LEVÍTICO 26:26 - Dios Rimashca Shimicunami

²⁶ Cancunapaj micunacunata ñuca chingachijpica, chunga huarmicunami shuj hornollapi tandata cusashpa, chaita chaupinacushpa micushpapish yaricai pararijtaca mana micunguichijchu.

LEVÍTICO 26:26 Iomraidhean Croise

2 REYES 6:25

Chashna muyundijta chapacushcamanta Samariapi jatun yaricai cajpimi, shuj burro umataca pusaj chunga cullquipi c'aturcacuna. Paloma cacataca, chaupi librallatami pichca cullquipi c'aturcacuna.

SALMOS 105:16

Chai llajtamanca jatun yaricaitami apamurca. Paicunapaj tucui micunatami chingachirca.

ISAÍAS 3:1

Tucuita Mandaj Jatun Diosca Jerusalenpi, Judapi allicunata cujta, tucuita rurai tucujta anchuchingami. Micunatapish, anchuchingami. Yacutapish anchuchingami.

ISAÍAS 5:10

Chunga huagra yuntahuan yapushca uva chagraca shuj barril vinopajlla uvatami p'ucunga. Chunga costal muyu yaicushca trigo chagrapish, shuj costal trigollatami p'ucunga.

ISAÍAS 9:19

Tucuita Mandaj Dios p'iñarijpica, cai pachaca amsayangami. Gentecunaca chaquishca q'uihua shinami lunyashpa rupanga. Gentecunaca paipaj quiquin huauquitapish mana llaquingachu.

ISAÍAS 9:20

Alli maquiman cajta millpushpapish yaricaillahuantajmi saquiringacuna. Lluqui maquiman cajta micushpapish mana huijsa jundata micungachu. Tucuicunami paicunapaj quiquin rigrallatataj micungacuna.

JEREMÍAS 14:12

Paicuna mana micushpa ñucata mañajpipish, manataj uyashachu. Animalcunata huañuchishpa tucui rupachijpipish, imata cujpipish manataj chasquishachu. Ashtahuanpish espadahuan, yaricaihuan, jatun ungüihuanmi tucuchisha” nircami.

EZEQUIEL 14:13

“Huañujlla aichayuj runa, cai llajtapi causajcuna ñucata shitashpa yallitaj millaita rurashpa mana cazujcunataca, ñucallatajmi llaquichisha. Micunatapish quichushpami, paicunamanca yaricaita cachasha. Runacunatapish, animalcunatapish cai llajtamantaca chingachishami.

EZEQUIEL 4:10

Chai micunataca, punllantami chaupi librallata micuna horaslla micuna cangui.

EZEQUIEL 4:16

Chai q'uipaca cashnami nirca: “Huañujlla aichayuj runalla, Jerusalenpica micunaca illangami, pizashcallatami llaquijlla micungacuna. Yacutapish manchai manchaillami medishpalla ubyangacuna.

EZEQUIEL 4:17

Micunapish, yacupish illagrijpica, mancharinacushpami caishuj chaishuj ñahuicunata ricunacunga. Paicuna millaita rurashcamantaca, chashnami tucuringacuna” nircami.

EZEQUIEL 5:16

Paicunamanca jatun yaricaitami cachasha. Chashnami chai yaricaita cachashpa cancunapaj micunatapish chingachishpa jatunta llaquichisha.

OSEAS 4:10

Micungacunami, huijsa jundataca mana micungacunachu. Huainayangacunami, mana miraringacunachu. Mandaj Diospajta ruranata saquishcamantami chashna tucungacuna.

LEVÍTICO 26:27

Chaipipish, ashtahuan yallitaj mana allita rurashpa catijpica,

MIQUEAS 6:14

Micushpapish mana sajsanguichu, yaricaillahuantajmi saquiringui. Ima charinacunata tandachishpapish, mana pacai tucunguichu. Imata pacajpipish, canta p'iñajcunamanmi cushpa cachasha.

HAGEO 1:6

Cancunaca achcata tarpushpapish, ashallatami japinguichij. Micushpapish mana huijsa jundata micunguichijchu. Yacuta ubyashpapish, yacunaillahuantajmi saquiringuichij. Chirijpi churanacunata churarishpapish, manataj cunujyanguichijchu. Trabajashcamanta cullquita japishpapish, jutcu muchilapimi huaquichinguichij” ninmi.