LEVÍTICO 23:10 - Dios Rimashca Shimicunami

¹⁰ “Israelcunataca cashna mandai: Cancunaman ñuca cushca allpaman chayashpa, cancunapaj granota tandashpaca punta p'ucushca granotaca ñucaman cuna cashcamanta ñucamanraj cungapaj shuj gavillata curapajman apanguichij.

LEVÍTICO 23:10 Iomraidhean Croise

ÉXODO 22:29

Cancunapaj chagrata punta cozichashcacunata, punta capishca vinotapish ama uniyashpa apamunguichij. Cancunapaj punta churitapish ñucaman cunguichij.

ÉXODO 23:16

Cancuna tarpushca chagracunapi punta p'ucushcata cozichana jatun fiestata ruranatapish ama saquinguichijchu. Cambaj tarpushca chagrata ña tucui cozichashca chai huata cozicha tucuri jatun fiestatapish ruranguichijtaj.

ÉXODO 23:19

Cancunapaj chagrapi punta p'ucushca granocunata cuna cashcacunataca Mandaj cancunapaj Diospaj huasiman apamunguichij. Malta chivo aichata sumaj micunata ruracushpaca ama paipaj mamapaj lechellapitaj yanunguichu.

ÉXODO 34:22

Punta p'ucushca trigota cozichashpapish semana fiestata ruranguichij. Cozicha tucuripipish fiestata ruranguichij.

ÉXODO 34:26

Cancunapaj chagrapi punta p'ucushca granocunata cuna cashcacunataca Mandaj cancunapaj Diospaj huasiman apanguichij. Malta chivopaj aichataca paipaj mamapaj lechellapitajca ama yanunguichu” nircami.

EZEQUIEL 44:30

Shinallataj tucui punta p'ucushca granocunapish, tucui imalla cuna cashcata cushcacunapish tucuimi curacunapaj canga. Cancunapaj huasicunapi bendicion tiyachunca, punta p'ucushca granomanta rurashca tucui laya tandatami curacunamanca cuna canguichij.

LEVÍTICO 14:34

“Cancunaman ñuca cushca Canaanman ña yaicushpaca, cancuna japishca allpapi tiyaj maijan huasicunaman llaquichij leprata ñuca cachajpica,

LEVÍTICO 23:11

Chai gavillata huichi ricuchishpa cuyuchishpa Mandaj Diosman cura cujpimi, cancunataca chasquinga. Chai gavillataca samana punlla cayandijta huichi ricuchishpa cuyuchichun.

LEVÍTICO 23:17

Mandaj Diosman huichi ricuchishpa cuyuchishpa cungapajca, cancunapaj huasicunamanta ishqui tandacunata apanguichij. Chaicunaca ashtahuan alli cutata shuj efamanta chungapi chaupishca shuj parteta levadurahuan rurashpa cusashca cachun. Chaica cozicha callarinapaj Mandaj Diosman cushcami canga.

LEVÍTICO 23:9

Mandaj Diosca Moisesta mandashpaca:

NÚMEROS 15:2

“Israelcunataca cashna nishpa mandai: Cancuna causachun ñuca cusha nishca llajtaman ña yaicushca q'uipaca,

NÚMEROS 28:26

Punta p'ucushca mushuj granocunata Mandaj Diosman cucui semana fiesta punllapipish, tucuicunata cayashpa Diospajlla tandanacuita ruranguichij. Chai punllapica sinchi trabajocunataca imata ama ruranguichij.

Romanos 11:16

Masamanta punta tandata Diospajraj ch'icanchijpica, tucui masami Diospajlla. Shinallataj sapi Diospajlla cajpica, ramacunapish Diospajllami.

DEUTERONOMIO 16:9

Granocunata cuchui callarishcamantapacha canchis semanacunata yupanguichij.

Santiago 1:18

Pai munashcamantami mana llulla shimimanta pai rurashcacunapaj punta p'ucushca grano shina cachun, ñucanchijtaca mushujyachirca.

JOSUÉ 3:15

Jordán jatun yacuca cozicha punllacunapica, tucui chai punllacunapimi yallitaj yacu mirarishpa, lado pambacunacama jundaj carca. Chaimantami Dioshuan ari ninacushca quillcata huaquichina arcata apacuj curacuna Jordán yacu uriman chayajpica, paicunapaj chaquicunataca shutujyachirca.

Apocalipsis 14:4

Chai cantajcunaca, huarmicunapi mana mapayashca chuyacunami. Paicunaca Oveja maita rishcata catijcunami. Paicunaca cai pachapi causajcunapaj chaupimanta randishpa quishpichishcacunami carca. Diospajpish, Ovejapajpish punta p'ucushca grano shinami.

RUT 1:22

Chaimi Noemica Moabmantaca, chai llajtamanta caj paipaj nuera Rutndij Belenman tigramurcacuna. Paicuna chayamui punllacunapimi Belenpica, cebada cozicha callaricurca.