LEVÍTICO 22:23 - Dios Rimashca Shimicunami

²³ Huagrata cashpa, carnerota cashpa cusha nishcallamanta cucushpaca ima shina cajpipish, uchilla cajpipish cunguilla. Ashtahuanpish cushami nishcata pajtachingapaj cucushpa chashna cunata cujpica mana chasquingachu.

LEVÍTICO 22:23 Iomraidhean Croise

ÉXODO 35:29

Israelcunaca Mandaj Dios paipaj imallata ruranapaj Moisesman huillachishca shinallatajmi, Mandaj Diospajta ruranapaj cuna munaita charijcunaca c'aricuna cashpa, huarmicuna cashpa shungumantataj Diosman cungapaj apamurcacuna.

LEVÍTICO 21:18

Maijanpish ima tucushca runa cashpaca: Ñahui mana ricuj cashpa, cojo cashpa, mana cashpaca paipaj cuerpopi ima illaj cashpa,

LEVÍTICO 22:22

Mandaj Diosmanca ñahui mana ricuj cajpi, chaqui p'aquirishca cajpi, ima utu cajpi, carachayashca cajpi, sisu sisu cajpi, sipu sipu cajpica mana cunachu canguichij. Chaicunamanta maijantapish Mandaj Diosman rupachishpa cunapajca altar jahuapica ama churanguichijchu.

LEVÍTICO 22:24

Cancuna Mandaj Diosman cushpaca, lulun chugri cajpi, lulun llapirishca cajpi, capashca cajpi, p'itishca cajpica ama cunguichijchu. Cancunapaj llajtapipish ama cunguichijchu.

MALAQUÍAS 1:8

Shinallataj ñahui mana ricuj animalta ñucaman cushcapish, cancunapajca ¿allichu imatagari? Shinallataj patojota cashpa, ungushcata cashpa ñucaman cushcapish cancunapajca ¿allichu imatagari? Alli cajpica cancunata mandajman chashna animalcunata cugrichigari. Paipish cancuna cushca mana alli animalcunataca cushicushpa chasquinllachu imami, tucuita Mandaj Diostajmi chashna nini.

DEUTERONOMIO 15:21

Chai animalcuna ñahui mana ricuj cajpi, mana cashpaca cojo cajpi, mana cashpaca imapish mana alli cajpica ama Mandaj Dios cambaj Taita Diosman cushpa huañuchinguichu.

DEUTERONOMIO 17:1

Mandaj Dios cancunapaj Taita Diosmanca huagrata cashpa, c'ari ovejata cashpapish, ima tucushca cajpi, ima mana alli cajpica ama cunguichijchu. Chaicunaca Mandaj Dios cancunapaj Taita Diospajca millananami.