LEVÍTICO 20:16 - Dios Rimashca Shimicunami

¹⁶ Maijan huarmipish animal paipi chayarichun chai animalpajman c'uchuyajpica, chai huarmitapish chai animaltapish ama llaquishpalla huañuchichun. Paicunapaj yahuarca paicunapaj jahuallatajmi.

LEVÍTICO 20:16 Iomraidhean Croise

ÉXODO 19:13

Maijan runa cashpa, animal cashpa urcuman huichiyajpica ama maquihuan huañuchichuncuna. Ashtahuanpish rumicunahuan shitashpa, mana cashpaca puntajlla caspita shitashpalla huañuchichuncuna. Urcuman c'uchuyajtaca runa cachunpish, animal cachunpish huañuchishcataj cachun. Cai urcumanca cornetacunapi sinchita tocashca uyarijllapi huichiyachuncuna– nircami.

ÉXODO 21:28

C'arita cashpa, huarmita cashpa shuj huagra sagmajpi huañungachari. Chai huagrataca rumihuan shitashpa huañuchishpa, aichataca ama micuchun. Ashtahuanpish huagrayujca juchachina illajllami canga.

ÉXODO 21:32

Shujtajpajta ruraj c'arita cashpa, huarmita cashpapish huagra sagmashpa huañuchijpica chai huagrataca rumicunahuan shitashpa huañuchichun. Huagrayujca shujtajpajta rurajmantaca quimsa chunga siclo cullquita pagachun.

ÉXODO 22:19

Animalhuan maijanpish chayarijtaca huañuchinatajmi can.

LEVÍTICO 18:23

Animalhuanca ama chayarinacunguichu. Paihuanca ama mapayanguichu. Shinallataj huarmipish animal paipi chayarichun animalpaj ñaupajpi ama ricuchichun. Manapish rurana cashcata ruraj millaimi canga.

LEVÍTICO 20:15

Maijanpish animalhuan chayarijtaca huañuchichun. Chai animaltapish huañuchichun.

LEVÍTICO 20:17

Maijanpish yayamanta cashpa, mamamanta cashpa paipaj panita llatanashpa ricujca, chai panipish paipajta ricujca millananatami ruran. Chaimanta paicunataca tucui israelcuna ricucunpi huañuchichun. Paipaj panita llatanashpa ricushca juchamantaca paillatajmi llaquita apanga.

Hebreos 12:20

Ima animal cashpapish, chai urcuman chayajpica, rumihuan cashpa, lanzahuan cashpa huañuchishcami canga nishpa mandashcata mana uyai tucushpami chashna rogarircacuna.