LEVÍTICO 22:19 - Dios Rimashca Shimicunami

¹⁹ chasquinalla cachunca ima mana tucushca c'ari animalta apamuchun. Huagrata cashpa, ovejata cashpa, chivota cashpa c'ari animalta apamuchun.

LEVÍTICO 22:19 Iomraidhean Croise

ÉXODO 12:5

Chai animalca ima mana tucushca shuj huatata charij c'ari animal cachun. Ovejata cashpa, chivota cashpa cancunapaj canllamanta shujta japinguichij.

LEVÍTICO 1:10

Oveja canllamanta cashpa, chivo canllamanta cashpa Diosman tucuita cushpa tucui rupachingapaj apamucushpaca, ima mana tucushca shuj c'ari animalta apamuchun.

LEVÍTICO 1:2

Israelcunataca cashna nishpa mandai: Cancunapuramanta maijancuna Mandaj Diosman cuna cashcata cungapaj animalcunamanta apamucushpaca, huagrata cashpa, ovejata cashpami apamuna canguichij.

LEVÍTICO 1:3

Maijanpish Mandaj Diosman cushpa tucui rupachingapaj malta huagrata cushpaca, ima mana tucushca c'ari huagrata cuchun. Chaita Mandaj Dios chasquichunca, Mandaj Dioshuan tupana carpa huasi pungupi cuchun.

LEVÍTICO 21:18

Maijanpish ima tucushca runa cashpaca: Ñahui mana ricuj cashpa, cojo cashpa, mana cashpaca paipaj cuerpopi ima illaj cashpa,

LEVÍTICO 4:32

Chai juchamanta cungapaj shuj malta ovejata apamushpaca ima mana tucushca huarmi ovejata apamuchun.

Mateo 27:19

Mandanapi tiyarishpa Pilato tapucujpimi, paipaj huarmica: “Chai cashcata ruraj runataca, ñataj imata ruranguiman. Cunan tuta muscuipica, paimantaca achca llaquitami aparcani” nishpami, huillaj cacharca.

Mateo 27:24

Tucuicuna imata mana uyashun nishpa, ashtahuan caparicujta ricushpami Pilatoca yacuta japishpa tucuicunapaj ñaupajpi maquita maillashpaca: –Cai cashcata ruraj runata huañuchijpi paipaj yahuarmantaca, ñucaca ima juchachinayuj mana canichu. ¡Cancunapaj jahuami canga!– nircami.

Mateo 27:4

cashna nishpa tigrachigrirca: –Ima millaita mana ruraj runata huañuchichun entregashpaca ñucaca juchallishcanimari– nijpi, paicunaca: –¿Ñucanchijpajca imataj cangapish? ¡Chaitaca can ricui!– nijpimi,

Mateo 27:54

Patsaj soldadocunata mandaj, paihuan Jesusta cuidacuj soldadocunapish jatunta allpa chujchujta, tucui imalla tucujtapish ricushpaca, achcata mancharinacushpami: “Caica Diospaj Churitajmari cashca” nircacuna.

Lucas 23:14

cashna nirca: –Cai runataca, llajtapi causajcunata muspachishpa bullata ruranatami yachachicun nishpami pushamurcanguichij. Ashtahuanpish cancunapaj ñaupajpi ñuca tapushpaca, cancuna juchachishca shina millai runa cashcataca mana japinichu.

Lucas 23:41

Ñucanchijca millaita rurashcamanta llaquita apana cashcallatatajmi apacunchij. Ashtahuanpish cai runaca, ima mana allita mana rurashcachu– nircami.

Lucas 23:47

Chashna tucujta patsaj soldadocunata mandaj ricushpaca: –Cai runaca jucha illajtajmari cashca– nishpami, Taita Diosta jatunyachirca.

Juan 19:4

Pilatoca cutin canllaman llujshishpami: –Riquichij, paipica ima millaita rurashcata mana japinichu. Chaimantami cancuna entendichun cutin canllaman pushamuni– nirca.

2 Corintios 5:21

Cristotaca mana juchayuj cajpipish, Diosca ñucanchijmantami juchayujta rurarca. Cristomanta ñucanchijca, Dios munashca shina cashcata rurajcuna cachunmi chashnaca rurarca.

Efesios 5:27

Tandanacushca crijcunaca sumaj, imapi mana mapayashca, llambuglla, ima chai shinacunatapish mana charij, jucha illajta, mana mapayashcata ricuchingapajmi chashna tucurca.

DEUTERONOMIO 15:21

Chai animalcuna ñahui mana ricuj cajpi, mana cashpaca cojo cajpi, mana cashpaca imapish mana alli cajpica ama Mandaj Dios cambaj Taita Diosman cushpa huañuchinguichu.

Hebreos 9:14

Chashna cajpica, Cristopaj yahuarcarin ashtahuan rurai tucujmi. Paica huiñaipaj Espirituhuan cashpami, ima mapa illajlla paillataj Diosman curirca. Cancuna causaj Diospajta ruraj cachunmi, huañunaman apaj millaita rurana yuyaicunataca paipaj yahuarhuan cancunamantaca p'ichan.

1 Pedro 1:19

Ashtahuanpish ima mapa illajlla, chuya malta oveja shina, Cristopaj sumaj yahuarhuanmi llujshichishcacuna canguichij.

1 Pedro 3:18

Chashnami Cristoca juchayujcunamanta shuj cutinlla llaquita aparca. Paica cashcata ruraj cashpapish, juchayujcunata Diospajman pushangapajmi chashna tucurca. Aichapica huañurcami, ashtahuanpish Espiritupica causachishcami carca.