LEVÍTICO 20:8 - Dios Rimashca Shimicunami

⁸ Ñuca chaitataj pajtachichun nishcacunata huaquichishpa chaitataj pajtachina yuyailla ruraichij. Mandaj Dios ñucami cancunataca ñucapajlla cachun ch'icanchij cani.

LEVÍTICO 20:8 Iomraidhean Croise

ÉXODO 31:13

“Israelcunataca canca cashna nishpa rimangui: Cancunapajpish cancunapaj huahua huahuacunapajpish ñucahuan cancunahuan ima shina cashcata ricuchij cashcamanta samana punllataca huaquichinatajmi canguichij. Ñucaca Mandaj Dios cancunataca ñucapajllata ruraj cachun ch'icanchij cashcata yachachunmi chashna huaquichina.

EZEQUIEL 20:12

Paicunataca ñuca Mandaj Diostaj ñucapajlla ch'icanchishcata ricuchij cachunmi, ñuca samana punllacunataca curcani. Chai punllaca ñucapajpish, paicunapajpish yuyarinami tucurca.

EZEQUIEL 37:28

Ñucapajlla huasita paicunapaj chaupipi huiñaipaj shayachishcata ricushpami, shujtaj llajtacunapi causajcunaca israelcunata ñucapajlla cachun agllashcataca yachangacuna. Chashna rurajpimi ñucataca, Mandaj Diostaj cashcataca yachangacuna ninmi ni” nircami.

LEVÍTICO 19:19

Ñuca mandashcacunata huaquichingui. Cambaj animaltaca mana chaipurallataj caj animalhuanca ama japichingui. Cambaj chagrapipish, shujtaj shujtaj muyuhuan chagruca ama tarpungui. Ch'ican ch'ican puchcacunahuan rurashca churanatapish ama churangui.

LEVÍTICO 19:37

Ñuca chaitataj pajtachichun nishcacunata, ñuca tucui mandashcacunata huaquichishpa chaitataj pajtachina yuyailla ruranguichij. Ñucami Mandaj Dios cani” nircami.

LEVÍTICO 20:26

Mandaj Dios ñucaca ima jucha illaj cashcamanta, cancunapish ima jucha illajlla canguichij. Ñucami cancunataca ñucapaj cachun shujtaj llajtacunamanta ch'icanchimurcani.

LEVÍTICO 21:8

Ñucaman tandata cujcuna cashcamanta paicunataca jucha illaj cana cashcatami yuyana cangui. Cancunataca ñucami jucha illajta rurarcani. Cancunata Mandaj Diosca jucha illajmi cani. Cancunata jucha illajta rurajca jucha illajmi cani. Chaimanta paicunapish cambajca ima jucha illajcunami cana can.

LEVÍTICO 22:32

Ñucapaj jucha illaj shutitaca ama yangata ruranguichij. Chashna cashpami, ñucataca israelcunapaj chaupipica ima jucha illajlla cashcata ricuchinguichij. Ñucami cancunata ima jucha illajta ruraj Mandaj Dios cani.

Mateo 12:50

Maijanpish jahua pachapi caj ñuca Yayapaj munaita rurajcunami ñuca huauqui, ñuca pani, ñuca mamaca– nircami.

Mateo 23:17

¡Yuyai illajcuna, mana ricujcuna! Curichu mana cashpaca, curita Diospajllata ruraj Diospaj huasichu ¿maijantaj ashtahuan yalli alli?

Mateo 5:19

Chaimanta maijanpish, cai mandashcacunapi uchilla cajta p'aquishpa, shujtajcunatapish chashna p'aquij canata yachachijca, jahua pachamanta mandacunpica, uchilla nishcami canga. Ashtahuanpish chaitataj pajtachishpa yachachijca, jahua pachamanta mandacunpica jatun nishcami canga.

Mateo 7:24

“Maijanpish cai ñuca yachachishcacunata uyashpa chaitataj rurajtaca, yacu rumi jahuapi huasichij alli yuyaiyuj runahuanmi ch'imbapuragrini.

Juan 13:17

Cai nishcacunata alli entendishpa chaitataj rurashpaca cushichishcami canguichij.

1 Corintios 1:30

Diosmi cancunataca, Cristo Jesushuan shujllata rurarca. Cristotamantami Diosca yachaj cachun, justificashca cachun, jucha illajta rurashca cachun, randishpa quishpichishca cachun churarca.

1 Tesalonicenses 5:23

Sumaj causaita cuj Taita Diosllataj cancunapaj espiritutapish, almatapish, cuerpotapish tucui mapa illajlla tucungacama chuyayachishpa ñucanchijta Mandaj Jesucristo shamunapajca, pi mana juchachipajta huaquichishca cachun.

2 Tesalonicenses 2:13

Mandaj Jesús c'uyashca huauquicuna, ñucanchijca cancunamantaca Taita Diostaca pagui nicunallamari canchij. Taita Diospaj Espíritu jucha illajta rurajpi mana llullashpa huillashcata crijpi quishpichingapajmi Taita Diosca manaraj cai pachata rurashpa cancunataca agllarca.

Santiago 1:22

Diospaj Shimi nishca shina rurajcuna caichij, ama uyajcunalla caichijchu. Chashna tucushpaca, cancunallatajmi umaringuichij.

Apocalipsis 22:14

Causaita cuj yuramanta japinata charingapaj, puebloman pungucunata yaicungapajpish churanacunata tajshajcunaca alli nishcacunami.