LEVÍTICO 21:9 - Dios Rimashca Shimicunami

⁹ Curapaj ushushi huainayashpa callarishpaca, paipaj yayatami pingachin. Chaimanta paica rupachishcami canga.

LEVÍTICO 21:9 Iomraidhean Croise

GÉNESIS 38:24

Ashtahuanpish ña quimsa quilla shinapimi Judamanca: –Cambaj nuera Tamarca, huainayashcamari. Pai chashna cashcamantaca chichumi– nishpa huillajpi Judaca: –¡Paitaca llujshichishpa rupachichij!– nirca.

ÉXODO 31:14

Chaimanta samana punllataca huaquichinguichij. Chai punllaca cancuna Diospajlla cana punllami. Chai punllata yangata rurajca huañungatajmi. Chai punllapi maijanpish paipaj imalla rurana cashcata rurajtaca israelcunapuramanta anchuchishcami canga.

ISAÍAS 33:14

Juchayujcunami Sionpica mancharircacuna. Mishqui shimi jayaj shungucunataca manchaimi japirca. Chaimi paicunaca: ¿“Ñucanchijpuramanta maijantaj tucuchij ninapica causai tucungari? ¿Ñucanchijpuramanta maijantaj huiñaita mana huañuj ninapica causai tucungari?” nincunami.

EZEQUIEL 9:6

Ñucapajlla huasipi causajcunamanta callarishpaca yuyajcunatapish, mosocunatapish, solteracunatapish, huahuacunatapish, huarmicunatapish shujllapish ama saquirichun tucuicunata huañuchinguichijlla. Ashtahuanpish señalta charijcunapajmanca, ama c'uchuyanguichijchu” nircami. Shina nijpimi, Diospaj huasi ñaupajpi caj cunaj yuyajcunamanta callarishpa huañuchircacuna.

LEVÍTICO 19:29

Cambaj ushushitaca huainayashcahuan causajta rurashpa ama mapayachingui. Chai llajtaca huainayashcahuan mapayashca millaihuan junda ama cachunmi mana chashna rurana cangui.

LEVÍTICO 20:14

Maijanpish shuj huarmita paipaj mamandij paipaj huarmi cachun japijca yallitaj millaitami ruran. Chaimanta chai runatapish, ishquindij huarmitapish rupachichun. Chashna rurajpimi cancunapurapi yallitaj millaita rurajca mana tiyanga.

MALAQUÍAS 2:3

Cancuna tarpushca chagratapish chingachishami. Ñucaman cushpa huañuchishca animalcunapaj mapacunatapish, cancunapaj ñahuipimi shitasha. Cancunataca, chai animalcunapaj mapacunandijmi tandachishpa, p'ichashpa shitasha.

DEUTERONOMIO 22:21

paipaj yayapaj huasi punguman llujshichishpa, chai pueblopi causaj c'aricuna huañungacama rumicunahuan shitachuncuna. Chai huarmica paipaj yayapaj huasipi huainayashpa israelcunapurapi millaita rurashcamantami chashna rurana canguichij. Chashnami cancunapuramantaca chai millaitaca anchuchinguichij.

Tito 1:6

Ancianoca mana juchachipaj cashnami cana. Shuj huarmipajlla cusa, huahuacunapish crijcuna, mana maipish cachun purij, cazuj, pi mana juchachipaj cachun.

JOSUÉ 7:15

Chaicunapurapi chingachinapaj tucushca runa japi tucujpica, paipaj huasi ucupuracunandij, tucui imallata charishcacunandij rupachishpa tucuita chingachinguichij. Mandaj Dioshuan ari ninacushcata p'aquishpa, israelcunata jatunta pingachishcamantaca chashnami rurana canguichij– nircami.

JOSUÉ 7:25

Chaipimi Josueca Acantaca: –¿Ima nishpataj ñucanchijta cashna llaquichircanguiyari? Cunan cantapish Mandaj Diosmi llaquichigrin– nijpica, tucui israelcunami Acantapish, tucui paipaj cajcunatapish rumicunahuan shitarcacuna. Rumicunahuan shitashca q'uipaca rupachircacunami.

1 SAMUEL 2:17

Chai q'uipa huiñaicuna Mandaj Diosman cushcacunata yangata rurashcamantaca paicunapaj juchaca Mandaj Diospaj ñaupajpica yallitaj millaimi carca.

1 SAMUEL 2:34

Cambaj Ofni, Finees shuti churicuna ishquindijtaj chai punllallataj huañushpami, ñuca canman chashna nishca pajtashcata ricuchijca canga.