LEVÍTICO 26:30 - Dios Rimashca Shimicunami

³⁰ Lomacunapi tiyaj cancunapaj altarcunatapish chingachishami. Cancunapaj imamanpish rijchaj dioscunatapish urmachishami. Huañushca cancunapaj aichacunatapish, chai urmachishca manapish causaiyuj dioscunapaj jahuapimi paltajni shitasha. Chashnami ñucaca cancunataca millanachisha.

LEVÍTICO 26:30 Iomraidhean Croise

GÉNESIS 19:13

Cai pueblotaca chingachigrinchijmi. Cai pueblopi causajcuna yallitaj millaita rurashcata caparishpa huillashcami Mandaj Diospajman chayarca. Chaimi Mandaj Diosca cai pueblota chingachichun ñucanchijta cacharca– nircacunami.

1 REYES 13:2

Paica Mandaj Diosllataj mandajpimi, chai altarta p'iñashpa cashna nishpa sinchita caparirca: “Altar, altar, Mandaj Diosca cashnami nin: Davidpaj huasi ucupuramantami Josías shuti huahua huacharinga. Paimi lomacunapi tiyaj altarcunapi inciensota rupachij curacunataca cambaj jahuallapitaj sacrificanga. Runacunapaj tullucunatapish cambaj jahuallapitajmi rupachingacuna ninmi” nircami.

1 REYES 13:32

Mandaj Dios rimachijpi Bet-elpi caj altartapish p'iñashpa, Samaria llajtapi caj pueblocunapi tiyaj lomacunapi rurashca huasicunatapish p'iñashpa, pai caparishpa rimashcaca chashnatajmi tucunga– nircami.

2 REYES 23:16

Josiasca tigralla ricushpaca, chai lomapica huañushcacunata churashca jutcucunata ricushpami, chai jutcucunamanta huañushcacunapaj tullucunata llujshichichishpa altar jahuapi rupachishpa chai altarcunataca yangata rurarca. Mandaj Dios paipaj runaman cashna tucuna cashcata huillachishca shinallataj pajtarca.

2 REYES 23:20

Lomacunapi tiyaj altarcunapaj curacuna chaipi cajcunataca chai altarcuna jahuallapitajmi huañuchirca. Chai jahuapica gentecunapaj tullucunata rupachishpami Jerusalenman tigrarca.

2 REYES 23:8

Judá llajta pueblocunapi caj tucui curacunatapish tandachishpami, lomacunapi tiyaj altarcunapi chai curacuna inciensota rupachina altarcunataca, Geba pueblomanta callarishpa, Beerseba pueblocama tucuita yangata rurarca. Pueblota mandaj Josuepaj nishca pungu c'uchupi tiyaj altarcunatapishmi urmachirca. Chai altarcunaca puebloman yaicuna pungu lluqui ladomanmi carca.

2 CRÓNICAS 23:17

Chai llajtapi causajcuna Baalpaj huasiman yaicushpaca tucuitami urmachircacuna. Chaipi tiyaj altarcunatapish, rurashcalla dioscunatapish urmachishpa tucuimi ñuturcacuna. Baalpaj Matán nishca curatapish chai altar ñaupajllapitajmi huañuchircacuna.

2 CRÓNICAS 31:1

Chai jatun micui punllacuna tucurijpica, chaipi caj tucui israelcunami Judá llajtallapitaj paicuna causana pueblocunaman tigrarcacuna. Chashna tigrashpaca, dioscunata rurashca jatun rumicunatapish, Asera huarmi diosman rijchajcunatapishmi tucui p'aquircacuna. Shinallataj lomacunapi tiyaj altarcunatapishmi tucui urmachircacuna. Judá llajtapipish Benjamín llajtapipish, Efraín llajtapipish, Manasés llajtapipish chashna tucui chai altarcunata urmachishca q'uipami israelcunaca tucuicuna paicunapaj pueblocunaman, quiquin allpacunaman tigrarcacuna.

SALMOS 106:40

Chaimantami Mandaj Diosca, paipaj cajcunahuanca nina sindirij shina yallitaj p'iñarirca. Paipaj cajcunataca millanachircami.

SALMOS 89:38

Chashna cashpapish quiquinmi shitashcangui. Aceitehuan churashpa mandanapi quiquin churashcatamari yanganchishpa shitashcangui. Quiquinllatajmari paihuanca p'iñarishcangui.

