LEVÍTICO 24:19 - Dios Rimashca Shimicunami

¹⁹ Maijanpish shujtajta lisiajtaca, pai rurashca shinallataj paitapish rurashca cachun.

LEVÍTICO 24:19 Iomraidhean Croise

ÉXODO 21:23

Chai huarmi huañujpica, paitapish huañuchichun.

ÉXODO 21:24

Ñahuita llujshichijtaca paitapish ñahuita llujshichichun. Quiruta llujshichijtaca paitapish quiruta llujshichichun. Maquita p'aquijtaca paitapish maquita p'aquichun. Chaquita p'aquijtaca paitapish chaquita p'aquichun.

ÉXODO 21:25

Rupachijtaca paitapish rupachichun. Chugrichijtaca paitapish chugrichichun. Huajtajtaca paitapish huajtachun.

LEVÍTICO 24:18

Maijanpish ima animalta huañuchijca, chai animalyujmanca shujtaj chai shinallataj animalta cuchun.

LEVÍTICO 24:20

P'aquishca cajpica paitapish p'aquichun. Ñahuita llujshichishca cajpica, paitapish ñahuita llujshichichun. Quiruta lujshichishca cajpica, paitapish quiruta llujshichichun. Caishujta ima shinami llaquichirca, chashnallataj paitapish llaquichichun.

Mateo 5:38

Cancunaca: “Ñahuita surcujtaca paitapish ñahuita surcunami. Quiruta surcujtaca paitapish quiruta surcunami” nishcatami uyarcanguichij.

Mateo 7:2

Ima shinami shujtajta juchachingui, chashnallatajmi juchachishca cangui. Imahuanmi shujtajta medingui, chai shinallatajmi medishca cangui.

DEUTERONOMIO 19:21

Millaita rurajtaca ama llaquishpa cashna ruranguichijlla: Huañuchijtapish paitapish huañuchinguichij. Ñahuita surcujtapish, paitapish ñahuita surcunguichij. Quiruta surcujtapish, paitapish quiruta surcunguichij. Maquita p'aquijtapish, paitapish maquita p'aquinguichij. Chaquita p'aquijtapish, paitapish chaquita p'aquinguichij.

JUECES 1:7

Adoni-bezecca cashnami nirca: “Ñaupaca ñucamari canchis chunga jatun mandajcunata paicunapaj maquicunamantapish, chaquicunamantapish mama dedocunata p'itichircani. Paicunaca ñuca micucushpa urmachishcallatami meza ucumanta japishpa micujcuna carca. Ñuca imashinami paicunata llaquichircani, chai shinallatajmari ñucatapish Diosca llaquichin” nircami. Chai q'uipaca paitaca Jerusalenman apajpimi chaipi huañurca.