LEVÍTICO 26:18 - Dios Rimashca Shimicunami

¹⁸ Chashna llaquichijpipish mana uyajpica, ñucaca canchis cutinhuanmi cancunapaj juchamantaca llaquichisha.

LEVÍTICO 26:18 Iomraidhean Croise

SALMOS 119:164

Punllanta canchis cutinmi quiquintaca alabani. Cashcata ruraj mandashcacunata cushcamantami chashna alabani.

ÉXODO 9:14

Ñuca tucui llaquichinacunatami cambaj shungutapish, cambajta rurajcunapaj, can mandacun gentecunapaj shungutapish nanachichun cachasha. Tucui cai pachapi ñuca shinaca pi shujtaj mana tiyashcata can yachachunmi cachasha.

PROVERBIOS 24:16

Cashcata ruraj runaca, canchis cutin urmachijpipish, cutin jataringallami. Ashtahuanpish Diosta mana manchajcuna jatun llaquipi huashicushpaca, ña mana jataringachu.

ISAÍAS 5:25

Mana cazushcamantaca Mandaj Diosca, pai agllashcacunahuanca nina sindirij shinami yallitaj p'iñarirca. Mandaj Diosca paipaj maquita chutashpami chugrichirca. Urcucunapish chujchurcami. Huañushcacunapish chaupi ñancunapimi shitashca saquirircacuna. Chashna llaquichishpapish pai yallitaj p'iñarishcaca manaraj pararircachu. Ashtahuanpish paipaj maquitaca chutaracunrajmi.

JEREMÍAS 14:4

Mana tamyajpi allpa chijtarijta chaquishcamantami, chagrata rurashpa causajcunapish jatunta llaquirishpa umata tapashca purincuna.

DANIEL 3:19

Shina nijpi Nabucodonosorca yallitaj p'iñarishpami, paipaj ñahuipish shujtajyarishpa, Sadracta, Mesacta, Abed-negota rupachina tucurca. Paicunata rupachingapajca hornotaca rupajyachij cashcamanta canchis cutihuan yalli rupajyachichunmi mandarca.

LEVÍTICO 26:21

Chashna llaquichijpipish ashtahuan yallitaj mana allita rurashpa catijpica, ima shina ashtahuan millaita rurashca shinallatajmi shujtaj canchis cutinhuan llaquichisha.

LEVÍTICO 26:24

ñucapish cancunahuan ashtahuan p'iñarishpami, cancunapaj juchamantaca shujtaj canchis cutihuan llaquichisha.

LEVÍTICO 26:28

ñucapish cancunahuan yallitaj p'iñarishpami, cancunapaj juchamantaca canchis cutinhuan llaquichisha.

1 SAMUEL 2:5

Ñaupaman achcata charijcunaca cunanca shujtajcunapajta rurashpallamari micuncuna. Ñaupaman yaricaihuan cajcunapish, mana yaricaihuan cangacunachu. Mana huachaj huarmipish canchis cutinmari huachashca. Achca huahuacunata charijca chaquirishcamari.