LEVÍTICO 26:19 - Dios Rimashca Shimicunami

¹⁹ Rumi shungu jatun tucushcataca chingachishami. Cancunapaj cielotapish fierro shinatami rurasha. Cancunapaj allpatapish bronce shinatami rurasha.

LEVÍTICO 26:19 Iomraidhean Croise

1 REYES 17:1

Galaadpi causajcunapuramanta tisbita Eliasca jatun mandaj Acabtaca: “Israelcunata Mandaj Taita Diosca causajmi. Ñucaca paipajtami rurani. Ñuca cutin tamyachun ningacama cai huatacunapica manataj tamyangachu, shullallapish manataj tiyangachu” nircami.

1 REYES 8:35

Paicuna canta p'iñachishpa juchallijpi, jahua pachata huichcajpi mana tamyachijpi can llaquichishcamanta paicunapaj juchacunata cutirishpa, canman juchacunata huillashpa caimanta rogarijpica,

ISAÍAS 2:12

Tucuita Mandaj Dios llaquichina punllaca, atirishcacunata, jatun tucushcacunata, caimi jatun nishcacunata cumurichingapajmi shamunga.

ISAÍAS 25:11

Paicunaca chai llaquipica, yacupi huambungapaj huambuj maquicunata chutashpa huambuj shinami maquicunata chutangacuna. Chashna cujpipish Mandaj Diosca paicuna jatun tucushcatapish cumurichingami. Imatapish rurai tucuj maquicunatapish yangatami ruranga.

ISAÍAS 26:5

Jahuaman causacujcunataca paimari urmachirca. Jatun tucushca pueblotapish cumurichircami. Allpamanmi cumurichirca. Ñutu allpamanmi shitarca.

ISAÍAS 28:1

Efraincuna machashpa jatun tucuna coronalla. ¡Aij, imachari tucunga! Vinohuan machashcalla causanaca alli granota p'ucuj pugru pamba allpa uma quinripi caj sumaj sisa chaquirij shinami paicuna jatun canaca chingaringa.

JEREMÍAS 13:9

“Ñuca, Mandaj Diostajmi cashna nini: Judá runacunapish, Jerusalenpi causajcunapish imahuan yallitaj jatun tucushpa cushicucushcataca cai chumbita shinami ismuchigrini.

JEREMÍAS 3:3

Chashna rurashcamantamari punta tamyana punllacunapipish, q'uipata tamyana punllacunapipish mana tamyarca. Shina cajpipish huainayaj, pingai illaj huarmi shinamari manataj pingai tucungui.

EZEQUIEL 24:21

“Tucui israelcunata cashna ningui: Mandaj Jatun Diosca cashnami nin: Riquichij, sumaj cashcata ricuchij ñucapajlla huasitaca chingachishami. Chai huasitaca sumaj cajllapimi, cancunaca ricunata munarcanguichij. Ñuca huasitaca sumaj cashcallamantami munanguichij. Shinallataj cancuna saquishca cancunapaj churicunapish, ushushicunapish espadapimi huañungacuna.

EZEQUIEL 30:6

Shinallataj Mandaj Diosca cashnapishmi nin: “Egipto llajtata ayudajcunapish huañungacunami. Jatun tucushpa mandaj Egipto llajtaca Migdol pueblomanta Sevene pueblocamami espadapi huañunga. Mandaj Jatun Diostajmi chashna nini.

EZEQUIEL 33:28

Chashna rurashpami, chai llajtataca llaquinayaj shitashcata saquisha. Jatun tucushpa mandana Israel llajtaca chingaringami. Israel llajtapi tiyaj urcucunapish shitashcami saquiringa, pipish chai urcucunataca mana puringachu.

EZEQUIEL 7:24

Chashna cashcamantaca, shujtaj llajtacunamantami yallitaj millai runacunata pushamusha. Chai runacunami paicunapaj huasicunata quichushpa causangacuna. Jatun tucushca mandajcunatapish chingachishami. Paicuna rurashca dioscunapaj huasicunatapish yangatami rurasha.

DANIEL 4:37

Chaimi cunanca Nabucodonosor ñucaca jahua pacha Jatun Mandajta alabani. Jatunyachini. Sumajyachini. Pai rurashcacunaca ima mana pandachu, cashcatataj rurashpa yachachijmi. Jatun tucushcacunataca cumurichijmi.

SOFONÍAS 3:11

Cancunapaj chaupimantaca, jatun tucushpa cushicujcunataca anchuchishami. Chaimantami ñucapajlla urcupica, ña mana cutinca jatun tucunguichij. Chashnami chai punllapica, cancunaca millaita rurashpa ñucata c'ariyashcamanta ña mana pingachishca canguichij.

Lucas 4:25

Elías huillacui punllacunapica, achca viudacunami Israelpica tiyarca. Chaipica quimsa huata sujta quillata mana tamyajpimi, jatun yaricai tucui llajtapi tiyarca. Chaica chashnatajmi carca.

DEUTERONOMIO 11:17

Chashna rurajpica, Mandaj Dios nina sindirij shina cancunahuan p'iñarishpa jahua pachata huichcashpa mana tamyachingachu, allpapipish ima granota mana p'ucuchingachu. Mandaj Dios cancunaman cushca alli llajtapi cashpapish cancunaca utcami chingaringuichij.

DEUTERONOMIO 28:23

Jahua pachapish bronce shinami canga. Cancunapaj chaqui sarucun allpapish fierro shinami canga.

1 SAMUEL 4:11

Taita Diospaj arcatapish quichurcami. Elipaj Ofni, Finees ishqui churicunapish huañurcami.

1 SAMUEL 4:3

Israelcuna carpa huasicunaman tigrajpimi, israelcunata cunaj yuyajcunaca: “¿Ima nishpashi Mandaj Diosca cunanca filisteocuna ñucanchijta mishachun saquin? Cunanca Mandaj Dios ñucanchijhuan ari ninacushca quillcata huaquichina arcata Silo pueblomanta apamugrishunchij. Chai arca ñucanchij chaupipi cashpami ñucanchijta p'iñajcunapaj maquimantaca quishpichinga” nircacunami.