LEVÍTICO 20:2 - Dios Rimashca Shimicunami

² “Israelcunamanca cashna nishpa huillangui: Israelcuna cashpa, israelcunapurapi causaj mana israelcuna cashpa maijanpish Moloc nishca diosman maijan paicunapaj churita cujca huañungatajmi. Paitaca quiquin llajtacunami rumicunahuan shitashpa huañuchingacuna.

LEVÍTICO 20:2 Iomraidhean Croise

1 REYES 11:7

Chashna cashpami Salomonca Jerusalén ch'imbapurapi caj urcupi millanana manapish dios caj Moabitacunapaj Quemos nishca diospaj shuj altarta rurarca. Millanana manapish dios caj amonitacunapaj Moloc nishca diospajpish shuj altartami rurarca.

2 REYES 17:17

paicunapaj churicunatapish, ushushicunatapish chai dioscunaman cushpa rupachircacuna. Adivinocunapish, brujocunapish tucushpami, Mandaj Diospaj ñaupajpi millaita ruranapaj curishpa paita p'iñachircacuna.

2 REYES 23:10

Josiasca, Hinompaj churipaj pugru pambapi tiyaj Tofet altartapishmi yangata rurarca. Pi ama paicunapaj churita cashpa ushushita cashpa Moloc Diosman cushpa ña ama rupachichunmi chashna rurarca.

2 CRÓNICAS 28:3

Chai rurashcalla dioscunaman cushpami, Hinompaj churicunapaj pambapi inciensota rupachij carca. Israelcunata cai llajtapi churangapaj Mandaj Dios cai llajtamanta anchuchishca gentecuna millanana ruranacunata ruraj cashca shina rurashpami paicunapaj churita rurashcalla diosman cushpa rupachircacuna.

2 CRÓNICAS 33:6

Manasesca, rurashcalla dioscunaman paipaj churicunata cushpami, Hinompaj churipaj pugru pambapi rupachirca. Imalla punllacunapi imalla tucunata yachajpish, adivinajpish, adivinocunata tapujcunapish, muspachij yumbucunata tapujpishmi carca. Mandaj Diospaj ñaupajpi chashna jatun millaita rurashpami, Diostaca yallitaj p'iñachirca.

SALMOS 106:38

Canaán llajtapi causajcunapaj manapish dioscunaman paicunapaj churicunata, ushushicunata cushpami imamanta mana huañuipajcunapaj yahuarta jicharcacuna. Chai yahuarhuanmi chai llajtaca mapayarca.

JEREMÍAS 32:35

Hinompaj churipaj pugru pambapipish Baalpaj altarcunata rurashpamari, tucui Judapi causajcunata juchata rurachircacuna. Chaicunapimi paicunapaj churicunata, ushushicunata Molocman cushpa rupachincuna. Chaita rurachunca, shuj shimillatapish mana mandashcanichu. Chashna millaita paicuna ruranataca mana yuyashcanillapishchu” ninmi.

JEREMÍAS 7:31

Hinompaj churipaj pugru pambapi caj Tofet huaicucunapipish altarcunata rurashpami, paicunapaj churicunata, ushushicunata rupachincuna. Chaitaca manamari mandarcanichu. Chaita rurachun ninataca, mana yuyashcanillapishchu.

EZEQUIEL 20:26

Mandaj Diostaj cashcata ricuchingapajmi, paicunapaj punta churicunata rurashcalla dioscunaman cushpa rupachishcamantaca, ñucaman imalla cuna cashcataca mapayachircani. Paicunata llaquichingapajmi chashna rurarcani.

EZEQUIEL 20:31

Cancunaca imallata cuna cashcatapish cushpa, cancunapaj churicunatapish rurashcalla dioscunaman cushpa rupachishpami, yallitaj mapayashcanguichij. Israelcunalla, cancuna chashna mana allita ruracujpica ¿maitataj ñucaca imata cutichishari? Ñucaca causacunimi, manataj imata cutichishachu ninmi Mandaj Jatun Diosca ningui.

EZEQUIEL 23:37

Paicunaca huainayajcunami, paicunapaj maquicunapish yahuarllami. Shinallataj rurashcalla dioscunahuanpishmi huainayarcacuna. Paicuna huachashca ñuca huahuacunatapish ninapimari tucui rupachircacuna.

EZEQUIEL 23:39

Shinallataj paicunapaj huahuacunata rurashcalla dioscunaman cushpa rupachishca punllallatajmi, ñucapajlla huasiman mapayachingapaj yaicurcacuna. Chashna rurashpamari, ñucapajlla huasitaca mapayachircacuna.

