LEVÍTICO 21:13 - Dios Rimashca Shimicunami

¹³ Curaca paipaj huarmi cachunca pihuan manaraj chayarinacushca huarmita japichun.

LEVÍTICO 21:13 Iomraidhean Croise

EZEQUIEL 44:22

Shinallataj viudatapish, cusa shitashcatapish ama casarachun. Ashtahuanpish israelcunapaj aillupuramanta c'arihuan manaraj chayarinacushca huarmita cashpa, mana cashpaca cura huañujpi viuda saquirishca huarmita cashpa casarachun.

LEVÍTICO 21:12

Taita Diospajlla ch'icanchishca cashcata ricuchingapaj churana aceitehuan umapi churashca cashcamanta Taita Diospajlla ch'icanchishca ucumantaca ama llujshichun. Taita Diospajlla ch'icanchishca ucutapish ama yanganchichun. Ñucami Mandaj Dios cani.

LEVÍTICO 21:14

Viuda huarmita, cusa shitashca huarmita, millaita ruraj huarmita, huainayashcahuan causaj huarmitaca paipaj huarmi cachunca ama japichun. Ashtahuanpish paipaj huarmi cachunca pihuan manaraj chayarinacushca quiquinpura huarmita japichun.

LEVÍTICO 21:7

Shinallataj huainayashcahuan causaj huarmihuanpish, millaita ruraj huarmihuanpish, cusa shitashca huarmihuanpish ama cazarachun. Curaca Taita Diospajllata ruranapaj ch'icanchishca cashcamantami chashna cana can ninmi ningui.

2 Corintios 11:2

Cancuna shujtajpaj ama tucuchun ninaca, Diosmantami shamun. Cancunataca shujlla cusahuan cazarachingapajmi ari nishcata charini, paica Cristomi. C'arihuan manaraj chayarinacushca chuyatami, paipajman chayachina cani.

Apocalipsis 14:4

Chai cantajcunaca, huarmicunapi mana mapayashca chuyacunami. Paicunaca Oveja maita rishcata catijcunami. Paicunaca cai pachapi causajcunapaj chaupimanta randishpa quishpichishcacunami carca. Diospajpish, Ovejapajpish punta p'ucushca grano shinami.