LEVÍTICO 24:11 - Dios Rimashca Shimicunami

¹¹ Chaipimi Israel huarmipaj churica, Mandaj Diosta c'amishpa paipaj shutita yanganchishpa rimarca. Chaimantami paitaca Moisespajman pusharcacuna. Chai runapaj mamaca, Danpaj aillumanta caj Dibri runapaj ushushi Selomitmi carca.

LEVÍTICO 24:11 Iomraidhean Croise

2 SAMUEL 12:14

Mandaj Diosta p'iñajcunaman paita c'amichishcamantaca huacharishca cambaj huahuaca huañungatajmi– nircami.

1 REYES 21:10

Taita Diostapish jatun mandajtapish c'amircanguimi nichun ishqui millai runacunata paipaj ñaupajpi churanguichij. Chashna nijpica, paitaca pueblomanta canllaman llujshichishpa, rumicunahuan shitanguichij huañuchun” nircami.

1 REYES 21:13

Ishqui millai runacuna shamushpaca Nabotpaj ñaupajpimi tiyarircacuna. Chai millai runacunaca tucuicunapaj ñaupajpimi: “Nabotca Taita Diostapish, jatun mandajtapish c'amircami” nishpa juchachishpa huillajpi, Nabottaca pueblomanta canllaman llujshichishpa rumicunahuan shitajpi huañurca.

2 REYES 18:30

Ezequías cashna nishpa Mandaj Diospi shunguta churachishcapish ama caichijchu. Paica Mandaj Diosca quishpichingatajmi. Cai pueblotaca Asiria llajtata jatun mandajpaj maquipica manataj churangachu ningami.

2 REYES 18:35

Mandaj Dios ñuca maquimanta cai Jerusalén pueblota quishpichingami nishpa shunguta churachunca, cai pachapi tiyaj dioscunaca ¿maijan diostaj paipaj llajtapi cajcunata ñuca maquimanta quishpichi tucushcari? ninmi– nircami.

2 REYES 18:37

Chai q'uipaca mayordomo Eliaquimpish, quillcaj Sebnapish, quillcacunata huaquichij Joapish, churanacunata lliquirishcacuna jatun mandaj Ezequiaspajman shamushpami Rabsaces imallata nishcata tucuita huillarcacuna. Eliaquimca, Hilciaspaj churimi carca. Joaca, Asafpaj churimi carca.

2 REYES 19:10

“Judá llajtata jatun mandaj Ezequiastaca cashna ningui: Can shunguta churacushca Dios, Jerusalentaca Asiria llajtata jatun mandajpaj maquipica mana churashachu nishpa cambaj Dios umashcaca ama caichu.

2 REYES 19:22

¿Pitataj mana alli shimicunahuan rimarcangui? ¿Pita p'iñashpataj c'amircangui? ¿Pitataj caparirishpa c'ariyarcangui? ¿Pitataj jatun tucushca ñahuihuan ricurcangui? Israelcunapaj jucha illaj Diostami chashna rurarcangui.

2 REYES 19:6

Isaiasca: “Cancunapaj amomanca cashna nigrichij: Mandaj Diosca cashnami nin: Asiria llajtata jatun mandajpajta rurajcuna ñucata p'iñashpa c'amishcata uyashpapish ama manchaichu.

JOB 1:11

Shina cajpipish cunanca cambaj maquita chutashpa pai imalla charishcacunata quichuiri, manachu cantaca ñahui ñahui millai shimihuan c'amin imami, ricungui– nircami.

JOB 1:22

Chai tucui llaquicuna shamujpipish, juchata mana rurarcachu, Mandaj Diostapish ima millaita mana rimarcachu.

JOB 1:5

Chai jatun micui punllacuna tucurishca q'uipami Jobca paipaj tucui huahuacunapaj juchacunata anchuchichun utcata jatarishpa, Diosman animalcunata cushpa huañuchishpa tucuita rupachij carca. Jobca, ñuca huahuacunaca imapi juchallircallapishchari, Diostapish p'iñashpa paicunapaj shungupi c'amircacunallapishchari yuyashpami, fiesta tucurishca q'uipaca chashna ruraj carca.