LEVÍTICO 17:13

Maijan israelcuna cashpa, paicunapurapi causaj mana israelcuna cashpapish micuna animalta cashpa, alasyuj micuna animalta cashpapish shitana caspihuan huañuchishpaca yahuartaca allpahuan tapachichun.

LEVÍTICO 17:15

Israelcuna cashpa, mana israelcuna cashpapish, huañushca animal aichata, mana cashpaca sacha animal huañuchishca animalpaj aichata micushpaca paipaj churanacunata tajshashpa paipish armachun. Paica tutayangacama mapami saquiringa. Chai q'uipami, mapa illajlla saquiringa.

LEVÍTICO 17:8

Israelcunamanca cashnapish ningui: Maijan israelcuna cashpa mana cashpaca cancunapurapi causaj mana israelcuna cashpa, Mandaj Diosman tucuita cushpa tucui rupachinata cucushpa mana cashpaca Mandaj Diosman cushpa rupachinata cucushpa,

LEVÍTICO 18:21

Cambaj churitaca Moloc nishca rurashcalla diosman cushpa ama rupachinguichu. Chashna rurashpaca, cambaj Taita Diospaj shutitami yanganchingui. Ñucami Mandaj Dios cani.

LEVÍTICO 20:1

Mandaj Diosca Moisesta mandashpaca:

LEVÍTICO 20:27

C'ari cashpapish, huarmi cashpapish huañushcacunapaj espirituhuan rimajcuna, mana cashpaca adivino tucujcunaca rumicunahuan shitashcami huañungacuna. Paicunapaj yahuarca paicunapaj jahuallatajmi canga” nircami.

LEVÍTICO 24:14

“Diosta c'amij runataca carpa huasicunamanta canllaman llujshichi. Chai runa c'amishcata maijanlla uyajcuna, chai runapaj uma jahuapi maquicunata churaichij. Tucui tandanacushcacuna rumicunahuan shitaichij.

LEVÍTICO 24:16

Maijanpish Mandaj Diospaj shutita p'iñashpa c'amijca huañungatajmi. Tucui tandanacushca israelcunami rumicunahuan shitangacuna. Mana israelcuna cashpapish, israelcuna cashpapish Mandaj Diospaj shutita p'iñashpa c'amishpaca huañungatajmi.

LEVÍTICO 24:23

Chashna mandashcata Moisés tucui israelcunaman huillajpimi, israelcunaca Diosta c'amij runataca carpa huasicunamanta caruman llujshichishpa rumicunahuan shitarcacuna. Mandaj Dios Moisesta ima shinalla mandashca shinallatajmi israelcunaca rurarcacuna.

Hechos 7:43

Chaipaj randica, Moloc diostami pai tiyana huasindij aparishpa purircanguichij. Shinallataj Refán nishca diospaj luzerotapish rurashpami apashpa purircanguichij. Chaicunata adorangapajmi diostajllacunata rurarcanguichij. Chaimantami Babiloniata pasashpa causachun cachasha” nircami.

DEUTERONOMIO 12:31

Chai llajtapi causajcuna ruraj cashca shinaca Mandaj Dios cancunapaj Taita Diospajca ama ruranguichijchu. Paicunaca paicunapaj dioscunapajca Mandaj Diospaj ricuipica millanana p'iñananatami rurancuna. Paicunapaj churicunata, ushushicunatami paicunapaj dioscunata alli nishpa cushpa ninapi rupachincuna.

DEUTERONOMIO 17:2

Mandaj Dios cancunapaj Taita Dios cancunaman cushca maijan pueblocunapi maijan c'ari cashpa, huarmi cashpa Mandaj Dioshuan ari ninacushcata p'aquishpa Mandaj Dios cancunapaj Taita Diospaj ñaupajpi millaita rurashpa,

DEUTERONOMIO 18:10

Cancunapuramanta maijanpish rurashcalla dioscunaman paipaj churita cashpa, ushushita cashpa cushpa rupachijca ama tiyachun. Shinallataj adivinaj canata, brujo canata, yumbu canata, muspachij canata yachashpa rurajcunaca ama tiyachun.

DEUTERONOMIO 21:21

Chaipica chai pueblopi causaj tucui c'aricuna rumicunahuan shitashpa huañuchinguichij. Chashnami cancunapuramanta millaitaca tucui anchuchinguichij. Tucui israelcunami chaita uyashpaca manchangacuna.

DEUTERONOMIO 22:21

paipaj yayapaj huasi punguman llujshichishpa, chai pueblopi causaj c'aricuna huañungacama rumicunahuan shitachuncuna. Chai huarmica paipaj yayapaj huasipi huainayashpa israelcunapurapi millaita rurashcamantami chashna rurana canguichij. Chashnami cancunapuramantaca chai millaitaca anchuchinguichij.