LEVÍTICO 22:15 - Dios Rimashca Shimicunami

¹⁵ Mandaj Diospaj cachun ch'icanchishpa israelcuna cushcacunataca ama yanganchichuncuna.

LEVÍTICO 22:15 Iomraidhean Croise

ÉXODO 28:43

Aarón cashpa, paipaj churicuna cashpa Dioshuan tupangapaj tandanacuna carpa huasiman yaicunapaj, mana cashpaca altarpi ñucapajta rurangapaj c'uchuyashpapish chaita churashca c'uchuyashpallami mana juchallishpa mana huañungacuna. Cai mandashcacunaca Aaronpajpish paipaj q'uipa huahua huahuacunapajpish huiñaipaj mandashcami.

EZEQUIEL 22:26

Curacunapish ñuca mandashcacunata p'aquircacunami, ñucapajlla altarcunatapish mapayachircacunami. Imalla ñucapajlla ch'icanchishca cashcatapish, imalla mana ñucapaj ch'icanchishca cashcatapish, imalla mapa cashcatapish, imalla mana mapa cashcatapish manamari ch'icanpi charircacunachu. Ñuca samana punllacunatapish mana yuyarircacunachu. Chaimantami ñucataca yangapi charircacuna.

LEVÍTICO 19:8

Chai micujca jatun mana alli nishcami tucunga. Mandaj Diospajlla ch'icanchishcata yangata rurashcamantaca, chai yanganchijtaca israelcunapuramanta anchuchishcami canga.

LEVÍTICO 22:16

Diospajlla ch'icanchishcacunata pipish micuchun saquishpaca, paicunataca juchayujtami ruranguichij. Mandaj Dios ñucami cancunata ima jucha illajllata ruraj cani ni” nircami.

LEVÍTICO 22:9

Ñuca mandashcacunata huaquichinguichij. Chai mandashcacunata, yanganchishpaca cancunallataj juchayuj tucushpami chaimantaca huañunguichij. Ñucami cancunata ima jucha illajta ruraj Mandaj Dios cani.

NÚMEROS 18:32

Japishcacunamanta ashtahuan yalli allicunataca ñucamanraj cushpaca, mana juchayuj tucunguichijchu. Chaipica, ñucapajlla ch'icanchishpa israelcuna cushcacunataca mana yangata rurashpa mana huañunguichij” nircami.