LEVÍTICO 26:12 - Dios Rimashca Shimicunami

¹² Ñucaca cancunapaj chaupipimi purisha. Cancunapaj Taita Diosmi casha. Cancunapish ñucapajcunami canguichij.

LEVÍTICO 26:12 Iomraidhean Croise

GÉNESIS 17:7

Canhuanca shuj ruranatami rurasha. Cambaj huahua huahuacunahuanpish, paicunapaj huahua huahuacunahuanpish huiñaita ruracushallami. Cambajpish, cambaj huahua huahuacunapajpish, paicunapaj huahua huahuacunapajpish huiñaipaj Taita Dios cangapajmi chashna rurasha.

GÉNESIS 17:8

Canmanpish, cambaj huahua huahuacunamanpishmi cunan can maillata causashpa puricun tucui Canaan llajtataca huiñaipaj cusha. Ñucaca paicunapaj Taita Diosmi casha– nircami.

GÉNESIS 3:8

Chai q'uipami Mandaj Taita Diostaca huairajlla punllapi huertapi puricujta uyarca. Chaimi Adanpish, paipaj huarmipish Mandaj Taita Diospi ama ricuringapaj chai huertallapitaj yuracuna chaupipi miticurcacuna.

GÉNESIS 5:22

Enocca, Matusalén churita charishca punllamantaca, 300 huatacunahuanmi Taita Dioshuan purirca. Churicunatapish ushushicunatapish charircarajmi.

GÉNESIS 5:24

Enocca Taita Dioshuanmi purirca. Taita Dios apajpimi paica ñapish chingarircalla.

GÉNESIS 6:9

Noepaj huahua huahua callari yayacunaca caicunami: Noé causai punllacunapica, Noellami cashcata ruraj, ima juchachina illajlla carca. Noeca Taita Dioshuanmi purirca.

2 SAMUEL 7:7

Tucui chaicunapi israelcunahuan puricushpaca, paicunataca ima shimicunata mana rimashcanichu. Ñuca israelcunata michinaman cachacushpapish, ñucapaj huasita cedro caspicunahuan ruraichij nishpa maijanta mana nishcanichu.

SALMOS 50:7

Paica cashnami ninga: “Ñuca agllashcacuna uyaichij. Cancunamanmi rimagrini. Israelcuna, uyaichij. Cancuna mana allita rurashcatami huillagrini. Ñucaca Taita Diosmi cani, cancunapaj Diosmi cani.

ÉXODO 29:45

Ñucaca israelcunapaj chaupipimi causasha. Ñucaca paicunapaj Diosmi casha.

ÉXODO 29:46

Chaimi ñucataca Mandaj paicunapaj Dios cashcata yachangacuna. Paicunapaj chaupipi causangapaj Egiptomanta paicunata llujshichimuj cashcatapishmi yachangacuna. Ñucami Mandaj paicunapaj Dios cani.

ÉXODO 3:6

Taita Diosca cashnapishmi nirca: –Ñucaca cambaj yayapaj Dios, Abrahampaj, Isaacpaj, Jacobpaj Diosmi cani– nijpimi, Moisesca Taita Diosta ricunata manchashpa, paipaj ñahuita taparirca.

ÉXODO 6:7

Cancunaca ñuca agllashcacuna cachunmi llujshichisha. Ñucaca cancunapaj Diosmi casha. Chashna rurajpimi, Egiptopi yallitaj sinchi trabajocunapi trabajacunmanta llujshichimuj ñucaca Mandaj Diostaj cashcata, cancunapaj Taita Dios cashcata yachanguichij.

ISAÍAS 12:2

Taita Diosmi ñucata Quishpichij. Paillapimi shunguta churani, pita mana manchanichu. Paica ñucapaj muyundij pirca shinami. Ñuca cantanaca Mandaj Diosmari. Paimari ñucata quishpichijca cashca” ninguimi.

ISAÍAS 41:10

Ñuca canhuan cashcamanta ama manchaichu, ama shaicurichu. Ñucami canman fuerzata cuj Taita Dios cani. Cantaca ayudacushallami. Ñuca alli maquipi cashcata rurajhuanmi cantaca charirasha.

JEREMÍAS 11:4

Cancunapaj ñaupa yayacunata Egipto llajtamanta llujshichimushpami, cai shimicunataca curcani. Fierrota yacuyachina hornomanta shina llujshichimushpami, paicunataca cashna mandarcani: Ñuca rimashcata uyanguichij. Imatapish ñuca mandashca shinataj rurashpa causanguichij. Chashna causashpaca ñuca agllashca runacunami canguichij. Ñucapish cancunapaj Diosmi casha.

JEREMÍAS 30:22

Cancunaca ñuca runacunatajmi canguichij. Ñucapish cancunapaj Diostajmi casha” ninmi Mandaj Diosca.