JOB 2:5

Ashtahuanpish cunanca cambaj maquita chutashpa paipaj tullupipish, aichapipish unguchiyari. Manachu cantaca cambaj ñaupajllapitaj millaita rimashpa c'amin imami, ricungapaj– nircami.

SALMOS 74:18

Caitaca yuyariyari: Mandaj Dioslla, quiquinta p'iñajcunaca quiquintami c'ariyarcacuna. Yuyai illaj runacunaca quiquinpaj shutita p'iñashpamari c'amircacuna.

SALMOS 74:22

Jatariyari, Taita Dioslla. Quiquin tucuita rurai tucuj cashcataca ricuchiyari. Yuyai illaj runa punllanta quiquinta c'amicuchunllaca ama saquichu.

ÉXODO 18:22

Israelcuna ima shinalla cashcataca paicunami punllanta paicunapaj llaquicunata ricuchinga. Yallitaj llaquicunallata canmanca huillaj shamuchun. Uchillalla llaquicunataca paicunallataj ima shina cashcata ricuchichun. Ima shinalla apanata paicuna chashna ayudajpimi, cambaj sinchi trabajomantaca samaringui.

ÉXODO 18:26

Paicunami israelcuna llaquicunata charijpica maijanpajlla ima shinalla cashcata ricuchijcuna carca. Uchilla llaquicunataca paicunallatajmi ima shina cashcata ricuchijcuna carca. Sinchi llaquicunahuan cajllapimi Moisespajman pushamujcuna carca.

ÉXODO 20:7

Mandaj cambaj Diospaj shutipica manapish rimanapica ama rimangui. Ñuca shutita manapish rimanapi rimajtaca llaquichishatajmi.

ÉXODO 22:28

Juezcunataca ama p'iñashpa rimanguichij. Cancunapaj llajtata mandajtaca ama imapish tucushca canman ninguichij.

ÉXODO 3:15

Taita Diosca Moisestaca cashnapishmi nirca: –Israelcunamanca: Cancunapaj ñaupa yayacunata Mandaj Taita Dios Abrahampaj, Isaacpaj, Jacobpaj Diosmi cancunapajman cachan ningui. Ñuca shutica, huiñaipaj chaillatajmi. Chai shutipimi, ñucataca huiñaita yuyaringacuna.

ISAÍAS 8:21

Paicunaca cai allpapica shaicushcacuna, yaricaihuanmi caiman chaiman puringacuna. Yaricaihuan cashpami p'iñarishpa jahua pachata huichilla ricushpa paicunata jatun mandajtapish, paicunapaj Diostapish mana alli nishpa rimangacuna.

LEVÍTICO 24:10

Chai punllacunapimi Israel shuj huarmipaj churi tiyarca. Paipaj yayaca egipciomi carca. Chai churimi, israelpuramanta caj shuj runahuan carpa huasicunapi p'iñanacushpa rimanacurca.

Mateo 26:65

Chaipica curacunata mandajca, yallitaj p'iñarishpami paipaj churanacunata lliquirishpaca: –¡Diostamari c'amin! ¿Imapajtaj ashtahuan huillajcunata tapucushunchijlla? Dios tucushpa rimarijtaca cancunallataj ña uyanguichijmi.

Romanos 2:24

Cashnami quillcashca tiyacun: “Cancunamantami Taita Diospaj shutitaca, mana judiocunapurapica p'iñashpa c'amincuna” ninmi.

1 Timoteo 1:13

Ñaupaca ñucaca Diosta c'amij, catirashpa llaquichij, maipish cachun rimajmi carcani. Chaicunataca mana yachaj, mana crij cashpa, chashna ruracujpipish Diosmi ñucataca llaquirca.

Apocalipsis 16:11

Chashna jatun nanaihuan cashpapish, chupu ungüihuan cashpapish cielopi caj Diostaca c'amircacunami. Paicunapaj millaita ruracushcamantapish Diospajmanca mana cutirircacunachu.

Apocalipsis 16:21

Chashnallatajmi cielomantaca jatun rundupish, gentecunapaj jahuapi urmarca. Chai runduca, quimsa arroba shina llashajmi carca. Runduhuan achcata llaquichijpica, gentecunaca Diosta p'iñashpami c'amircacuna. Chaipica yallitaj jatun llaquimi carca.