LEVÍTICO 26:25 - Dios Rimashca Shimicunami

²⁵ Ñucahuan ari ninacushcata p'aquishcamanta cancunata llaquichij cachunca, cancunata p'iñajcunatami macanacushpa huañuchichun pushamusha. Paicuna mishajpi cancunapaj pueblocunapi miticujpipish, cancunaman llaquichij ungüita cushpami cancunata p'iñajcunapaj maquipi churasha.

LEVÍTICO 26:25 Iomraidhean Croise

2 SAMUEL 24:15

Shina nijpimi Mandaj Diosca, chai tutamantamanta callarishpa pai llaquichisha nishca punllacama israelcunapajmanca jatun ungüita cacharca. Chaimi Danmanta callarishpa Beerseba pueblocama 70.000 runacuna huañurca.

1 REYES 8:33

Can agllashca israelcunaca canta p'iñachishpa juchallishcamanta paicunata p'iñajcuna llaquichishca tucungachari. Chaipica canman cutirishpa, cambaj shutipi juchacunata huillashpa, canta mañashpa, rogashpa, cai huasipi huacashpa mañajpica,

1 REYES 8:37

Cai pachapi yaricai, ungüi, granocuna chaquiri, granocuna quilluyai, langostacuna, mana cashpaca piquicuna tiyajpi, maipi causacujpipish paicunata p'iñajcuna muyunchishca cajpi, ima llaquicunahuan, mana cashpaca ungüicunahuan cashpa,

2 REYES 17:3

Oseashuan macanacungapajmi Asiria llajtata jatun mandaj Salmanasarca huichiyamurca. Oseasca paipajta ruraj tucushpami, tributota pagashpa causarca.

2 CRÓNICAS 24:24

Judá llajtamanca Siria llajta soldadocunaca, shuj mirgallami shamushcacuna carca. Shina cajpipish Mandaj Diosca, Judá llajtapi causajcuna paimanta anchurishcamantami, paicunataca achca soldadocunata chai ashalla soldadocunapaj maquipi churarca. Chashnami Joastaca, paita llaquichina cashca shinallataj jatunta llaquichircacuna.

SALMOS 94:1

Mandaj Dioslla, quiquinca llaquichijcunata llaquichij Taita Diosmari cangui. Llaquichijcunata llaquichij Taita Dios cashcata ricuchiyari.

ÉXODO 5:3

Chaimi paicunaca: –Hebreocunapaj Taita Diosmari ñucanchijhuan tuparca. Ñucanchijta Mandaj Dios jatun ungüihuan, mana cashpaca espadahuan ama huañuchichunmi, cunanca quimsa punllacunata shitashca pambaman rishpa, chaipi ñucanchijta Mandaj Diosman animalcunata cushpa rupachina canchij– nircacunami.

ISAÍAS 1:20

Ñuca nishcacunata mana munashpa mana cazushpaca, espadahuan tucuchishcami canguichij” ninmi Mandaj Diosca.

ISAÍAS 65:12

ñucapish paicunamanca espadapi huañunata cujpica tucui cancunami cungata p'itishpa huañuchijcunapaj ñaupajpi cunguringuichij. Cayajpipish, mana cutichircanguichijchu. Rimajpipish mana uyarcanguichijchu. Ashtahuanpish ñuca ñaupajpi millaita rurashpami ñuca mana munashcata agllarcanguichij” ninmi.

JEREMÍAS 19:7

Chai pambapimi Judá llajtapi causajcuna, Jerusalenpi causajcuna imata yuyarinacushcataca chingachisha. Paicunata p'iñashpa huañuchingapaj shamuj runacunapaj maquipi churashpami, espadahuan huañuchichisha. Chai huañushca aichacunataca huairata purij pajarocunaman, sachapi causaj animalcunamanmi carasha.

JEREMÍAS 24:10

Paicunapaj ñaupa yayacunamanpish, paicunamanpish cushca cai llajtapica shujllatapish mana saquishachu. Jatun macanacuita, yaricaita, ungüita cachashpami tucui chingachisha” ninmi.

JEREMÍAS 50:28

Babilonia llajtamanta quishpirishpa shamujcuna huillacujtamari uyani. Ñucanchijta Mandaj Diosmari Babilonia llajtapi causajcunataca, paipaj huasita urmachishcamanta llaquichishca nishpami huillacuncuna.

JEREMÍAS 51:11

Mandaj Diosca Babilonia llajtataca, paipaj huasita urmachishcamantamari, jatunta llaquichisha nishca. Chaimantamari Media llajtata jatun mandajcunataca, Babiloniata llaquichina yuyaita cushca. Media soldadocunalla, puntajlla caspicunata alli p'ichaichigari, escudocunatapish rigrapi aparichigari.

JEREMÍAS 9:16

Shinallataj paicunapaj yayacunapish, paicunapish mana rijsishca llajtacunamanmi paicunataca caita chaita cachagrini. Maipi cajpipish, tucuringacamami espadahuan huañuchichisha” ninmi.

LAMENTACIONES 2:21

Huahuacunapish, yuyajcunapish pueblo ñancunapimi huañushca siricurca. Ñuca solteracunapish, ñuca mosocunapish espadapimi huañurcacuna. Jatunta p'iñarishpamari, chai punllapica mana llaquishpa, cungata p'itircangui.

