LEVÍTICO 22:10 - Dios Rimashca Shimicunami

¹⁰ Manapish cura cajcunaca Diospajlla ch'icanchishcacunataca mana micungachu. Curapaj huasipi pozaj cashpapish, paipajta trabajaj cashpapish, Diospajlla ch'icanchishcacunataca ama micuchun.

LEVÍTICO 22:10 Iomraidhean Croise

ESDRAS 2:63

Chashna anchuchishpapish Judá llajtata mandajca: “Diosman cushca micunataca Urim nishcahuan, Tumim nishcahuan Diosta shuj cura tapushpa imatapish ningacama, ama micunguichijchu” nircami.

ÉXODO 12:43

Mandaj Diosca Moisesta, Aarontaca: “Cai mandashcacunaca Pascua micuimanta mandashcami. Pascua micuitaca mana Israel cajca pipish mana micungallachu.

ÉXODO 12:45

Mana Israel cajpish, mana cashpaca trabajacushcallamanta chaipi cajca mana micui tucunchu.

ÉXODO 29:33

Chai aichataca Mandaj Diospaj cura canata chasquichun paicunapaj juchamanta cushpa paicunata Mandaj Diospajlla cachun ch'icanyachinapaj cushca aicha cashcamanta shujtajcunaca pi ama micuchun curacunalla micuchun.

EZEQUIEL 44:8

Shinallataj imalla ñucapajlla cashcacunatapish, manamari ñucapajlla cashcataca yuyashpa huaquichircanguichijchu. Ashtahuanpish ñucapajlla huasipi ñuca mandashcacunata pajtachichunca shujtaj runacunatamari churarcanguichij ninmi ni” nircami.

LEVÍTICO 21:22

Chashna cashpapish Diospajlla ch'icanchishpa Diosman cushca tandata, ima shujtajcunatapish Diosman cushcacunataca micuchunlla.

LEVÍTICO 22:13

Ashtahuanpish curapaj ushushica viuda saquirishca cashpa, mana cashpaca cusa shitashca cashpa, mana huahuacunayuj cashpaca paipaj yayapaj huasiman tigrashpaca, manaraj cazarashpa micuj cashca shinallataj paipaj yayapaj micunataca micui tucunmi. Shina cajpipish Diospajlla ch'icanchishcataca pi shujtajca mana micungachu.

NÚMEROS 3:10

Curacuna rurana cashcata rurachunca, Aaronta, paipaj churicunallata churangui. Pi shujtaj chaita ruranaman c'uchuyashpaca huañungami” nircami.

Mateo 12:4

Paica, Taita Diospaj huasiman yaicushpa, Taita Diosman cushca tandatami micurca. Chai tandataca paipish, paihuan cajcunapish mana micunallachu carca. Chaitaca curacunallami micuna carca.

1 SAMUEL 21:6

Chaipica shujtaj tanda mana tiyashcamantami chai curaca Diospajlla ch'icanchishca tandata curca. Chai tandaca Diospaj ñaupajpi caj tandata anchuchina punlla pajtajpi ña anchuchishca tandami carca. Cunanlla cusashca tandata churangapajmi anchuchishca carca.

1 SAMUEL 21:7

Chai punllaca Saulpajta rurajcunamanta shujmi, Mandaj Diospajta rurashpa mana ri tucushca carca. Paica Saulpaj ovejacunata michijcunata mandaj, Edommanta caj Doeg shutimi carca.