LEVÍTICO 26:11 - Dios Rimashca Shimicunami

¹¹ Ñuca causanataca cancunapaj chaupipimi churasha. Ñucapish cancunata mana millanachishachu.

LEVÍTICO 26:11 Iomraidhean Croise

2 SAMUEL 7:7

Tucui chaicunapi israelcunahuan puricushpaca, paicunataca ima shimicunata mana rimashcanichu. Ñuca israelcunata michinaman cachacushpapish, ñucapaj huasita cedro caspicunahuan ruraichij nishpa maijanta mana nishcanichu.

1 REYES 6:13

Chai huasipi causashpami ñucaca israelcunapaj chaupipi causasha. Ñuca agllashca israelcunataca manataj saquishachu” nircami.

1 REYES 8:13

Shina cajpipish ñucaca can causachunca, shuj huasitami shayachini. Chaipi huiñaita causachun nircami.

1 REYES 8:27

¿Taita Diosca allpa pachapica causangatajchu? Jahua pachacunapish, jahua pachamanta ashtahuan jahuaman caj jahua pachapish can causanapajca mana pajtaipajchu. Canta yuyarinapaj cachun ñuca shayachishca cai huasicarin ¿maitataj pajtangari?

SALMOS 106:40

Chaimantami Mandaj Diosca, paipaj cajcunahuanca nina sindirij shina yallitaj p'iñarirca. Paipaj cajcunataca millanachircami.

SALMOS 76:2

Paipaj carpa huasica, Salempimari. Pai causana huasica Sionpimari.

SALMOS 78:59

Taita Diosca chaita uyashpami yallitaj p'iñarirca. Israelcunahuanca yallitajmi p'iñarirca.

ÉXODO 25:8

Tucui chaicunahuan ñucapajlla shuj carpa huasita ruraichij. Chaipimi ñucaca paicunapaj chaupipi causasha.

ÉXODO 29:45

Ñucaca israelcunapaj chaupipimi causasha. Ñucaca paicunapaj Diosmi casha.

ÉXODO 29:46

Chaimi ñucataca Mandaj paicunapaj Dios cashcata yachangacuna. Paicunapaj chaupipi causangapaj Egiptomanta paicunata llujshichimuj cashcatapishmi yachangacuna. Ñucami Mandaj paicunapaj Dios cani.

JEREMÍAS 14:21

Can imata ari nishcata yuyarishpa, ñucanchijtaca ama shitahuaichu. Can sumaj jatun Dios mandashpa tiyana pueblotapish ama yangata ruraichu. Cantaca jatunyachishunmari, amataj shitahuaichu.

LAMENTACIONES 2:7

Jatun Diosca paipaj altartapish shitarcami, paipaj huasipi tiyanatapish millarcani. Chaimantamari pai mandashpa tiyana huasi muyundij jatun pircata urmachichun, p'iñajcunapaj maquipi churarca. Mandaj Diospaj huasiman paicuna yaicushpaca, fiesta punllapi shinami caparirircacuna.

JOEL 2:27

Chaipimi can israelcunaca cancunahuan ñuca cashcata yachanguichij. Ñucaca cancunata Mandaj Taita Diosmi cani, pi shujtajca mana tiyanchu. Ñuca agllashcacunaca cunanmantapacha ña mana cutin pingachishca cangacunachu.

LEVÍTICO 20:23

Cancunapaj ñaupajmanta ñuca llujshichishpa cachana llajtacuna rurashca shinaca ama ruranguichijchu. Paicunaca chashna millananacunata rurashcamantami ñucapajca millananacuna carca.

LEVÍTICO 26:15

ñuca ima shina causachun nishcacunatapish yanganchishpa, cancunapaj yuyaipica ñuca chaitataj pajtachichun nishcatapish mana ricunachishpa, ñucahuan ari ninacushca mandashcacunata chaita rurana yuyailla tucushpa ruranatapish mana rurajpica,

LEVÍTICO 26:43

Paicuna shitashpa rijpimi, allpaca shitashca saquirishpa samarina punllacunapi mana samarishcamantaca chai punllacunapi samarishpa cushicunga. Ñuca mandashcacunata yanganchishcamanta, ñuca chaitataj pajtachichun nishcacunata p'iñashpa millaita rurashcamantami llaquita apana cashcapi paicunaca llaquita apacungacuna.

LEVÍTICO 26:44

Paicunata p'iñajcunapaj llajtapi paicuna chashna llaquita apacujpica shuj cutintajca mana shitashachu. Tucui chingaringacamatajca mana millanachicushallachu. Paicunahuan ari ninacushcataca manataj yanganchishachu. Ñucaca Mandaj paicunapaj Taita Diosmi cani.

ZACARÍAS 11:8

Chaimantaca quillallapimi quimsa michijcunata chingachircani. Paicunallatajmi ñucataca p'iñachircacuna. Chaimantami paicunahuanpish yallitaj p'iñarircani.

Efesios 2:22

Cancunapish Espiritupi Dios causana huasi cangapajmi, chaipi tandalla huasichicushcacuna canguichij.

DEUTERONOMIO 32:19

Chaita ricushpami Mandaj Diosca nina sindirij shina yallitaj p'iñarirca. Paipaj churicuna, paipaj ushushicuna yanganchishcamantami yallitaj p'iñarca.

JOSUÉ 22:19

Cancuna japishca llajta mapa yuyachijpica, Mandaj Diospaj huasi tiyacun, Mandaj Diospaj allpaman shamuichij. Chaipi ñucanchijpurallapitaj cancunapaj cachun allpacunata japishpa causanguichijllami. Ñucanchijta Mandaj Diospaj altarta saquishpa shujtaj altarta ama ruraichijchu. Chashna rurashpaca Mandaj Diostami p'iñachinguichij, ñucanchijtapish llaquichinguichijmi.

JOSUÉ 22:31

Chaimi Eleazar curapaj churi Fineesca Rubén aillupaj, Gad aillupaj, Manasés aillupaj huahuacunataca: –Cancunaca Mandaj Diosmanta caruyana yuyaihuanca mana chashna rurashcanguichijchu. Chaimanta Mandaj Dios ñucanchijhuan cashcatami yachanchij. Chashna cajpimi tucui israelcunataca mana llaquichinga– nircami.

Apocalipsis 21:3

Cielomanta cashna nishpa sinchita caparijtami uyarcani: “Diospaj carpa huasica cunanca tucui gentecunahuanmi. Paicunahuanmi causanga paicunaca Diospaj huahuacunami canga. Paicunapaj Diostaj cashcamantaca, paitajmi paicunahuan canga.

Apocalipsis 7:15

Chaimantami paicunaca jatun tiyarinapi tiyacuj Diospaj ñaupajpi punllapish, tutapish Diospaj huasipi paipajta ruran. Chai jatun tiyarinapi tiyacujmi, paicunata huaquichingapajca paipaj carpa huasita ashtahuan cacharinga.