EZEQUIEL 14:17

Mana cashpaca espadata cai llajtaman apamushpaca: Espada, cai llajtapi causaj runacunatapish, animalcunatapish huañuchi nishpa huañuchichicujpica,

EZEQUIEL 20:37

Cancunataca varahuan yupashpami pasachisha, ari ninacushcata pajtachishpa causachunmi churasha.

EZEQUIEL 29:8

Chashna cashcamantami, Mandaj Jatun Diosca cantaca cashna nin: “Riqui, canta llaquichingapajmi espadata apamuni. Chaihuanmi cai llajtamantaca runacunatapish animalcunatapish chingachisha.

EZEQUIEL 33:2

“Huañujlla aichayuj runalla, cambaj llajtapuracunamanca cashna nishpa huillai: Shuj llajtapi causajcunaca, paicunapuramanta shujta agllashpami, ñuca espada shamucujta chapachun churangacuna.

EZEQUIEL 5:17

Shinallataj yaricaitapish, p'iña animalcunatapish cachashpami cancunataca llaquichisha. Paicunami cancunataca chingachinga. Caipica ungüipish, yahuarpish, jatun macanacuicunapishmi tiyanga. Caitaca Mandaj Dios ñucatajmi chashna nini” nircami.

EZEQUIEL 6:3

Paicunamanca cashna ningui: Israel llajtapi tiyaj urcucunalla Mandaj Jatun Dios ima nishcata uyahuaichij. Mandaj Jatun Diosca, urcucunatapish, lomacunatapish, larca yacucunatapish, pugru pambacunatapish cashnami nin: Riquichij, ñucami cancunapajca espadata cachasha. Shinallataj lomacunapi tiyaj altarcunatapish chingachishatajmi.

OSEAS 11:6

Paicunapaj pueblocunapica espadami urmanga. Muyundij llajtacunandijmi tucuchinga. Paicunallataj mana allita ruranata yuyarinacushpa rurashcamantami chashna tucunga.

LEVÍTICO 26:6

Llajtapica sumaj causaitami cusha. Cancunaca pi mana manchachishcami dorminguichij. Cancunapaj llajtamantaca millai animalcunatapish anchuchishami. Cancunapaj llajtapica macanacuipish mana tiyangachu.

AMÓS 4:10

“Egipto llajtapi causajcunata shinallataj huañuchichunmi, huañuchijcunata cancunapajmanpish cacharcani. Cancunapaj churicunatapish espadahuanmi huañuchircani. Cancunapaj caballocunatapish cancunata p'iñajcuna apachunmi saquircani. Cancunapajmanca huañushcacunapaj ismushca aicha ashnaitapishmi cacharcani. Cancunaca chashna tucui llaquicunata apacushpapish, manataj ñucapajman cutirircanguichijchu” ninmi Mandaj Diosca.

HABACUC 3:5

Paipaj ñaupajmantaca, huañuicunami rirca. Paipaj chaquicunamantaca, nina rupacuj brazusmi llujshirca.

NÚMEROS 14:12

Paicunataca ñucami huañuchij ungüita cachashpa chingachisha. Shina cashpapish canmantami ashtahuan jatun llajtata, paicunata yalli c'ari c'aricunata rurasha– nijpimi

NÚMEROS 16:49

Chai huañuipi huañujcunaca, 14.700 gentecunami carca. Coré runahuan tucushpa jatarishpa Diosta c'ariyajpi huañuchishcacunata mana yupashcami chaica carca.

NÚMEROS 31:3

Chaimi Moisesca israelcunataca cashna nirca: –Madianitacunahuan macanacunaman ringapaj cancunapuramanta maijancunata allichichij. Israelcunata llaquichishcamanta paicunatapish Mandaj Dios llaquichinata pajtachingapaj richij.

Lucas 21:11

Ch'ican ch'ican llajtacunapi pamba chujchushpa allpa t'imburicunami tiyanga. Achca yaricai, millai ungüicunapishmi tiyanga. Jahua pachapica jatun mancharinacuna, mana ricushca señalcunapishmi ricuringa.

DEUTERONOMIO 28:21

Cancunapaj cachun cancuna japigricun llajtamanta tucui chingachingacamami, Mandaj Diosca cancunapaj jahuamanca huañuchij ungüita cachanga.

DEUTERONOMIO 32:25

Canllaman cajcunatapish espadacunahuanmi huañuchingacuna. Huasi ucupi cajcunapish chujchungacunami. Q'uipa huiñai c'aricunapish, huarmicunapish, chuchucuj huahuacunapish, puzujlla umacunapish chujchungacunami.

DEUTERONOMIO 32:35

Chai tucuimantaca ñucami paicunatapish llaquichisha. Paicuna rurashca shinallatajmi cusha. Paicunapaj llaqui punllaca ñallami chayamugrin. Paicunaman cunataca allichishcatami charicuni.

DEUTERONOMIO 32:41

Achij nicuj ñuca espadata ña filosapata rurashpaca, llaquichijta ñuca maquihuan japishpami ñucata p'iñajcunataca paicuna ima shina rurashca shinallataj rurasha. Paicuna ima shina rurashca shinallatajmi ñucata p'iñajcunamanca cusha.

JUECES 15:11

Chaimi Judá aillupaj, 3.000 runacuna Etam jatun peña quinripi tiyaj jutcuman Sansonpajman rishpaca: –Filisteocuna ñucanchijta mishashpa, paicuna mandacushcataca ¿manachu yachangui? ¿Ima nishpataj chashna ruranguiyari?– nijpi Sansonca: –Ñucata llaquichijpimi, ñucapish paicunataca chai shinallataj rurarcani– nirca.