JEREMÍAS 31:33

Mandaj Diosca cashnapishmi nin: “Shamuj punllacunapica israelcunahuan ari ninacushpaca, cashnami rurasha: Ñuca mandashcataca paicunapaj yuyaipi churashami, paicunapaj shungupi quillcashami. Chashna rurashpaca ñucaca paicunapaj Diosmari casha, paicunapish ñucapajllamari canga.

JEREMÍAS 32:38

Paicunaca ñucapajlla runacunami canga, ñucapish paicunapaj Diosmi casha.

JEREMÍAS 7:23

Ashtahuanpish cashna nishpami mandarcani: Cancunaca ñuca rimashcata cazunguichij. Cancuna cazujpica, cancunapaj Dios cashami. Cancunapish ñuca agllashca runacunami canguichij. Ñuca imalla mandashcata chaitataj rurashpaca, allimi causanguichij nircanimi.

EZEQUIEL 11:20

Chashna rurajpimi, ñuca mandashca shina causangacuna. Ñuca huillachishcacunatapish cazushpami pajtachingacuna. Paicunaca ñuca agllashcacunami canga, ñucapish paicunapaj Diosmi casha.

EZEQUIEL 36:38

Jatun fiesta punllacunapi Jerusalenman apamushca ñucapajlla ovejacuna shinami, israelcunaca shitashca pueblocunapica jundanga. Chaita ricushpami ñucataca, Mandaj Diostaj cashcataca yachangacuna ninmi ni” nircami.

JOEL 2:27

Chaipimi can israelcunaca cancunahuan ñuca cashcata yachanguichij. Ñucaca cancunata Mandaj Taita Diosmi cani, pi shujtajca mana tiyanchu. Ñuca agllashcacunaca cunanmantapacha ña mana cutin pingachishca cangacunachu.

ZACARÍAS 13:9

Chai saquirijcunataca, ninapimi rupachisha. Ima shinami cullquitaj cashcata, curitaj cashcata ricungapaj ninapi rupachincuna, chashnallatajmi ñucapish paicunataca rurasha. Chashna rurajpimi, paicunaca ñuca shutipi mañangacuna. Paicuna mañashcataca uyashami. Chaimantaca: Ñuca agllashcacunami canguichij nishami. Shina nijpimi paicunapish: Mandaj Diosca ñucanchij Diosmi ningacuna” ninmi.

NÚMEROS 5:3

Chashnacunataca c'aricunatapish, huarmicunatapish llujshichishpa cachaichij. Cancunapaj chaupipi ñuca causacunta ama mapayachichunmi cancuna causacun carpa huasimanta caruman churana canguichij” nircami.

Mateo 22:32

“Ñucaca Abrahampaj Dios, Isaacpaj Dios, Jacobpaj Diosmi cani” nircami. Chaimanta Diosca mana huañushcacunapaj Dioschu, ashtahuanpish causajcunapaj Diosmi– nircami.

2 Corintios 6:16

Dios causana huasica, rurashcalla dioscunahuanca mana shuj shinalla cai tucunchu. Cancunamari causacuj Dios causana huasi canguichij. Diosllatajmi, cashna nirca: “Ñucaca paicunapurapimi causasha, purisha. Ñucaca paicunapaj Diosmi casha, paicunaca ñuca agllashcacunami cangacuna” nishcami.

DEUTERONOMIO 23:14

Mandaj Dios cancunapaj Taita Diosca cancunata quishpichingapaj, cancunata p'iñajcunata cancunapaj ñaupajpi churangapajmi carpa huasicuna chaupipi puricun. Chaimantami cancunapaj carpa huasicuna tiyanca ima mapa illaj cana can. Cancunapaj chaupipi ima mapata mana ricushpaca paica cancunapaj chaupimantaca mana anchungachu.

DEUTERONOMIO 23:15

Amopajta ruraj cancunapajman miticushpa rijpica, ama paipaj amoman tigrachinguichijchu.

Hebreos 11:16

Ashtahuanpish paicunaca, tucuita yalli alli llajtatami mashcacurcacuna. Chai llajtaca jahua pachamari. Chaimantami Diosca, paicunapaj Dios nishca canataca mana pinganachin. Diosca paicunapajca, shuj pueblotami allichirca.

Apocalipsis 2:1

Efesopi caj tandanacushca crijcunapaj angelman quillcai: “Canchis luzerocunata paipaj alli maquipi charicuj, canchis curi candelerocuna chaupipi puricujca, cashnami nin:

Apocalipsis 21:7

Maijanpish mishajca, tucui ima japina cashcatami japinga. Ñucaca paipaj Diosmi casha, paipish ñuca huahuami canga.