LEVÍTICO 2:10 - Dios Rimashca Shimicunami

¹⁰ Mandaj Diosman cushcacunaca Diospajlla ch'icanchishcami. Chaimanta Mandaj Diosman cushpa rupachicujpi puchushcacunaca Aronpaj, paipaj churicunapajmi canga.

LEVÍTICO 2:10 Iomraidhean Croise

2 CRÓNICAS 31:14

Diospaj huasipica, inti llujshin lado pungupica, Imna shuti levitapaj churi Coremi cuidaj carca. Paimi quiquin munaihuan Diosman cushcacunata huaquichij carca. Shinallataj Mandaj Diospajlla ch'icanchishpa imata rurangapajpish, paimi chai huaquichishcacunata llujshichishpa raquij carca.

ESDRAS 2:63

Chashna anchuchishpapish Judá llajtata mandajca: “Diosman cushca micunataca Urim nishcahuan, Tumim nishcahuan Diosta shuj cura tapushpa imatapish ningacama, ama micunguichijchu” nircami.

EZEQUIEL 44:29

Chai curacunami ñucamanca imalla cuna cashcata cushcacunatapish, juchamanta animalta cushcatapish, ñucaman animalta cushpa huañuchishcatapish micungacuna. Tucui israelcuna imatapish ñucapajlla cachun cushcacunapish chai curacunapajmi canga.

EZEQUIEL 46:20

Chaimantaca ñucataca cashnami nirca: “Cai jatun ucupimi curacunaca, juchamanta Diosman imalla cuna cashcata cushcacunatapish, ima mapa illaj saquiringapaj cushcacunatapish yanungacuna. Imalla cuna cashcata cushcacunataca, ama huasi canllapi yanungapajmi chai ucupi yanungacuna. Canllaman yanushpaca, tucuicunatamari ñucapajlla ch'icanyachingacuna” nircami.

LEVÍTICO 10:12

Moisesca Aarontapish, Aaronpaj saquirishca Eleazar, Itamar shuti churicunatapish cashnami nirca: –Mandaj Diosman cuna cashcata cushpa rupachijpi saquirishcacunataca cancuna japichij. Chaicunaca Diospajlla ch'icanchishca cashcamanta, levadura illajllata altar c'uchullapi micuichij.

LEVÍTICO 14:13

Chai ovejataca juchamanta cushca animaltapish, tucuita cushpa tucui rupachingapaj cushca animaltapish huañuchinallapitaj Diospajlla ch'icanchishcapi huañuchichun. Juchamanta cushca animalpish, manapish rurasha nishcata rurashcamanta cushca animalpish Diospajlla ch'icanchishca cashcamanta chai cura japinapajmi.

LEVÍTICO 2:3

Mandaj Diosman cushpa rupachishcacunaca Mandaj Diospajlla ch'icanchishcami. Chaimanta puchushcacunaca Aronpaj, paipaj churicunapajmi canga.

LEVÍTICO 21:22

Chashna cashpapish Diospajlla ch'icanchishpa Diosman cushca tandata, ima shujtajcunatapish Diosman cushcacunataca micuchunlla.

LEVÍTICO 5:13

Maijan chai shina juchacunata rurashcamantaca chai juchacunamantaca cura Mandaj Diosman cuchun. Chashna rurajpimi paica perdonashca canga. Tucui saquirishca cutaca Diosman cushca grano shinallataj curapajmi” nircami.

LEVÍTICO 6:16

Saquirishca cutataca Aaronmi, paipaj churicunandij micunga. Chaitaca Mandaj Dioshuan tupana carpa huasi ñaupajpi, Diospajlla ch'icanchishcapi levadura illajllata micuchuncuna.

LEVÍTICO 6:23

Curamanta Mandaj Diosman cushcataca tucuita rupachina cashcamanta ama micuchun” nircami.

LEVÍTICO 6:9

“Aarontapish, paipaj churicunatapish cashna mandai: Diosman tucuita cushpa tucui rupachinacuna ima shinalla ruranata yachachinaca cashnami: Diosman tucuita cushpa tucui rupachinataca, altar jahuapi nina rupacunpi chishimantaca pacaringacama tucui tuta rupashpa tucui rupachun churachun.

LEVÍTICO 7:7

Ama rurangui nishcata rurashpa juchallishcamanta cushcapish, rurangui nishcata mana rurashpa juchallishcamanta cushcapish chai shinallatajmi. Chaimanta ima shina cunapajca ishquindijpajtaj chai shinallataj mandashcami. Chai aichaca juchamanta Diosman cushpa rupachij cura japinapajmi canga.

NÚMEROS 18:9

Diospajlla ch'icanchishpa cushcacunata Diosman cushpa rupachijpi saquirishcacunataca: Diosman cushca granocunapish, juchamanta cushcacunapish, rurangui nishcata mana rurashpa juchallishcamanta cushcacunapish ñucapajlla ch'icanchishcami. Chaicunataca canmanpish, cambaj churicunamanpishmi cuni.

1 SAMUEL 2:28

Ñucaca tucui Israel aillucunapurapica cambaj aillupi cajcuna ñucapajllata ruraj cura cachunmi agllarcani. Ñuca altar jahuapi ñucaman cushcata rupachichun, inciensota rupachichun, ñuca ñaupajpi efodta churashca cachunpishmi agllarcani. Tucui israelcuna cushcacunataca cambaj aillupaj cachunmi curcani.