LEVÍTICO 24:2 - Dios Rimashca Shimicunami

² “Israelcunataca lamparapi tutai punlla ninata japichingapaj, olivocunata tacashpa llujshichishca ashtahuan alli aceiteta apamuchun mandai.

LEVÍTICO 24:2 Iomraidhean Croise

2 CRÓNICAS 13:11

Paicunami tucui tutamantacunapish, chishicunapish Mandaj Diosman cushpa tucui rupachincuna. Inciensotapishmi paiman cushpa rupachincuna. Shinallataj Diospajllata rurangapaj ch'icanchishca, ima mapa illaj mezapimi tandacunata pai Diosman cushpa churancuna. Curimanta rurashca candeleropi caj lamparacunapipish, tucui chishicunami ninata japichincuna. Chashnami ñucanchijca, ñucanchijta Mandaj Taita Dios imallata mandashcataca pajtachinchij. Ashtahuanpish cancunaca paimanta anchurishcanguichijmari.

SALMOS 119:105

Quiquinpaj shimica ñuca chaqui sarunata achijyachijmi. Ñuca ñanta achijyachijmi.

SALMOS 119:130

Quiquinpaj shimicunata alli, alli yachachijpica, achijyachinmari. Yachai illajcunatapish entendichinmari.

ÉXODO 39:37

ashtahuan alli curita rurashca candelero, candeleropaj lamparacuna, chai lamparacunata allichinacuna, chaipi imallata ruranapaj cajcuna, achijyachichun lamparapi churana aceite,

ÉXODO 40:24

Candelerotaca, Dioshuan tupanacuna carpa huasi ucupi Diospajlla ch'icanchishca ucuta jarcachishca linso ñaupajpimi, ura ladoman churarca. Chaica mezahuan ch'imbapurami carca.

PROVERBIOS 6:23

Paicuna yachachishpa mandashcaca, ninata japichishca lámpara shinami. Jarcashpa yachachishcaca causaipaj ñanta ricuchijmi.

ISAÍAS 11:2

Mandaj Diospaj Espiritumi paipi causanga. Chai espirituca: Yachaisapa canata cuj espíritu, yuyaisapa canata cuj espíritu, alli yachaita cuj espíritu, imatapish rurai tucunata cuj espiritu, imatapish yachaj canata cuj espiritu, Mandaj Diosllata manchana yuyaita cuj espiritumi canga.

ISAÍAS 8:20

Mandashcapish, Dios ima shina cashca shina causachun nishcapish tiyanmi. Mandashcacunapi nishca shina mana nishpaca, paipica manaraj pacarishcachu.

LEVÍTICO 24:1

Mandaj Diosca Moisesta mandashpaca:

LEVÍTICO 24:3

Mandaj Dioshuan tupana carpa huasi ucupi cancunahuan shujlla yuyai tucushcata ricuchij quillcata huaquichishca arcata jarcachishca linso ñaupajpi chai lamparacuna nina japichishca tutai punlla Mandaj Diospaj ñaupajpi rupacujta allichij cachunca Aaronta mandai. Chaicunataca cancunapaj huahua huahuacuna chaitataj pajtachicuchunlla mandashcami.

Mateo 4:16

Amsapi churashca puebloca, jatun luztami ricurca. Huañunalla amsapi churashca llajtacunataca luzmi lamyachinga” nishcami carca.

Mateo 5:16

Cancunapish chai luz shinallatajmi runacunapaj ñaupajpica achijyachina canguichij. Cancunapaj alli rurashcacunata ricushpa, jahua pachapi caj cancunapaj Yayata jatunyachichunmi chashna cana canguichij.

Lucas 1:79

Huañuna manchaihuan amsapi causacujcunapica achijyachichunmi luzta churanga. Ñucanchijtaca sumaj causaipimi punllanta pushanga” nircami.

Lucas 12:35

Cancunaca ña chumbillirishca, lamparatapish japichishca caichij.

Juan 1:4

Paipimi causaica tiyarca. Chai causaimi, runacunapaj luz carca.

Juan 1:9

Tucui gentecunata achijyachijtaj luzca, cai pachapica ñami ricurigrirca.

Juan 5:35

Juanca nina sindi shinami achijyachirca. Cancunaca paipaj luzpimi ashacama cushicurcanguichij.

Juan 8:12

Jesús cutin yachachi callarishpaca: –Ñucaca cai pachapi causajcunapaj luzmi cani. Maijanpish ñucata catijca, mana amsapi puringachu. Ashtahuanpish causaita cuj luztami charinga– nijpimi,

Hechos 26:18

Can huillashpa ñahuita pascajpimi, paicunaca amsamanta luzman cutirishpa Satanaspajta ruracushcata saquishpa Taita Diospajta rurangacuna. Ñucata crishpami juchacunamantapish quishpichishcacuna canga. Chashna cashpami Taita Diospajlla cajcunahuan herenciata japingacuna” nircami.

2 Corintios 4:6

Amsata achijyachi nishpa luzta mandaj Diosmi, ñucanchij shungupica achijyachij luzta churarca. Jesucristopaj ñahuipi Dios sumaj cashca ricurishcata alli yachashpa shujtajcunaman yachaj chayachichunmi chashna rurarca.