26 Mandaj Diosca Moisesta mandashpaca:
Sinchi trabajocunataca imata ama ruranguichijchu. Chai punllapica, Mandaj Diosman rupachishpa cunguichij ni” nircami.
“Chai canchis quillapaj chunga punllapica, Dios perdonana punllami canga. Chai punllapica tucuita cayashpa, tucui almahuan llaquirishpa Diospajlla tandanacuita charinguichij. Mandaj Diosman rupachishpa cunatapish cunguichij.
Chai canchis quillallapitaj chunga punllapica, tucuicunata cayashpa Diospajlla tandanacuita ruranguichij. Mana alli rurashcata yuyarishpa cancunapaj alma llaquirishpa Diosman cutiringuichij. Chai punllapica ima ruranata ama ruranguichij.
