LEVÍTICO 22:6 - Dios Rimashca Shimicunami

⁶ chaicunapi tuparishcamantaca tutayangacama mapami saquiringa. Paipaj cuerpota yacuhuan manaraj armashpaca, Diospajlla ch'icanchishcacunataca ama micuchun.

LEVÍTICO 22:6 Iomraidhean Croise

LEVÍTICO 11:27

Shinallataj chuscu chaquiyuj ima animal cashpapish p'acha chaqui shunguhuan purij tucui animalcunataca mapa cashcata yuyanguichij. Chai huañushca animalpi maijanpish tuparijcunaca tutayangacama mapami saquiringa.

LEVÍTICO 11:28

Huañushca animalta japirijca, paipaj churanacunata tajshachun. Paica tutayangacamami mapa saquiringa. Chaicunataca mapa cashcatami yuyana canguichij.

LEVÍTICO 11:31

Huijsahuan llucashpa purij animalcunataca, tucui chai animalcunatami mapa cashcata yuyana canguichij. Maijanpish chai animalcuna huañushcapi tuparijcunaca, tutayangacama mapami saquiringa.

LEVÍTICO 11:32

Chai animalcuna huañushca ima charinacuna jahuapi urmajpica, tucui chaicunaca mapami saquiringa. Caspimanta rurashca ima charinacuna cajpipish, churanacuna cajpipish, cara cajpipish, costal cajpipish, trabajanapaj ima charinacuna cajpipish chai animal huañushcapi tuparishca cajpica, chaicunataca yacupi satishpa churanguichij. Chaicunaca tutayangacama mapami saquiringa. Chai q'uipami ima mapa illaj saquiringa.

LEVÍTICO 11:39

Micunapaj caj maijan animal huañujpi, chaipi tuparijca tutayangacama mapami saquiringa.

LEVÍTICO 11:40

Huañushca animalpaj aichata micujca paipaj churanacunata tajshachun. Paica tutayangacamami mapa saquiringa. Huañushca animalta llujshichijpish, paipaj churanacunata tajshachun. Paipish tutayangacama mapami saquiringa.

LEVÍTICO 15:5

Maijanpish chai runapaj camapi tuparijca paipaj churanata tajshachun, paillatajpish yacuhuan armachun. Tutayangacama mapami saquiringa.

LEVÍTICO 22:5

mana cashpaca huijsahuan llucashpa purij ima animalpi tuparishcamanta mapayashca cashpa, imapi tuparishpa mapayashca runapi tuparishpa mapayashca cashpaca,

LEVÍTICO 22:7

Ña inti huashicushca q'uipami, paica ima mapa illajlla saquiringa. Chai q'uipami Diospajlla ch'icanchishcacunataca paipaj micuna cashcamanta micui tucunga.

HAGEO 2:13

Shina nijpipish Hageoca cashna tapurcarajmi: “Maijanpish huañushca aichapi tuparishpaca mapami tucun. Chashna tucushca jahua, Diospajlla caj chai micunacunapi tuparingachari. Pai tuparishca micunaca ¿mapachu saquirinman?” nishpa tapujpica, chai curacunaca: “Ari, mapatajmari saquirinman” nircacunami.

NÚMEROS 19:22

Mapayashca runa ima charinacunapi tuparijpica, tucui chaicunami mapa canga. Mapayashca runapi tuparijpish tutayangacama mapami canga” nircami.

1 Corintios 6:11

Cancunapish maijancunaca chashnallatajmi carcanguichij. Ashtahuanpish Mandaj Jesucristopaj shutipimi, ñucanchij Taita Diospaj Espiritumanta ña maillashcacuna, jucha illajta rurashcacuna, justificashcacuna canguichij.

Hebreos 10:22

Ñucanchijtaca paimi mana alli yuyaicunamanta shungucunatapish chuyayachishpa, cuerpocunatapish chuya yacuhuan armachirca. Chaimanta Diospajmanca mana nij tucushcalla shunguhuan alli crijtaj c'uchuyashunchij.