LEVÍTICO 26:15 - Dios Rimashca Shimicunami

¹⁵ ñuca ima shina causachun nishcacunatapish yanganchishpa, cancunapaj yuyaipica ñuca chaitataj pajtachichun nishcatapish mana ricunachishpa, ñucahuan ari ninacushca mandashcacunata chaita rurana yuyailla tucushpa ruranatapish mana rurajpica,

LEVÍTICO 26:15 Iomraidhean Croise

GÉNESIS 17:14

Maijan cashpapish pai charishca aicha mirga carata mana p'itichijca, ñucahuan ari ninacushcata p'aquishcamanta cancunapuramanta anchuchishca cachun– nircami.

2 REYES 17:15

Mandaj Dios chaitataj pajtachichun nishcacunatapish, paicunapaj ñaupa yayacunahuan Mandaj Dios ari ninacushcacunatapish, Dios ima shina cashca shina causashpa ricuchinata mandashcatapish saquishpami, imapish mana canacunata rurashpa yanga tucurcacuna. Paicunapaj muyundij llajtacuna rurashcatami catircacuna. Mandaj Diosca paicuna shinaca amataj ruranguichijchu nishcami carca.

2 CRÓNICAS 36:16

Chashna huillajpipish paicunaca, Dios cachashca huillajcunataca asircacunami. Paipaj shimicunata p'iñashpami, pai ima nishcata huillajcunataca chanzata rurashpa asircacuna. Mandaj Diosca, pai agllashcacuna chashna rurashpa yallitaj p'iñachijpimi, mana jarcai tucuipajta p'iñarishpa llaquichirca.

SALMOS 50:17

Ñuca cunajpipish canca p'iñaringuimi. Ñuca cunashcacunataca cambaj huashamanmi shitangui.

ÉXODO 19:5

Ñuca imalla nishcata uyashpa ñucahuan ari ninacushcata pajtachishpaca, tucui cai pachapi causajcunamanta yalli sumaj huaquichishcacunami canguichij. Tucui cai pachaca ñucapajmi.

ÉXODO 24:7

Chai q'uipami Moisesca, Dioshuan ari ninacushca librota japishpa israelcuna uyajta rezajpi paicunaca: –Mandaj Dios tucui imalla nishcacunataca cazugrinchijmi, ruragrinchijmi– nircacuna.

PROVERBIOS 1:30

Ñuca cunashcatapish mana chasquircacunachu. Imata jarcajpipish, manataj cazurcacunachu.

PROVERBIOS 1:7

Alli yachaj cangapaj callarica, Mandaj Diosta manchanami. Chashna cajpipish ch'ahuanyashcacunaca, alli yachaita yachachishcatapish p'iñancunami.

PROVERBIOS 5:12

Llaqui japijllapi cashna nicunguiman: “Ñucallatajmi cunashcataca p'iñashpa, mana chasquircani. Jarcashcatapish ñuca shungupica, yanga cashcatami yuyarcani.

ISAÍAS 24:5

Allpaca paipi causajcunapaj juchamantamari yanga tucushca. Mandashcacunatamari mana cazushca. Chaitataj ruranacunatamari p'aquishca. Huiñaipaj ari ninacushcatamari p'aquishca.

JEREMÍAS 11:10

Tucuicunamari ñuca rimashcata mana cazushun nishpa, shujtaj dioscunata mashcashpa chaicunata cungurij paicunapaj ñaupa yayacuna rurashca juchallatataj rurancuna. Chashna rurashpamari israelcunapish, Judá runacunapish paicunapaj ñaupa yayacunahuan ñuca ari ninacushcata p'aquishcacuna” ninmi.

JEREMÍAS 31:32

Paicunapaj yayacunahuan ari ninacushcata shinaca mana rurashachu. Paicunahuanca maquimanta aisashpa Egipto llajtamanta llujshichimucushpami, ari ninacurcanchij. Paicunami ñucahuan chaipi ari ninacushcataca p'aquircacuna. Ñuca paicunapaj cusa cajpipish, mana cazurcacunachu” ninmi Mandaj Diosca.

