LEVÍTICO 2:13 - Dios Rimashca Shimicunami

¹³ Tucui imata Diosman cushpaca cachihuan allichishpataj cunguichij. Taita Diosman imata cucushpaca, cambaj Taita Dios cancunahuan ari ninacushcata ricuchij cachitaca amataj illachinguichijchu. Taita Diosman imata cucushpaca cachihuantaj cunguichij.

LEVÍTICO 2:13 Iomraidhean Croise

2 CRÓNICAS 13:5

Mandaj Taita Diosca Davidmanpish, paipaj huahua huahuacunamanpishmi israelcunata mandanataca mana shujtajyachipajta ari ninacushca carca. Chaitaca tucui cancunallataj allimi yachanguichij.

ESDRAS 7:22

Cullquitapish patsaj talentocama, trigotapish patsaj corocama, vinotapish patsaj batocama, aceitetapish patsaj batocama, cachitacarin mashnata mañajpipish cunguichijlla.

ÉXODO 30:35

chaicunata alli chapushpa mishquijllata ashnacuj inciensota ruranata yachajcunata yalli mishquijllaman ashnacujta rurangui. Chaica ñucapajlla ch'icanchishcami canga.

EZEQUIEL 43:24

Chaicunataca Mandaj Dios ñucamanmi cuna cangui. Curacunami chai aicha jahuapi cachita churashpa, ñucaman cushpa tucuita rupachingacuna.

NÚMEROS 18:19

Israelcuna Mandaj Diospaj ch'icanchishpa paiman cushcacunataca tucui imatapish canman, cambaj churicunaman, cambaj ushushicunamanmi cuni. Chaicunataca cambaj huahua huahuacunapish chai shinallataj japicuchunlla mandashcami. Chaica Mandaj Diospaj ñaupajpica cambajpish, cambaj huahua huahuacunapajpish huiñaipaj Dioshuan ari nishcata ricuchij cachi shinami canga” nircami.

Mateo 5:13

Cancunaca, cai pachapaj cachimi canguichij. Cachica mishquiyachinata chingachishpaca, imapaj mana allichu. Canllaman shitajpi runacuna sarushca canapajllami.

Colosenses 4:6

Cancunapaj rimaicunaca cachihuan mishquichishca shina uyananqui cachun. Chashna cashpami pimanpish jahualla imata cutichina cashcataca yachanguichij.