LEVÍTICO 22:25 - Dios Rimashca Shimicunami

²⁵ Mana israelcunapajtaca chai shina animalcunata cancunapaj Taita Diosman cungapaj apamujpica ama japinguichijchu. Imapish tucushca animalcunataca imapish tucushca cashcamanta mana chasquingachu ninmi ni” nircami.

LEVÍTICO 22:25 Iomraidhean Croise

EZEQUIEL 44:7

Cancunaca shungumanta millai yuyaita mana anchuchishcacunata, c'aricuna charishca aicha mirga caratapish mana p'itishca shujtaj runacunata ñuca huasiman yaicuchishpamari, ñuca huasitaca mapayachishcanguichij. Cancunaca ñucamanca huiratapish, yahuartapishmi curcanguichij. Ñucahuan ari ninacushcata yangata rurashpamari, cancunaca yallitaj millaita rurashcanguichij.

LEVÍTICO 21:6

Cancunaca Taita Diospajlla cachun ch'icanchishcacuna, Diospaj shutita mana yanganchinapaj cajcuna, Mandaj Diosman cushcacunata rupachijcuna, Mandaj Diosman tandata cujcunami canguichij. Chaimanta ima jucha illajllami cana canguichij.

LEVÍTICO 21:8

Ñucaman tandata cujcuna cashcamanta paicunataca jucha illaj cana cashcatami yuyana cangui. Cancunataca ñucami jucha illajta rurarcani. Cancunata Mandaj Diosca jucha illajmi cani. Cancunata jucha illajta rurajca jucha illajmi cani. Chaimanta paicunapish cambajca ima jucha illajcunami cana can.

LEVÍTICO 22:26

Mandaj Diosca Moisesta mandashpaca:

NÚMEROS 16:40

Chaica Mandaj Diosman inciensota cushpa altarpi rupachinamanca, Aaronpaj huahua huahuacunalla c'uchuyana cashcata israelcuna ricushpa yuyarinapajmi carca. Manapish Aaronpaj huahua huahua cajcuna altarman c'uchuyashpaca Coré runa, paihuan tucushpa jatarijcunandij ima shina tucushca shinallataj tucunata ricuchijmi carca. Eleazar curaca Mandaj Dios Moisesta ima shina mandashca shinallatajmi tucuita rurarca.

Efesios 2:12

Ñaupaca Cristo illajcuna, Israel canamantapish carupi, Dios cusha nishpa ari nishcatapish imata mana charijcuna, cai pachapica shuyana illaj, Dios illajcunami carcanguichij.

1 Juan 5:18

Diosmanta maijanpish huacharishca cajca, juchata mana rurashpa catij cashcataca yachanchijmi. Paitaca Diospaj huahua cajpimi huaquichin. Diabloca paipica mana tuparinchu.