LEVÍTICO 20:22 - Dios Rimashca Shimicunami

²² Ñuca tucui chaitataj pajtachichun nishcacunata, ñuca tucui mandashcacunataca, chaitataj rurana yuyailla ruraichij. Cancuna chashna rurajpica, cancuna causachun ñuca churashca llajtaca cancunataca mana shungu tigrangachu.

LEVÍTICO 20:22 Iomraidhean Croise

SALMOS 105:45

Pai chaitataj pajtachichun nishcacunata huaquichichun, pai mandashcacunata pajtachichunmari chai llajtapi churarca. ¡Paillata alabashunchigari!

SALMOS 119:106

Cashcata rurachun quiquin mandashcacunataca pajtachishatajmi nircanimi, chaitaca rurashatajmi.

SALMOS 119:145

Mandaj Dioslla, ñuca tucui shunguhuanmari quiquinta mañapani. Ñucata uyahuayari. Quiquin chaitataj pajtachichun nishcacunatamari pajtachisha nini.

SALMOS 119:160

Quiquinpaj tucui shimicunaca ima mana pandachu tucuimi alli. Cashcata ruranata yachachij quiquin mandashcacunaca huiñaipajmi.

SALMOS 119:164

Punllanta canchis cutinmi quiquintaca alabani. Cashcata ruraj mandashcacunata cushcamantami chashna alabani.

SALMOS 119:171

Quiquin chaitataj pajtachichun nishcacunata ñucaman yachachijpimi, ñuca shimihuanca quiquinta alabasha.

SALMOS 119:175

Quiquinta alabangapajmi ñucaca causacuni. Quiquinpaj mandashcacuna ñucataca ayudashca cachun.

SALMOS 119:20

Ñuca almaca quiquin imallata mandashcacunata punllanta yachanaihuan huañucunmari.

SALMOS 119:80

Ñuca ama pingachishca cangapajca, quiquin chaitataj pajtachichun nishcacunapi ñuca shunguca imata mana pandaj cashca cachun.

ÉXODO 21:1

Israelcunaman cai mandashcacunata huillai:

EZEQUIEL 36:27

Chashna rurashpa ñuca Espirituta shungupi churajpimi, cancunaca ñuca quillcachishcapi nishca shina causanguichij, ñuca imalla rurai nishcatapish pajtachinguichijmi.

LEVÍTICO 19:37

Ñuca chaitataj pajtachichun nishcacunata, ñuca tucui mandashcacunata huaquichishpa chaitataj pajtachina yuyailla ruranguichij. Ñucami Mandaj Dios cani” nircami.

LEVÍTICO 26:33

Cancunataca shujtaj llajtacunamanmi urajta janajta cachasha. Espadata llujshichishpa catirashpa llaquichishpami chashna rurasha. Cancunapaj llajtapish chushajllami saquiringa. Cancunapaj pueblocunapish shitashca pambacunami saquiringa.

DEUTERONOMIO 4:45

Egiptomanta israelcuna ña llujshimujpi ima shina causanata, chaitataj pajtachichun nishcacunata, pajtachinguitaj nishcacunata Moisés paicunaman yachachishcaca tucui caicunami.

DEUTERONOMIO 5:1

Moisesca tucui israelcunata cayashpaca: “Uyaichij Israelcuna, cunan ñuca chaitataj pajtachichun nishcacunata, pajtachinguitaj nishcacunata cancuna uyajta yachachishcataca alli alli yachashpa pajtachina yuyailla tucushpa pajtachichij.