LEVÍTICO 26:22 - Dios Rimashca Shimicunami

²² Millai sacha animalcunatapishmi cancunapaj huahuacunata apachun cancunapajman cachasha. Cancunapaj animalcunatapish chingachingami. Chaimanta cancunapaj ñancunapi purijcunaca ashacunallami tucunga.

LEVÍTICO 26:22 Iomraidhean Croise

2 REYES 17:25

Chai runacuna causai callarijpica cashnami tucurca: Paicuna chaipi causai callarishpaca Mandaj Diostaca mana mancharcacunachu. Chaimi Mandaj Diosca paicunata huañuchichun leoncunata cachajpi paicunata huañuchirca.

2 REYES 2:24

Eliseo paicunata tigralla ricushpaca, Mandaj Diospaj shutipi llaqui tucushca canman nijpimi, sachamanta ishqui osocuna llujshishpa, chuscu chunga ishqui huambracunata cashtushpa mirga mirgata rurarca.

2 CRÓNICAS 15:5

Chai huatacunapica pipish mana sumajta causai tucurcachu. Ashtahuanpish tucui cai llajtacunapi causajcunami huasipi cashpapish, ñanpi cashpapish manchaihuan purircacuna.

ISAÍAS 24:6

Chaimantami llaqui tucushca canman nishcaca tucui cai pachata tucuchirca. Chaipi causajcunatapish tucuicunatami jatunta llaquichirca. Chaimi cai pachapi causajcunaca tucui tucuchishca carca. Cai pachapi causajcunaca ashacunallami tucurca.

ISAÍAS 33:8

Rumicunahuan allichishca ñancunaca shitashcamari saquirin. Chai ñanta purijcunapish ña mana purincunachu. Ari ninacushcatamari p'aquishcacuna. Pueblocunatami p'iñarcacuna. Gentecunataca yangapimi churarcacuna.

JEREMÍAS 15:3

Mandaj Diosca cashnapishmi nin: “Paicunapajca chuscu jatun llaquicunatami cachagrini. Puntaca espadahuanmi huañuchisha. Chai q'uipaca tucui c'utsashpa micuchun allcucunatami cachasha. Shinallataj tucui micushpa tucuchichunca, huairata purij pajarocunatapish, sacha animalcunatapishmi cachasha.

JEREMÍAS 42:2

Dios imalla nishcata huillaj Jeremiaspajman c'uchuyashpa cashna nircacuna: –Ñucanchijca canta shuj mañanahuanmi shamunchij, chaitaca ama mana nipangui. Ñucanchijca achcacuna cashca cashpapish, cai ashallacunami saquirishcanchij. Chaitaca canllataj ricunguimi. Chashna cashcamantaca canta Mandaj Diostaca, caipi saquirishca tucui ñucanchijmanta mañapai.

LAMENTACIONES 1:4

Sionmanta purina jatun ñancunaca llaquillamari siricun, jatun tandanacuicunata ruranaman pi mana shamunchu. Pueblo pungucunapish pambapi shitashcamari siricun. Paipaj curacunapish aij nincunamari, solteracunapish llaquinayajtamari huacacun. Sióntaca jatun llaquimari japirca.

EZEQUIEL 14:15

Shinallataj cai llajtamanca p'iña animalcunata cachashpa llaquichicujpica, chai animalcunapaj chaupitaca pipish mana pasai tucunmanchu. Cai llajtaca shitashcami saquirinman.

EZEQUIEL 14:21

Chaimantami Mandaj Jatun Diosca cashna nin: “Jerusalenta llaquichingapajca, chuscu jatun llaquicunatami cachasha. Chai pueblopi causaj runacunata, animalcunata huañuchingapaj espadatapish, yaricaitapish, p'iña animalcunatapish, jatun ungüicunatapishmi cachasha.

EZEQUIEL 33:28

Chashna rurashpami, chai llajtataca llaquinayaj shitashcata saquisha. Jatun tucushpa mandana Israel llajtaca chingaringami. Israel llajtapi tiyaj urcucunapish shitashcami saquiringa, pipish chai urcucunataca mana puringachu.

EZEQUIEL 5:17

Shinallataj yaricaitapish, p'iña animalcunatapish cachashpami cancunataca llaquichisha. Paicunami cancunataca chingachinga. Caipica ungüipish, yahuarpish, jatun macanacuicunapishmi tiyanga. Caitaca Mandaj Dios ñucatajmi chashna nini” nircami.

LEVÍTICO 26:6

Llajtapica sumaj causaitami cusha. Cancunaca pi mana manchachishcami dorminguichij. Cancunapaj llajtamantaca millai animalcunatapish anchuchishami. Cancunapaj llajtapica macanacuipish mana tiyangachu.

MIQUEAS 3:12

Cancuna chashna rurashcamantaca, Sión urcuca tarpuna allpata shina yapushcami canga. Jerusalén puebloca, rumi montonllami tucunga. Diospaj huasi tiyana urcupish q'uihua jundashca sachallami saquiringa.

ZACARÍAS 7:14

Ashtahuanpish paicunataca, jatun acapanahuanmi llujshichishpa tucui llajtacunaman caita chaita cacharcani. Chaimantami paicuna causana llajtaca, llaquinayaj saquirirca. Pipish mana tigrashpa ricuipaj jatun llaquimi tucurca. Paicuna munashca allpaca, shitashcami saquirirca” ninmi.

DEUTERONOMIO 32:24

Paicunaca yaricaihuanmi huañungacuna. Rupachij fiebrehuan, millai ungüicunahuan tucuchishcami cangacuna. Sacha animalcunatami paicunapajman cachasha. Venenoyuj culebracunatami paicunapajman cachasha.

JUECES 5:6

Anat runapaj churi Samgar causai punllacunapish, Jael huarmi causai punllacunapish ñancunaca shitashcami saquirirca. Chai ñanta purijcunaca, chaqui ñancunatami rijcuna carca.