LEVÍTICO 22:8 - Dios Rimashca Shimicunami

⁸ Huañushca animalta cashpa, sacha animal huañuchishpa mirga mirgata rurashcata cashpapish ama micuchun. Chaicunata micushpaca mapayangami. Ñucami Mandaj Dios cani.

LEVÍTICO 22:8 Iomraidhean Croise

ÉXODO 22:30

Cancunapaj huagracuna, cancunapaj ovejacuna punta huachashca c'ari animalcunataca chashnallataj ruranguichij. Paicunaca canchis punllacunallata mamahuan cachun. Pusaj punllapica ñucaman cunguichijlla.

ÉXODO 22:31

Cancunaca ñucapajlla ch'icanchishcacunami canguichij. Cancunaca michina pambapi sacha animalcuna mirga mirgata rurashca aichataca ama micunguichijchu, chaitaca allcucunaman shitanguichij.

EZEQUIEL 4:14

Shina nijpimi ñucaca: “Mandaj Jatun Dioslla, ñucaca mana mapa canica. Ñucaca huambramantapacha cunancamaca ima mapacunatapish, paillataj huañushca aichatapish, sacha animal huañuchishca aichatapish, ima shujtaj mapatapish shuj cutinllapish ñuca shimipica mana churashcanichu” nircanimi.

EZEQUIEL 44:31

Curacunaca alasyuj animalcunatapish, shujtaj animalcunatapish mapami nishcacuna huañushcacunataca ama micuchun.

LEVÍTICO 17:15

Israelcuna cashpa, mana israelcuna cashpapish, huañushca animal aichata, mana cashpaca sacha animal huañuchishca animalpaj aichata micushpaca paipaj churanacunata tajshashpa paipish armachun. Paica tutayangacama mapami saquiringa. Chai q'uipami, mapa illajlla saquiringa.

LEVÍTICO 7:24

Huañushca animalpaj huiratapish, sacha animal huañuchishca animalpaj huiratapish ama micunguichijchu. Chai huirahuanca ima shujtajtami rurai tucunguichij. Ashtahuanpish mana micui tucunguichijchu.

DEUTERONOMIO 14:21

Huañushca animaltaca ima animal aicha cajpipish ama micunguichijchu. Chaitaca shujtaj llajtamanta shamushca cancunapaj llajtapi causacujcunaman cunguichij, paicunaca micui tucunmi. Mana cashpaca shujtaj llajtamanta shamujcunaman c'atunguichij. Ashtahuanpish cancunaca Mandaj Dios cancunapaj Taita Diospajlla ch'icanchishca cashcamantami mana micuna canguichij. Chivo aichataca mamapaj lechellapitajca ama yanunguichijchu.