LEVÍTICO 26:16 - Dios Rimashca Shimicunami

¹⁶ ñucapish cancunahuanca cashnami rurasha: Cancunapajmanca jatun manchaita, purij ungüita, fiebre ungüita cachajpimi cancunapaj ñahuicunata tucuchinga aicha irquiyana ungüitapishmi cachasha. Tarpunatapish yangallami tarpunguichij. Cancunata p'iñajcunallami micungacuna.

LEVÍTICO 26:16 Iomraidhean Croise

1 REYES 8:37

Cai pachapi yaricai, ungüi, granocuna chaquiri, granocuna quilluyai, langostacuna, mana cashpaca piquicuna tiyajpi, maipi causacujpipish paicunata p'iñajcuna muyunchishca cajpi, ima llaquicunahuan, mana cashpaca ungüicunahuan cashpa,

JOB 18:11

Tucui ladomantami llaquicuna shamushpa manchachinga. Manchachishpami callpachingacuna.

JOB 20:25

Paipaj cuerpotaca puntajlla caspimi tujsishpa llujshinga. Achij nicuj caspi puntami hielta chaupishpa llujshinga. Jatun manchaipishmi paitaca japinga.

JOB 31:8

ñuca tarpushcacunataca shujtajcuna micuchunlla. Ñuca tarpushcacunataca p'itishpa shitachunlla.

SALMOS 109:6

Paipaj jahuapica Diosta mana rijsij runata churahuai. Paipaj alli maqui ladomanca Satanás cashca cachun.

SALMOS 73:19

Paicunataca cungaillapimi chingachinga. Jatun manchaihuanmi ñapish tucuchinga.

SALMOS 78:33

Chaimantami paicunapaj causaitaca p'uyulta shinalla chingachirca. Paicunapaj causaitaca llaquihuanmi chingachirca.

ÉXODO 15:26

Chaipica cashnami nirca: “Cancunaca Mandaj Dios ima nishcata alli uyashpa, paipaj ñaupajpi ima pandata mana rurashpa, pai mandashcacunata alli uyashpa, chaitataj pajtachichun nishcacunata pajtachijpica, egipciocunaman cachashca ungüicunataca shujllatapish cancunapaj jahuaman mana apamushachu. Ñucaca Mandaj Diosmi cani. Cancunata alliyachijmi cani” nircami.

PROVERBIOS 3:33

Mandaj Diosca paita mana manchajpaj huasipica, llaquitamari churan. Ashtahuanpish cashcata rurajcunapaj huasipica, bendiciangamari.

ISAÍAS 10:4

Ñuca illajlla cashpaca, prezucunahuanmi cumuringuichij. Huañuchijcunapaj maquipimi urmanguichij. Chashna llaquichishpapish pai p'iñarishcaca manataj pararingachu. Paicunata llaquichingapajca maquita chutashcarajmi.

ISAÍAS 62:8

Mandaj Diosca paipaj alli maquihuan, tucuita rurai tucuj rigrahuanmi cashna nin: “Cambaj trigotaca canta p'iñajcuna micuchunca ña manataj cushachu. Can trabajashca uva vinomantaca mana israelcunaca ña manataj ubyangacunachu.

ISAÍAS 7:2

Davidpaj huahua huahuapura jatun mandajpajman huillajcuna shamushpaca: “Siria llajtaca Efrain llajtahuanmari shuj yuyailla tucushca” nishpa huillajpimi, jatun mandajpaj shungupish, Jerusalenpi causajcunapaj shungupish urcupi caj yuracuna huairahuan caiman chaiman cuyurij shina chujchurcacuna.

JEREMÍAS 12:13

Trigota tarpushpapish, cashallatami tandancuna. Sumaj allpata cushcapi causacushpapish, ima allita mana japincunachu. Ñuca, Mandaj Dios jatunta p'iñarijpica, paicuna imallata rurashcamantaca pingaringacunami.

JEREMÍAS 15:3

Mandaj Diosca cashnapishmi nin: “Paicunapajca chuscu jatun llaquicunatami cachagrini. Puntaca espadahuanmi huañuchisha. Chai q'uipaca tucui c'utsashpa micuchun allcucunatami cachasha. Shinallataj tucui micushpa tucuchichunca, huairata purij pajarocunatapish, sacha animalcunatapishmi cachasha.

JEREMÍAS 15:8

Mama cucha uripi tiyaj t'iyu allpatapish yalli achca huarmicunami cusa illajlla saquirircacuna. Huañuchijcunata apamushpami mamacunatapish, huahuacunatapish huañuchircani. Chaupi punllapimi, ñapish jatun llaquicunahuan manchachircani.

