LEVÍTICO 22:3 - Dios Rimashca Shimicunami

³ Aaronpaj huahua huahua curacunaca cunan punllacunapish, shamuj punllacunapipish cashna cachun mandai: Israelcuna ñucapajlla ch'icanchishpa apamushcacunata maijan cura imapi mapayashca cashca jahua ñucaman cungapaj cuchuyajpica ñuca ñaupajmanta anchuchishcami canga. Ñucami Mandaj Dios cani.

LEVÍTICO 22:3 Iomraidhean Croise

ESDRAS 8:28

Chai curacunataca: “Cancunaca Mandaj Diospajlla ch'icanchishcacunami canguichij. Ñucanchij ñaupa yayacunapaj Mandaj Diosman cushcacunapish, Diospaj huasipi imallata ruranapaj charinacunapish, cullquipish, curipish Mandaj Diosman cusha nishcamanta cushcacunapish Diospajllami.

SALMOS 16:11

Ñucamanca causaiman apaj ñantami ricuchingui. Cambaj alli ladopica huiñaita sumajmari. Cambaj ñaupajpica cushicucunallami canga.

SALMOS 51:11

Quiquinpaj ñaupajmantaca, ñucataca ama anchuchihuaichu. Quiquinpaj jucha illaj Espiritutaca ñucamanta ama quichuichu.

ÉXODO 30:33

Maijanpish cai aceite shinallatataj rurashpa maijan maijanpish runapi churajca israelcunapuramanta anchuchishcami canga ni” nircami.

LEVÍTICO 22:2

“Aarontapish, paipaj churicunatapish cashna mandai: Jucha illaj ñuca shutita ama yanganchichun. Israelcuna ñucapajlla ch'icanchishpa ñucaman cushcacunataca ama yangata rurachun. Ñucami Mandaj Dios cani.

NÚMEROS 19:13

Huañushcapi maijan cashpapish tuparishpa mapayashcamanta mapa illajllata rurana yacuhuan mana mapa illajlla tucujca, Mandaj Diospaj carpa huasitami mapayachin. Chai runataca israelpuramanta anchuchishca cachun. Mapa illajllata rurana yacuhuan paipaj jahuata mana tsirapachishca cashcamanta paica mapami canga. Paica mapallatajmi saquiringa.

Mateo 25:41

Chai q'uipaca, lluqui ladoman cajcunatapish: “Ñuca ñaupajmanta anchuichij llaquiman rinapaj cajcuna. Cancunaca, diablopaj paipaj angelcunapajpish allichishca huiñaita rupacuj ninaman richij.

2 Tesalonicenses 1:9

Paicunaca huiñaipaj tucuchij llaquipimi llaquita apangacuna. Mandaj Jesuspaj ñaupajmanta paipaj sumaj podermantapish canllaman shitashcami cangacuna.