LEVÍTICO 20:23 - Dios Rimashca Shimicunami

²³ Cancunapaj ñaupajmanta ñuca llujshichishpa cachana llajtacuna rurashca shinaca ama ruranguichijchu. Paicunaca chashna millananacunata rurashcamantami ñucapajca millananacuna carca.

LEVÍTICO 20:23 Iomraidhean Croise

SALMOS 78:59

Taita Diosca chaita uyashpami yallitaj p'iñarirca. Israelcunahuanca yallitajmi p'iñarirca.

LEVÍTICO 18:2

“Israelcunaman cashna huillai: Ñucaca Mandaj Dios, cancunapaj Diosmi cani.

LEVÍTICO 18:24

Cai shina manapish ruranacunata rurashpaca ama mapayanguichijchu. Cancunapaj ñaupajmanta ñuca anchuchishpa shitana llajtacunaca tucui cai manapish ruranacunata rurashpa mapayajpimi,

LEVÍTICO 18:25

llajtapish yallitaj millai mapa tucurca. Paicuna millaita rurashcata ñuca ricugrijpica, chai llajtaca chai llajtapi causajcunataca shungu tigrarcami.

LEVÍTICO 18:27

Chai llajtaman cancuna manaraj chayajpimi, chai llajtapi causajcunaca chai shina millananacunata rurashpa causajpi, chai llajtaca mapayarca.

LEVÍTICO 18:3

Cancuna causacushca Egiptopi causajcuna rurashca shinaca ama ruranguichijchu. Ñuca cancunata cunan Canaán llajtaman pushacun llajtacuna ruraj cashca shinapish ama ruranguichijchu. Paicunapaj mandashcacunapi nishcacunatapish amataj ruranguichijchu.

LEVÍTICO 18:30

Cancunaca ñuca mandashcacunata huaquichinguichij. Cancuna manaraj chai llajtaman rijpi, chai llajtapi causajcuna paicunapaj millanana ruranacunata ruraj cashcataca amataj ruranguichijchu. Chai rurashcacunahuan ama mapayangapajmi mana rurana canguichij. Ñucami Mandaj Dios cancunapaj Dios cani” nircami.

ZACARÍAS 11:8

Chaimantaca quillallapimi quimsa michijcunata chingachircani. Paicunallatajmi ñucataca p'iñachircacuna. Chaimantami paicunahuanpish yallitaj p'iñarircani.

DEUTERONOMIO 9:5

Cancuna cashcata ruraj cashcamanta, ima pandata mana yuyajcuna cashcamantaca chaicunapaj llajtataca cancunapaj cachun japinamanca mana yaicunguichijchu. Ashtahuanpish Mandaj Diosca chai llajtapi causajcunataca Diosta mana rijsij millaicuna cajpimi cancunapaj ñaupajmanta llujshichinga. Mandaj Diosca cancunapaj ñaupa yaya Abrahamman, Isaacman, Jacobman chashna rurashami nishcata pajtachingapajmi chashna ruranga.