JEREMÍAS 20:4

Pai Mandaj Diostajmi cashna nin: Cantaca canllatajpish, canhuan alli apanacujcunapish mancharinatami ruragrini. Canhuan apanacujcunatapish, cambaj ñahui ricucuitami p'iñajcunaca espadahuan huañuchingacuna. Tucui Judá runacunatapish, Babilonia llajtata jatun mandajpaj maquipimi churagrini. Paimi Babilonia llajtaman prezu apashpa espadahuan huañuchinga.

JEREMÍAS 5:17

Paicunami cancunapaj chagracunamanta tandashca granocunata, ovejacunata, huagracunata, uvata, higota micushpa tucuchingacuna. Cancunapaj churicunatapish, ushushicunatapish tucuchingacunami. Cancuna shunguta churashca jatun pircayuj pueblocunatapish urmachishpami, espadahuan huañuchishpa chushajta saquingacuna” ninmi.

EZEQUIEL 24:23

Umapica turbanteta, chaquicunapica zapatocunata churaringuichijlla, ama yupashpa yupashpa huacanguichijchu. Ashtahuanpish cancunaca millaita rurashcamantami, chingarina canguichij. Shinallataj caishuj chaishujmi huacanguichij.

EZEQUIEL 33:10

Huañujlla aichayuj runalla, israelcunataca cashna ni: Cancunaca cashnami ninguichij: Ñucanchij mana cazushpa c'ariyashcapish, ñucanchij juchacunapish ñucanchij jahuallapitajmari. Chashna mana allita rurashcamantamari, ñucanchijca tucuricunchij. Chashnaca ¿ima shinataj causashunri? ninguichijmi ni.

AMÓS 5:11

Shinallataj huajchacunataca sarushpa macashpami, impuestomantaca carga trigota apanguichij. Chashna quichushpami, labrashca rumicunahuan huasichircanguichij. Chai huasicunapipish mana causanguichijchu. Cancuna tarpushca, sumaj uva chagracunamanta vinollatapish rurashpa mana ubyanguichijchu.

MIQUEAS 6:15

Tarpushpapish, mana imata tandanguichu. Olivo granota capishpapish, mana chai aceitehuanca churaringuichu. Uvata capishpapish, vinotaca mana ubyanguichu.

HAGEO 1:6

Cancunaca achcata tarpushpapish, ashallatami japinguichij. Micushpapish mana huijsa jundata micunguichijchu. Yacuta ubyashpapish, yacunaillahuantajmi saquiringuichij. Chirijpi churanacunata churarishpapish, manataj cunujyanguichijchu. Trabajashcamanta cullquita japishpapish, jutcu muchilapimi huaquichinguichij” ninmi.

ZACARÍAS 14:12

Jerusalenpi causajcunahuan macanacucuj llajtacunataca, Mandaj Diosca cashnami jatunta llaquichinga: Paicunapaj aichataca, causaipirajmi ismuchinga. Ñahui luluncunatapish, chaillapitajmi chaquichinga. C'allutapish, shimillapitajmi tucui yacuyachinga.

MALAQUÍAS 2:3

Cancuna tarpushca chagratapish chingachishami. Ñucaman cushpa huañuchishca animalcunapaj mapacunatapish, cancunapaj ñahuipimi shitasha. Cancunataca, chai animalcunapaj mapacunandijmi tandachishpa, p'ichashpa shitasha.

DEUTERONOMIO 28:51

Chaicunaca cancunapaj animalcuna mirashcatapish, cancunapaj allpapi p'ucushcacunatapish cancuna tucui chingaringacamami micungacuna. Cancunapajca trigotapish, llullu vinotapish, aceitetapish, cancunapaj huagracunapaj, ovejacunapaj huahuacunatapish imata mana saquishpami tucui chingachingacuna.

DEUTERONOMIO 32:25

Canllaman cajcunatapish espadacunahuanmi huañuchingacuna. Huasi ucupi cajcunapish chujchungacunami. Q'uipa huiñai c'aricunapish, huarmicunapish, chuchucuj huahuacunapish, puzujlla umacunapish chujchungacunami.

Hebreos 10:31

¡Causaj Diospaj maquipi urmanaca, mancharina jatun llaquimari!

JUECES 6:11

Mandaj Diospaj ángel shamushpaca, Ofra pambapi caj encina yura ucupimi tiyarirca. Chai pambaca abiezeritacunapuramanta Joás runapajmi carca. Joaspaj churi Gedeonca madianitacuna quichunamantami uvata capina jutcupi trigota pacalla huajtacurca.

1 SAMUEL 2:33

Cambaj huasi ucupuraca ñuca altarpi rurajca ñuca mana anchuchishca runallami saquiringa. Paica, paipaj shungupi yallitaj llaquirishpa huacashpa ñahui ungüi tucungapajllami saquiringa. Cambaj huasipi huacharishcacunaca tucuicunami chairajcuna cashpa huañungacuna.