runallapish illaj, shitashca saquiringa” ninmi.

JEREMÍAS 7:34

Chashna rurashpami, Judá llajtamantapish, Jerusalén pueblo callecunamantapish asishpa cushicuihuan cantanataca chingachisha. Shinallataj cusayuj, huarmiyuj tucushca punlla cantanatapishmi chingachisha. Tucui llajtatami shitashcata saquisha” ninmi.

JEREMÍAS 8:3

Chai millai runacunapuramanta saquirijcunatapish caita, chaitami prezu cachasha. Chaicunapish maipi cashpapish causanata munanapaj randica, huañunatami munangacuna” ninmi. Tucuita Mandaj Diostajmi chashna nin.

JEREMÍAS 9:16

Shinallataj paicunapaj yayacunapish, paicunapish mana rijsishca llajtacunamanmi paicunataca caita chaita cachagrini. Maipi cajpipish, tucuringacamami espadahuan huañuchichisha” ninmi.

LAMENTACIONES 1:1

¡Aij, achcacuna causacushca puebloca shitashcamari saquirishca! Tucui llajtacuna rijsishca jatun pueblomari carca. Cunanca cusa huañujpi viuda saquirishca huarmi shinamari. Tauca llajtacunata mandana pueblomari carca. Cunanca impuestota pagajmari tucushca.

LAMENTACIONES 1:3

Judaca sinchi ruranacunata rurashpa, llaquinayajtami causarca. Shujtaj llajtacunapaj chaupipi causashpapish, mana sumajta causai tucurcachu. Cunanca shujtaj llajtaman prezumari rishca. Paita llaquichijcunaca tucuicuna quichquipi jarcashpamari japircacuna.

LAMENTACIONES 4:15

Paicunataca: “¡Mapa runacunami, anchurichij anchurichij, ama tuparichijchu!” nishpami caparircacuna. Llujshishpa caita chaita rircacunami. Shujtaj llajta runacunaca: “Caipica ña mana ashtahuan causangacunachu” nircacunami.

LAMENTACIONES 4:16

Mandaj Diosmari p'iñarishpa anchuchirca, paica ña manataj ricungachu. Curacunatapish mana pingarcacunachu, yuyajcunatapish mana llaquircacunachu.

EZEQUIEL 12:20

Runacuna causacun pueblocunapish, shitashcami saquiringa. Chashnami cai llajtaca llaquinayaj saquiringa. Chashna rurajpimi ñucataca, Mandaj Diostaj cashcataca yachangacuna ninmi ni” nircami.

EZEQUIEL 20:23

Shinallataj chai shitashca pamballapitaj cashpami, ñuca maquita alzashpa, paicunataca tucui cai pachapi tiyaj llajtacunaman caita chaita cachasha nircani.

EZEQUIEL 22:15

Cancunataca shujtaj llajtacunaman caita chaitami cachasha. Shinallataj cancunamantaca millaita rurashcacunatapish tucuitami chingachisha.

EZEQUIEL 5:2

Macanacuna punllacuna ña tucurijpica, quimsapi chaupishca shuj mirgataca, chai pueblo chaupillapitaj ninahuan rupachingui. Caishuj mirgataca, chai pueblo muyundijpi espadahuan p'itingui. Caishuj mirga ajchataca, tsirapashpa huairapi cachangui. Ñucami paicunataca espadahuan catishpa risha.

OSEAS 9:6

Chingachigrijpi miticushpa ricujpica, Egiptocunami japingacuna. Menfispimi pambangacuna. Paicunapaj cullqui huaquichinacunapica, chinimi jundanga. Paicunapaj causana huasicunapica, cashami huiñanga.

AMÓS 9:4

Paicunata p'iñajcuna prezu apashpa huatashcata shina charicujpipish, espadahuanmi huañuchichisha. Ñucaca paicunata ricushpapish, llaquichingapajllami ricusha. Allita rurangapajca, mana ricushachu” ninmi.

ZACARÍAS 7:14

Ashtahuanpish paicunataca, jatun acapanahuanmi llujshichishpa tucui llajtacunaman caita chaita cacharcani. Chaimantami paicuna causana llajtaca, llaquinayaj saquirirca. Pipish mana tigrashpa ricuipaj jatun llaquimi tucurca. Paicuna munashca allpaca, shitashcami saquirirca” ninmi.

Lucas 21:24

Maijancunataca espadahuanmi huañuchingacuna, shujtajcunataca tucui llajtacunamanmi prezu apangacuna. Jerusalenca mana israelcuna sarushcami canga. Paicuna sarushca cana punlla pajtangacamami, mana israelcuna mandanga.

DEUTERONOMIO 4:27

Mandaj Diosllataj cancunataca shujtaj llajtacunaman urata janajta cachajpimi urata janajta rishpaca chaicunapica ashacunalla saquiringuichij.

Santiago 1:1

Taita Diospajtapish, Mandaj Jesucristopajtapish ruraj Santiagomi cani. Caita chaita rishca chunga ishqui aillucunatami allilla cashca cachun nini.