JEREMÍAS 6:19

Tucui cai pachapi causajcunapish uyaichij: Cai runacunapajca jatun llaquitami apamugrini. Paicunallataj ñuca rimashcata mana uyashun nishpa, ñuca mandashcacunata p'iñashpa millaita rurashcamantami, paicuna japina cashcata cugrini.

EZEQUIEL 16:59

Mandaj Diosca cashnapishmi nin: “Ñucaca ari ninacushcataca, mana can shina p'aquishachu.

LEVÍTICO 26:11

Ñuca causanataca cancunapaj chaupipimi churasha. Ñucapish cancunata mana millanachishachu.

LEVÍTICO 26:43

Paicuna shitashpa rijpimi, allpaca shitashca saquirishpa samarina punllacunapi mana samarishcamantaca chai punllacunapi samarishpa cushicunga. Ñuca mandashcacunata yanganchishcamanta, ñuca chaitataj pajtachichun nishcacunata p'iñashpa millaita rurashcamantami llaquita apana cashcapi paicunaca llaquita apacungacuna.

LEVÍTICO 26:9

Ñucaca cancunataca tigralla ricushami. Achca huahuacunayujtami rurasha. Cancunataca achcata mirachishpami, cancunahuan ari ninacushcataca pajtachisha.

MALAQUÍAS 2:2

Tucuita Mandaj Diosca cashnami nin: “Ñuca mandashcata mana uyajpi, tucui shunguhuan ñucata jatunyachinguichij nishcata mana cazujpica, cancunataca llaquichishatajmi. Ñucata mana cazushcamantaca, cancunaman cushca ima allicunatapish quichushami. Cancunallataj imatapish mana tucui shunguhuan ñucapajta rurashcamantami, saruncunamanpish llaquichircani.

NÚMEROS 15:31

Mandaj Dios rimashcata mana cazushpa pai mandashcata yangapi churaj runataca tucuitaj chingachishca cachun. Paipaj juchaca paipaj jahuapimi canga” nircami.

Hechos 13:41

“Uyaichij, ñuca huillashcata mana cazushpa yanganchijcuna. Mancharishpa, maipi ima tucuichij. Cancuna causacui punllacunapi, mancharinacunata ñuca rurana cashcata, maijan huillajpipish mana cringuichijchu” nishcami.

Romanos 8:7

Aicha munashcata ruranaca, Diosta p'iñachinami. Chashnacunaca Dios Mandashcataca mana cazuncunachu, manataj cazui tucuncunapishchu.

DEUTERONOMIO 31:16

Chaipimi Mandaj Diosca Moisestaca: “Riqui, canca ñami cambaj yayacunahuan samarigringui. Cai israelcunaca paicuna causagricun llajtaman rishpa chai llajtapi tiyaj shujtaj dioscunata catishpami chai dioscunahuan huainayangacuna. Chaipica ñucata mana valichishpami ñucamanta anchurishpa, ñuca paicunahuan ari ninacushcatapish p'aquingacuna.

1 Tesalonicenses 4:8

Maijanpish cai yachachishcata mana uyasha nijca, mana runallatachu mana uyasha nin. Ashtahuanpish jucha illaj Espirituta cuj Taita Diostamari mana uyasha nin.

Hebreos 8:9

Mana cancunapaj ñaupa yayacunata maquimanta aisashpa Egiptomanta llujshichi punllapi ari ninacushca shinachu rurasha. Ñucahuan ari ninacushcata pajtachinapi mana catijpimi paicunataca shitashcata saquircani. (Ninmi Jatun Diosca)

1 SAMUEL 12:15

Mandaj Dios rimashcata mana uyashpa, paipaj shimita p'iñashpa c'ariyajpica, Mandaj Diospaj maquica cancunapaj ñaupa yayacunata ima shina llaquichishca shinallatajmi llaquichinga.