LEVÍTICO 26:13 - Dios Rimashca Shimicunami

¹³ Ñucaca Mandaj Diosmi cani, cancunapaj Diosmi cani. Egiptopi ama huatashca shina ruraj cachunmi llujshichimurcani. Yugopi huatashca angucunataca ñucami p'itircani. C'ari c'ari purichunmi churarcani.

LEVÍTICO 26:13 Iomraidhean Croise

SALMOS 116:16

Mandaj Dioslla, quiquinpajta rurajmi cani. Quiquinpajta ruraj ñucaca quiquinpajta ruraj huarmipaj churimi cani. Quiquinmari ñuca huatashca cashcamantaca cacharihuarcangui.

ÉXODO 14:8

Tucuita rurai tucuj maquihuan llujshichishca cajpipish Mandaj Diosllataj faraonpaj shunguta rumi shunguta rurajpimi israelcunata catishpa rirca.

ÉXODO 20:2

“Ñucaca cancuna Egiptopi huatashca shina llaquinayajta causacujpi llujshichimuj Mandaj Dios cancunapaj Diosmi cani.

ÉXODO 6:7

Cancunaca ñuca agllashcacuna cachunmi llujshichisha. Ñucaca cancunapaj Diosmi casha. Chashna rurajpimi, Egiptopi yallitaj sinchi trabajocunapi trabajacunmanta llujshichimuj ñucaca Mandaj Diostaj cashcata, cancunapaj Taita Dios cashcata yachanguichij.

ISAÍAS 51:23

Canta p'iñajcunaca: Cumuri cambaj jahuata pasangapaj nijpimi canca paicuna ñanta shina pasachun uri singa siririshpa cambaj huashataca pambata shina ruraj carcangui. Cunanca chai llaquicunataca canta p'iñajcunapimi churani” ninmi.

ISAÍAS 9:3

Gentecunataca achcayachircanguimi. Cushicuitapish mirachircanguimi. Cozicha punllapi cushicuj shinami quiquinpaj ñaupajpica cushicungacuna. Quichumushcacunata chaupishpa cushicuj shinami quiquinpaj ñaupajpica cushicungacuna.

JEREMÍAS 2:20

Cancunaca ñaupamantapachami ñuca churashca yugotaca p'aquircanguichij, cinta angucunatapish p'itircanguichij. Chashna rurashpami: Cantaca ña manataj servishachu nircanguichij. Chashna rurashca jahuapish tucui maipi tiyaj lomacunapi, tucui p'angasapa yura ucucunapimi huainayaj huarmi shina siririshpa huainayarcanguichij.

JEREMÍAS 28:2

–Tucuita Mandaj, israelcunapaj Diosca cashnami nin: Babilonia llajtata jatun mandaj churashca yugotaca p'aquigrinimi.

JEREMÍAS 28:4

Shinallataj cai Judá llajtamanta Babilonia llajtaman prezu apashcacunatapishmi tigrachimusha. Joacimpaj churi, cai Judá llajtata jatun mandaj Coniastami, tucui caishuj apashcacunandijta tigrachimusha. Ñucatajmi Babilonia llajtata jatun mandaj churashca yugotaca p'aquisha ninmi Mandaj Diosca– nircami.

EZEQUIEL 30:18

Egipto llajta jatun tucushpa mandacushcata llaquichicui punllallatajmi, Tafnes pueblopica punllaca tutayanga. Egipto llajtataca, manchanana amsami tapanga. Llajta muyundij pueblocunapi causajcunataca, prezumi apangacuna.

EZEQUIEL 34:27

Granota p'ucuj yurapish alli granotami p'ucunga, allpapish alli granocunatami p'ucunga, cai llajtapica imata mana manchashpami causangacuna. Paicunata yugushpa huatashca cinta angucunataca p'itishami. Paicunata servichishpa causajcunapaj maquimantaca charichishami. Chaita ricushpami, ñucataca Mandaj Diostaj cashcataca yachangacuna.

OSEAS 11:4

Ñucaca paicunataca c'uyaihuanmi huascahuan huataj shina pushamurcani. Ñucaca paicunapaj cungamanta yugota anchuchijmi cani. Micunatapish paicunapaj ñaupajpimi churarcani.

LEVÍTICO 25:38

Ñucaca Mandaj Dios cancunapaj Taita Diosmi cani. Canaanta cancunaman cungapajmi, cancunataca Egiptomanta llujshichimurcani. Cancunapaj Dios cangapajmi chashna llujshichimurcani.

LEVÍTICO 25:42

Paicunaca ñucapajta rurajcunami. Paicunataca ñucami Egiptomanta llujshichimurcani. Chaimanta paicunaca huatashca shina shujtajcunapajta rurangapajca mana c'aturi tucuncunachu.

LEVÍTICO 25:55

Israelcunaca ñucapajta rurajcunami, ñucapajta rurajcunatajmi. Paicunataca ñucami Egiptomanta llujshichimurcani. Ñucami Mandaj Dios cancunapaj Taita Dios cani.

NAHUM 1:13

Cunanca canmantaca paicuna huatashca yugotapish p'aquishami, cinta angucunatapish p'itishami” ninmi.