LEVÍTICO 23:2 - Dios Rimashca Shimicunami

² “Tucui israelcunata cashna nishpa mandai: Mandaj Diosta yuyarina jatun fiestacunataca, cai punllacuna ruranguichij. Chai fiestacunaca Diospajlla cashcamanta chaimanca tucuicunata cayanguichij.

LEVÍTICO 23:2 Iomraidhean Croise

2 REYES 10:20

Shina nishpaca Jehuca: –Baalta yuyarishpa jatun fiestata rurangapaj shuj punllata ch'icanchichij– nijpimi, paicunaca pai nishca shina rurashpa tandachircacuna.

1 CRÓNICAS 23:31

Samana punllacunapipish, mushuj luna punllacunapipish, shujtaj jatun punllacunapipish Mandaj Diosman animalcunata cushpa tucui rupachingapajpishmi saquirijcuna carca. Chai punllacunapi mashna animalcunata cuna cashcata cungapajpish, cada animalta ima shinalla cuna cashca shina cungapajpish,

2 CRÓNICAS 2:3

Salomonca, Tiro llajtata jatun mandaj Hiramman, huillachunca cashna nishpami cacharca: “Ñuca yaya Davidhuan rurashca shinallataj rurashun. Paimanca, pai mandashpa causana huasita shayachichunmi, cedro caspicunata cacharcangui.

2 CRÓNICAS 30:5

Chaimantami israelcunata Mandaj Diosta jatunyachingapaj Jerusalenpi Pascua fiestata yuyaringapaj shamuchun, tucui israelcunata cayaj cachanata yuyarircacuna. Beersebamantaca, Dancamami huillachun cacharcacuna. Ña uni huatacunatami Pascua jatun punllataca, mandashcapi nicushca shinatajca mana yuyarircacuna.

ESDRAS 3:5

Chai jahuami punllanta Diosman cushpa tucui rupachinacunatapish, mushuj lunapi cuna cashcatapish, Mandaj Diospajlla ch'icanchishca punllacunapi cuna cashcatapish, maijancuna Diosman cusha nishcamanta cushcacunatapish, Mandaj Diosman cusha nishcamanta cushca ofrendacunatapish curcacuna.

SALMOS 81:3

Mushuj lunapi trompetapi tocaichigari. Luna jundai punllapipish tocaichigari. Ñucanchij jatun fiesta punllapipish tocaichigari.

ÉXODO 32:5

Paicuna caparinacujta ricushpami Aaronca, curi bizipaj ñaupajpi shuj altarta rurashpaca: –Cayaca Mandaj Diospaj fiestami canga– nishpa caparirca.

ISAÍAS 33:20

Ashtahuanpish jatun fiestacunata rurana Sionpi caj pueblota ricui. Cancunapaj ñahuica casijlla causana Jerusalén pueblotami ricunga. Chai carpa huasica pi mana pascashcami canga. Chaipaj ishtacacunatapish pi mana llujshichishcami canga. Carpa huasita huatashca huascacunatapish pi mana p'itishcami canga.

LAMENTACIONES 1:4

Sionmanta purina jatun ñancunaca llaquillamari siricun, jatun tandanacuicunata ruranaman pi mana shamunchu. Pueblo pungucunapish pambapi shitashcamari siricun. Paipaj curacunapish aij nincunamari, solteracunapish llaquinayajtamari huacacun. Sióntaca jatun llaquimari japirca.

EZEQUIEL 44:24

P'iñanacushcacunatapish chai curacunami allichingacuna. Ñuca llaquichichun nishca shinami llaquichingacuna. Ñucata yuyarishpa jatun fiestata rurai punllacunaca ñuca mandashcacunata, ñuca huillachishcacunata rurashpa pajtachichuncuna. Ñuca cushca samana punllacunatapish ama yanga punllacuna shina cashcata yuyachuncuna.

OSEAS 2:11

Cada semana fiestacunatapish, mushuj luna punllacunatapish, samana punllacunatapish, jatun fiesta punllacunatapish rurashpa pai tucui laya cushicunataca tucuitami anchuchisha.

JOEL 1:14

Ayunangapaj tandanacuchun tucuicunaman huillaichigari. Cancunata Mandaj Diospaj huasimanca cunaj yuyajcunatapish, cai llajtapi causajcunatapish tucuicunata tandachishpa, Mandaj Diosta caparishpa mañaichigari.

JOEL 2:15

Sión urcupica, trompetapi tocaichigari. Ayunangapaj tandanacuchun, tucuicunaman huillaichigari.

LEVÍTICO 23:1

Mandaj Diosca Moisesta mandashpaca:

LEVÍTICO 23:21

Chai punllallataj Diospajlla tandanacuiman cayanguichij. Chai punllapica sinchi trabajocunataca imata ama ruranguichijchu. Tucui cai mandashcacunaca cancuna maipi causashpapish cancunapaj huahua huahua chaitataj pajtachicuchunlla mandashcami.

LEVÍTICO 23:37

Mandaj Diospajlla jatun tandanacuita rurangapaj cayashpaca caicunapajmi: Mandaj Diosman cushpa rupachinapaj, tucuita cushpa tucui rupachinapaj, chaquishca granocunata cungapaj, animalta huañuchishpa Diosman cungapaj, vinota tallingapajmi tandachina canguichij. Chaicunataca maijan punllallapi cunapimi huashan huashan cuna canguichij.

LEVÍTICO 23:4

Tucuicuna Mandaj Diosta yuyaringapaj fiestataca ñuca mandashca punllapitaj ruranguichij.

LEVÍTICO 23:44

Chashna mandashca shinallatajmi Moisesca Mandaj Diosta yuyaringapaj jatun fiestata ima punllallapi ruranataca tucui israelcunaman yachachirca.

NAHUM 1:15

Riqui, sumaj causaimanta alli huillaita huillajmari jahua urcucunata purishpa shamucun. Judá llajtalla, canca fiestacunata rurayari, can imallata Diosman cusha nishcata pajtachiyari. Chai millai runaca, ña mana ashtahuan cantaca llaquichingachu, paica ñami tucui chingarirca.

NÚMEROS 10:10

Cancuna cushicuna punllacunapipish, jatun fiesta punllacunapipish, quilla callari punllacunapipish, Mandaj Diosman cushpa tucui rupachicushpa, sumaj causaimanta cushpa rupachicushpaca trompetacunapipish tocanguichij. Chaica cancunapaj Dios cancunata yuyarichun yuyachinapajmi canga. Mandaj Dios ñucami cancunapaj Dios cani” nircami.

NÚMEROS 29:39

“Jatun fiesta punllacunapica, Mandaj Diosmanca tucui chaicunatami cuna canguichij. Cuna tucushcacunatapish, cuna munaimanta cuna tucushcacunatapish, cushpa tucui rupachinacunatapish, cuna cutatapish, tallina vinotapish, Dioshuan alli tucungapaj cuna cashcacunatapish punllanta cuna cashcacunataca chai punllacunapipish ama saquinguichijchu” nircami.

Juan 5:1

Chashna rurashca q'uipami Jesusca Jerusalenpi Taita Diosta adorangapaj judiocuna tandanacushcaman rirca.

Colosenses 2:1

Cancunamanta jatun macanacuita ñuca charishcata yachachunmi munani. Laodiceapi cajcunamantapish, ñahui ñahui ñucata mana ricuj tucuicunamantapishmi macanacucuni.

Colosenses 2:16

Chaimanta cancunataca ima micunamanta, ima ubyanamanta, fiesta punllacunamanta, llullu luna punllacunamanta, samana punllacunamantapish pi ama imata nishpa juchachichun.