LEVÍTICO 24:6 - Dios Rimashca Shimicunami

⁶ Chaicunataca ashtahuan alli curimanta rurashca meza jahuapi Mandaj Diospaj ñaupajpi ishqui filata rurashpa churachun. Cada filapi sujta sujtata churachun.

LEVÍTICO 24:6 Iomraidhean Croise

1 REYES 7:48

Salomonca, Mandaj Diospaj huasipi imalla cana cashcacunataca caicunatami rurachirca: Shuj curi altartapish, Diospajlla ch'icanchishca tandata churana shuj curi mezatapish,

2 CRÓNICAS 13:11

Paicunami tucui tutamantacunapish, chishicunapish Mandaj Diosman cushpa tucui rupachincuna. Inciensotapishmi paiman cushpa rupachincuna. Shinallataj Diospajllata rurangapaj ch'icanchishca, ima mapa illaj mezapimi tandacunata pai Diosman cushpa churancuna. Curimanta rurashca candeleropi caj lamparacunapipish, tucui chishicunami ninata japichincuna. Chashnami ñucanchijca, ñucanchijta Mandaj Taita Dios imallata mandashcataca pajtachinchij. Ashtahuanpish cancunaca paimanta anchurishcanguichijmari.

2 CRÓNICAS 4:19

Chashnami Salomonca, Taita Diospaj huasipaj tucui charinacunata rurachirca. Curi altartapish, Diospajlla ch'icanchishca tandata churana mezacunatapish,

NEHEMÍAS 10:33

Diospaj ñaupajpi churana tandapajpish, Diosman punllanta cunapajpish, Diosman punllanta cushpa tucui rupachinapajpish, samana punllacunapajpish, mushuj luna punllacunapajpish, fiesta punllacunapajpish, Diospajlla ch'icanchishcacunapajpish, israelcunapaj juchacunata anchuchichun sacrificiocunata cunapajpish, ñucanchij Diospaj huasipi tucui ima ruranacunapajpishmi cuna tucurcanchij.

NEHEMÍAS 10:34

Curacunapish, levitacunapish, tucui israelcunapish maijan huasi ucupuracunalla huatanta yantata ñucanchij Diospaj huasiman apana cashcata yachangapajmi sortearcanchij. Ña sorteashpaca mandashcapi nishca shinami ñucanchij Diospaj huasipi Diosman cushcacunata rupachingapaj yantataca apashun nircanchij.

ÉXODO 25:30

Chai mezapica ñuca ñaupajpi punllanta cana tanda ama illachun churarangui.

ÉXODO 39:36

chai arcapaj propiciatorio, meza, chai mezapaj vasocuna, Diospaj ñaupajpi churana tanda,

EZEQUIEL 41:22

Caspi altarca shuj metro, pichca chunga canchis chaupi centímetro altomi carca. Largomanca shuj metro, pichca centimetrotami charirca. Chai altar jahua tablapish, esquinacunapish, muyundijta patata shina rurashcapish caspillatajmi carca. Chaita ricuchishpaca ñucataca: “Caica Mandaj Diospaj ñaupajpi tiyana mezami” nircami.

1 Corintios 14:40

Ashtahuanpish tucui imatapish rurana cashca shina allita ruraichij, ama maipish cachun ruraichijchu.

Hebreos 9:2

Diospaj carpa huasica cashnami carca: Diospajlla caj punta ucupica candelero, Diosman cushca tandacunata meza jahuapi churashcapishmi carca.