LEVÍTICO 26:14 - Dios Rimashca Shimicunami

¹⁴ Ñucata mana uyashpa, tucui cai mandashcacunatapish mana pajtachijpi,

LEVÍTICO 26:14 Iomraidhean Croise

2 REYES 22:13

–Ñucatapish, Jerusalenpi causajcunatapish, tucui Judá llajtapi causajcunatapish Diospaj huasipi japishca cai libropi tiyacuj shimicunamanta Mandaj Dios imata nijta tapugrichij. Ñucanchij ñaupa yayacunaca, Mandaj Dios cushca cai shimicuna imallata nicushcatamari manataj uyashpa manataj cazushcacuna. Chashna rurashcamantaca, Mandaj Diosca ñucanchijhuanca nina sindirij shinami yallitaj p'iñarishca– nircami.

2 CRÓNICAS 34:24

Judá llajtata jatun mandaj chai libropi rezajpi llaquicuna tiyanata ricushca shinallatajmi cai llajtamanpish, chaipi tucui causajcunapajpish jatun llaquita apamugrini.

2 CRÓNICAS 7:19

Ashtahuanpish ñuca chaitataj pajtachichun nishpa cancunaman cushca mandashcacunatapish mana cazushpa ñucamanta anchurishpa shujtajcunapaj dioscunapajta rurangapaj rishpa paicunata adorajpica,

SALMOS 81:12

Chashna cajpimi rumi shungu cachun saquircani. Paicuna yuyashca shina purichunmi saquircani.

PROVERBIOS 3:33

Mandaj Diosca paita mana manchajpaj huasipica, llaquitamari churan. Ashtahuanpish cashcata rurajcunapaj huasipica, bendiciangamari.

JEREMÍAS 11:8

Shina cajpipish manataj uyanguichijchu, manataj yuyaita churanguichijchu. Ashtahuanpish tucuicunami cancunapaj millai, ch'ahuan shungu yuyachishcata ruranguichij. Chaimantami cunanca ñucahuan ari ninacushca shimicunapurapi quillcashca tiyacuj tucui llaquicunata cancunapaj jahuapi cachagrini. Cai shimicunataca pajtachichun nishpa cushca jahua mana pajtachishcamantami, chashna ruragrini ninmi ni” nircami.

JEREMÍAS 17:27

Ashtahuanpish samana punlla huaquichichun ñuca mandashcata mana cazushpa, chai punllapi ima cargatapish apamushpa, cai Jerusalén puebloman yaicuchijpica, jatun ninahuanmi cai pungucunataca rupachisha. Chai ninaca, Jerusalén pueblopi caj mandana huasicunandijmi tucui rupachinga, pi mana huañuchi tucungachu” ninmi.

JEREMÍAS 26:4

Chaimanta tucui paicunamanca cashna huillagri: Mandaj Diosca cashnami nin: Ñucaca ñami mandashcacunata cancunapaj ñaupajpi churarcani. Chai mandashcacunata cazuchun ñuca rimashcataca uyaichigari.

JEREMÍAS 28:8

Ñaupa huatacunaca, canpish, ñucapish manaraj huacharijpimi, shujtaj huillajcunapish tiyashca. Paicunaca jatun llajtacunapi, achca llajtacunapi jatun macanacuicunapish, llaquicunapish, ungüicunapish tiyanatami huillashcacuna.

JEREMÍAS 32:23

Cai llajtata japishpaca, caipi p'ucushcata micushpa cushicurcacunami. Shina cashpapish can rimashcataca mana uyarcacunachu, can mandashcatapish imata mana pajtachishpa causancunachu. Imallata rurachun can mandashcataca, imata mana rurarcacunachu. Chaimantamari cai tucui llaquicunata paicunapaj jahuapi cacharishcangui.

JEREMÍAS 40:2

Cuidaj soldadocunata mandaj Nabuzaradanca, Jeremiasta chaipi japishpaca cashnami nirca: “Canta Mandaj Diosca cai llajtataca, cashna llaquichinallatatajmi huillarca.

LAMENTACIONES 1:18

Mandaj Diosca cashcata rurajmi, ñucamari pai mandashcataca mana cazurcani. Tucui cai pachapi causajcuna, uyaichigari. Cunanca ñuca cashna jatun llaquihuan cajta ricuichigari. Ñuca huahuacunataca mosocunatapish, solteracunatapishmari prezu aparcacuna.

LAMENTACIONES 2:17

Mandaj Diosmari pai rurasha nishcata rurarca. Ñaupamanta pai huillachishcatamari pajtachirca. Pai urmachina cashcataca mana llaquishpami, tucuita urmachirca. Canta p'iñajcunatamari mishashpa tucuchichun churarca. Canta mana ricunachijcunamanmari mishachun fuerzata curca.

DANIEL 9:13

Moisesta quillcachishpa mandashcapi nishca shinami, tucui cai llaquicunaca ñucanchij jahuaman shamushca. Ñucanchijta Mandaj Taita Diostaca ama ashtahuan llaquichihuaichu nishpaca manamari mañashcanchijchu. Ñucanchij mana allita ruranacunatapish manamari saquishcanchijchu. Mana llulla shimitapish manamari entendishcanchijchu.

OSEAS 7:12

Paicuna chaiman ricujpimi, paicunapaj jahuapica ñuca linchita shitasha. Jahuata purij alasyuj animalcunata shinami urmachisha. Paicunapaj tandanacuicunapi huillachishca shinallatajmi llaquichisha.

LEVÍTICO 26:18

Chashna llaquichijpipish mana uyajpica, ñucaca canchis cutinhuanmi cancunapaj juchamantaca llaquichisha.

MALAQUÍAS 2:2

Tucuita Mandaj Diosca cashnami nin: “Ñuca mandashcata mana uyajpi, tucui shunguhuan ñucata jatunyachinguichij nishcata mana cazujpica, cancunataca llaquichishatajmi. Ñucata mana cazushcamantaca, cancunaman cushca ima allicunatapish quichushami. Cancunallataj imatapish mana tucui shunguhuan ñucapajta rurashcamantami, saruncunamanpish llaquichircani.

Hechos 3:23

Chai profeta yachachishcata maijanpish mana uyajpica, Taita Diospajlla cajcunapuramanta llujshichishcami canga” ninmi.

Hebreos 12:25

Riquichij, cancunata rimajtaca ama yanganchichijchu. Dios rimachishcata cai pachapi yanganchijcunaca llaquichishcatajmi carcacuna. Ñucanchijcarin jahua pachamanta rimajta yanganchishpaca llaquichishcatajmi cashun.

JOSUÉ 23:15

Cancunata Mandaj Dios tucui allicunata cusha nishcacuna cancunapajman jahuanpi jahuanpi shamushca shinallatajmi, mana cazujpipish Mandaj Dios cushca sumaj llajtamanta tucui cancunata chingachingacama jahuanpi jahuanpi llaquicuna shamunga.

JUECES 2:15

Maipi macanacungapaj llujshishpapish Mandaj Dios paicunata nishca shinallataj paipaj maqui paicunata llaquichicujpimi, paicunata p'iñajcunataca manataj mishai tucurcacuna. Mandaj Diosca pai nishca shinallataj manataj mishachijpimi, israelcunaca jatun llaquita apacurcalla.

1 SAMUEL 12:15

Mandaj Dios rimashcata mana uyashpa, paipaj shimita p'iñashpa c'ariyajpica, Mandaj Diospaj maquica cancunapaj ñaupa yayacunata ima shina llaquichishca shinallatajmi llaquichinga.