LEVÍTICO 24:7 - Dios Rimashca Shimicunami

⁷ Chai fila tandacunapica cada filapi ashtahuan alli inciensota churachun. Chai tandacunaca Mandaj Diosman cushpa tucui rupachishca shinallataj paipajca mishquijllata ashnacujmi canga.

LEVÍTICO 24:7 Iomraidhean Croise

GÉNESIS 9:16

P'uyupi cuichita ricushpaca, causaiyuj caj tucuicunapaj ñuca rurasha nishpa huiñaipaj ari nishcatami yuyarisha”.

ÉXODO 12:14

Chai punllataca cancunaca yuyaricunallami canguichij. Mandaj Diospaj jatun fiestataca cancunapaj huahua huahuacunapish ruracungallacunami. Chai mandashcaca huiñaipaj cashcamanta ruracunallami canguichij.

ÉXODO 13:9

Cai ruraicunaca Mandaj Dios tucuita rurai tucuj maquihuan Egiptomanta canta llujshichimushcataca cambaj maquipi, mana cashpaca ñahui patapi ricunapaj churashca shinami yuyachicungalla. Mandaj Dios mandashca cambaj shimipi cachunmi chashna canga.

ÉXODO 17:14

Mandaj Diosca Moisestaca: –Caicunataca yuyarinapaj cachun shuj libropi quillcai. Cai amaleccunamantaca ima yuyarina ama tiyachun tucuimi cai pachamanta chingachigrini ninmi Mandaj Diosca nishpa Josueman huillai– nircami.

ÉXODO 28:12

Chai rumicunataca israelcuna yuyarina cachun, efod churana ishqui lado rigra jahuapi sirashpa churangui. Aarón ñuca ñaupajpi cajpipish paipaj ishqui lado rigracunapi chai shuticunata ricushpami israelcunataca yuyarisha.

ISAÍAS 43:23

Tucuita cushpa rupachina animalcunatapish ñucaman cungapaj mana apamurcanguichijchu. Animalcunata cushpa rurachishpa adoranatapish mana adorarcanguichijchu. Ñucaman cuna cashcacunahuanpish ñucapajta rurachun mana mañarcanichu. Inciensota cuchun nishpapish mana shaicuchircanichu.

LEVÍTICO 2:1

Mandaj Diosman granota cungapaj maijan apamushpaca, tucuimanta yalli alli cutata apamuchun. Chai jahuapica aceiteta inciensota churashpa apamuchun.

LEVÍTICO 2:2

Chaitaca, Aaronpaj churi curacunapajman apachun. Chai cutataca maillata aceitehuan, inciensohuan churashcata paipaj maqui jundata cura apashpa altar jahuapi rupachichun. Yuyarinapaj cachunmi chashna rupachinga. Chai cushpa rupachishcaca Mandaj Diospajca mishquijllata ashnacujmi canga.

LEVÍTICO 2:9

Mandaj Diosman cuna cashcataca, ashata cura apashpa altar jahuapi rupachichun. Yuyarinapaj cachun chashna rurachun. Chashna cushpa rupachishcami Mandaj Diospajca mishquijllata ashnacuj canga.

Juan 6:35

Chaimi Jesusca: –Causaita cuj tandaca ñucami cani. Pipish ñucapajman shamushpa crijca manataj yaricachingachu, manataj yacunachingachu.

Juan 6:51

Jahua pachamanta shamuj causaiyuj tandaca ñucami cani. Maijanpish cai tandata micujca huiñaitami causanga. Ñuca carana tandaca, ñuca aichami. Chaitaca cai pachapi causajcuna huiñai causaita charichunmi, ñucallataj curisha– nircami.

Hechos 10:31

cashna nirca: “Cornelio, can mañashcataca Taita Diosca uyashcami. Huajchacunaman can cushcacunatapish Taita Diosca ricushcami.

Hechos 10:4

Cornelioca manchaihuan ricurashpa: –Amito ¿imatataj nihuangui?– nijpi angelca: –Can mañashcacunapish Taita Diospajman chayashcami, can cushcacunatapish Taita Diosca ricushcami.

Efesios 1:6

Paipaj sumaj mana c'uyaipajta c'uyaj cashcata alabachunmi, paipaj c'uyashca Churimanta ñucanchijtaca chasquirca.

Hebreos 7:25

Chaimantami maijanpish paimanta Diosman c'uchuyajtaca, huiñaipaj quishpichi tucun. Jesusca paicunamanta Diosta mañashpami huiñaita causacun.