9 Mandaj Diosca Moisesta mandashpaca:
Cancuna tarpushca chagracunapi punta p'ucushcata cozichana jatun fiestata ruranatapish ama saquinguichijchu. Cambaj tarpushca chagrata ña tucui cozichashca chai huata cozicha tucuri jatun fiestatapish ruranguichijtaj.
“Israelcunataca cashna mandai: Cancunaman ñuca cushca allpaman chayashpa, cancunapaj granota tandashpaca punta p'ucushca granotaca ñucaman cuna cashcamanta ñucamanraj cungapaj shuj gavillata curapajman apanguichij.
Mandaj Diosman rupachishpa cunataca canchis punllata cunguichij. Tucuri canchis punllapica tucuita cayashpa Diospajlla tandanacuimi canga. Chai punllapica sinchi trabajocunataca imata ama ruranguichij ningui” nircami.