ISAÍAS 27:9

Chashna rurashpami Jacob millaita rurashcataca perdonanga. Rumimanta rurashca altarcunata tucui urmachishpa, cal rumicunata shina ñutu allpata saquishpa, Asera diosman rijchajcunataca ña manataj cutin rurashpa, intiman rijchaj dioscunatapish ña manataj rurashpami paicunapaj juchacunata perdonashcamanta p'ucushca granoca ricuringa.

JEREMÍAS 14:19

Mandaj Dioslla, Judá runacunataca ¿huiñaipajchu shitangui imatagari? ¿Sión urcutapish ña manatajchu ricunachingui imatagari? ¿Imamantataj imahuan mana jambiripajta chugrichihuarcanguiyari? Sumaj causaitamari shuyarcanchij, ima alli punllacuna mana chayamunca. Jambichunmari shuyarcanchij, ashtahuanpish mancharina llaquillamari shamun.

JEREMÍAS 16:18

Paicuna imalla millaita, imalla juchata rurashcamantarajmi shuj cutihuan yallita pagasha. Paicunapaj huañushca dioscunahuanmi ñuca allpataca mapayachircacuna. Ñuca tucui llajtapimi, chai millananacunata jundachircacuna” ninmi.

EZEQUIEL 16:39

Cantaca paicunapaj maquipimi churasha. Rurashcalla dioscunata adorana huasicunatapish, altarcunatapish urmachingacunami. Cambaj churanacunatapish, tucui laya sumaj aparinacunatapishmi quichushpa apangacuna. Cantaca churana illaj lluchullatami saquingacuna.

EZEQUIEL 43:7

cashnami nirca: “Huañujlla aichayuj runa, chaipica jatun tiyarinapi ñuca tiyarinami. Caipica ñuca chaquicunata samachinami. Caipimi israelcunahuanca huiñaita causasha. Israelcunaca paicunapish, paicunata jatun mandajcunapish ña mana huainayashpa, ñuca shutita ashtahuan yangata rurangacunachu. Jatun mandajcunapaj huañushca aichacunatapish, ña mana ashtahuan lomacunapi tiyaj altarcunapica churangacunachu.

EZEQUIEL 6:13

Paicunapaj rurashcalla tucui dioscunamanca tucui lomacunapi, tucui urcucunapi, p'angasapa yura ucucunapi, p'angasapa encina yura ucucunapimi inciensota cushpa rupachincuna. Paicunapaj dioscunaman cushpa rupachishca chai tucui altarcuna muyundijpi huañushcacuna siricujta ricushpami, ñucataca Mandaj Diostaj cashcata yachangacuna.

OSEAS 10:2

Paicunapaj yuyaica caiman chaiman tucucujmi. Chaimanta cunanmi paicuna ima shina cashcataca ricuchigrin. Mandaj Diosca paicunapaj altarcunatami ñutunga. Rurashcalla dioscunatami chingachinga.

LEVÍTICO 20:23

Cancunapaj ñaupajmanta ñuca llujshichishpa cachana llajtacuna rurashca shinaca ama ruranguichijchu. Paicunaca chashna millananacunata rurashcamantami ñucapajca millananacuna carca.

LEVÍTICO 26:11

Ñuca causanataca cancunapaj chaupipimi churasha. Ñucapish cancunata mana millanachishachu.

LEVÍTICO 26:15

ñuca ima shina causachun nishcacunatapish yanganchishpa, cancunapaj yuyaipica ñuca chaitataj pajtachichun nishcatapish mana ricunachishpa, ñucahuan ari ninacushca mandashcacunata chaita rurana yuyailla tucushpa ruranatapish mana rurajpica,

AMÓS 6:8

Mandaj Jatun Diosca, paipaj quiquin shimihuantajmi cashna nin: Tucuita Mandaj Jatun Diosca cashnami nin: “Jacobopaj huahua huahuacunataca jatun tucushca cajpimi p'iñani. Paicuna mandashpa tiyana huasicunatapish mana ricunanchu. Chaimantami chai pueblotaca, chaipi tucui imalla tiyajcunandij, paicunata p'iñajcunapaj maquipi churasha” ninmi.

AMÓS 7:9

Isaacpaj huahua huahua israelcunapaj, lomacunapi tiyaj altarcunatapish tucuitami urmachisha. Paicunapaj dioscunata yuyarina huasicunatapish tucuitami chingachisha. Shinallataj israelcunata jatun mandaj Jeroboamtaca, paipaj huahuacunandijmi espadahuan huañuchishpa chingachisha– nircami.

DEUTERONOMIO 32:19

Chaita ricushpami Mandaj Diosca nina sindirij shina yallitaj p'iñarirca. Paipaj churicuna, paipaj ushushicuna yanganchishcamantami yallitaj p'iñarca.