LEVÍTICO 2:1 - Dios Rimashca Shimicunami

¹ Mandaj Diosman granota cungapaj maijan apamushpaca, tucuimanta yalli alli cutata apamuchun. Chai jahuapica aceiteta inciensota churashpa apamuchun.

LEVÍTICO 2:1 Iomraidhean Croise

ÉXODO 29:2

levadura illajlla tandata, aceitehuan rurashca levadura illajlla tortillata, ñañu jatun tortillatapish levadura illajllata rurashpa aceitehuan jahuata llihuingui. Chaicunataca tucuimanta yalli alli trigo cutahuan rurangui.

ISAÍAS 43:23

Tucuita cushpa rupachina animalcunatapish ñucaman cungapaj mana apamurcanguichijchu. Animalcunata cushpa rurachishpa adoranatapish mana adorarcanguichijchu. Ñucaman cuna cashcacunahuanpish ñucapajta rurachun mana mañarcanichu. Inciensota cuchun nishpapish mana shaicuchircanichu.

ISAÍAS 66:20

Cancunapaj tucui huauquicunatapish ch'ican ch'ican llajtacunamantami Mandaj Diosman cuna cashcata apamuj shina caballocunapi, carrocunapi, toldoyuj carrocunapi, mulacunapi, camellocunapi Jerusalenpi caj ñucapajlla caj urcuman apamungacuna. Israelcuna ñucaman cuna cashcata, ima mapa illajllapi ñuca huasiman apamushpa cuj shinami, ñuca ñaupajpi churangacuna ninmi Mandaj Diosca.

EZEQUIEL 46:20

Chaimantaca ñucataca cashnami nirca: “Cai jatun ucupimi curacunaca, juchamanta Diosman imalla cuna cashcata cushcacunatapish, ima mapa illaj saquiringapaj cushcacunatapish yanungacuna. Imalla cuna cashcata cushcacunataca, ama huasi canllapi yanungapajmi chai ucupi yanungacuna. Canllaman yanushpaca, tucuicunatamari ñucapajlla ch'icanyachingacuna” nircami.

JOEL 1:9

Mandaj Diospaj huasimanca Diosman imalla cuna cashcatapish, tallina vinotapish ña mana apamuncunachu. Chaimantami Mandaj Diospajta ruraj curacunaca, llaquirishpa huacacuncuna.

JOEL 2:14

Cancunata llaquishcamanta mana llaquichishpa, ashtahuanpish achca allicunata cuna cashcatapish ¿pitaj yachanguichigari? Taita Dios allicunata cushcamanta, paillamantaj imalla cuna cashcatapish, tallina vinotapish cunami canguichij.

LEVÍTICO 14:10

Ña pusaj punlla tucujpica ima mana tucushca ishqui malta ovejata, shuj huatayuj ima mana tucushca huarmi ovejatapish apamuchun. Shinallataj Diosman cuna cashcataca sujta kilo chaupi ashtahuan alli cutata aceitehuan chapushcata, shuj log nishca aceitetapish apamuchun.

LEVÍTICO 24:7

Chai fila tandacunapica cada filapi ashtahuan alli inciensota churachun. Chai tandacunaca Mandaj Diosman cushpa tucui rupachishca shinallataj paipajca mishquijllata ashnacujmi canga.

LEVÍTICO 5:11

Chai juchallij ishqui urpipaj mana cashpaca, ishqui palomapaj mana pajtata charishpaca chai juchallijca alli cutata shuj efata chungapi chaupishca shuj mirgata apamuchun. Juchamanta Diosman cuna cashcamanta chai cutapica aceitetapish, inciensotapish ama churashpa apamuchun.

LEVÍTICO 6:7

Chai runapaj juchamantaca Mandaj Diosman cura cuchun. Chashna rurajpimi tucui imallapi juchallishpa amañaricushca juchacunataca perdonanga.

LEVÍTICO 9:17

Tutamantaman Mandaj Diosman tucuita cushpa tucui rupachishca jahuami, Mandaj Diosman cuna chaquishca granota cushpa chaitaca lutsajta japishpa altar jahuapi rupachirca.

LEVÍTICO 9:4

Shinallataj sumaj causaimanta Diosman cungapajca shuj huagrata, shuj carnerota apamushpa chaicunataca Mandaj Diospaj ñaupajpi huañuchichij. Aceitehuan chapushcata cunatapish apamuichij. Mandaj Dios cancunaman cunan ricurina cashcamantami chashna rurana canguichij ninmi” nircami.

MALAQUÍAS 1:11

Ñucaca inti llujshinpi tiyaj llajtacunamantaca, inti huashicunpi tiyaj llajtacunapi causajcunacama rijsishcami cani. Chaimantami tucuipi ñucamanca inciensotapish, imalla cuna cashcatapish mapa illajllata cuncuna. Chaimanta ñucaca tucui llajtacunapi rijsishcami cani. Tucuita Mandaj Diostajmi chashna nini.

NÚMEROS 18:9

Diospajlla ch'icanchishpa cushcacunata Diosman cushpa rupachijpi saquirishcacunataca: Diosman cushca granocunapish, juchamanta cushcacunapish, rurangui nishcata mana rurashpa juchallishcamanta cushcacunapish ñucapajlla ch'icanchishcami. Chaicunataca canmanpish, cambaj churicunamanpishmi cuni.

NÚMEROS 28:5

Chaquishca granotaca shuj efata chungapi chaupishca shuj parte ashtahuan alli cutata, olivasta tacashca shuj hin aceiteta chuscupi chaupishca shuj parte aceitehuan chapushcahuan cuchun.

NÚMEROS 29:18

Chai animalcunahuan cuna cutata, tallina vinotaca, cada bizihuan, cada carnerohuan, shuj huatayuj cada c'ari ovejahuanpish ima shina cunata mandashcapi nishca shinallataj cunguichij.

NÚMEROS 7:13

Paica caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunaca Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpitajmi tucuimanta yalli alli cutata aceitehuan chapushca jundahuan curca.

NÚMEROS 7:19

Paipish caicunatami curca: 130 siclota pezaj shuj cullqui platota, canchis chunga siclota pezaj shuj cullqui jarrotami curca. Chaicunapish Diospaj carpa huasipi cullquita pezanapi pezashcami carca. Chaquishca granota Diosman cunataca chai ishquindijpipish tucuimanta yalli alli cutata aceitehuan chapushca jundallahuantajmi curca.

NÚMEROS 8:8

Chai q'uipaca shuj huagrata apamuchun. Chaihuan cunapajpish, tucuimanta yalli alli cutata aceitehuan chapushcata apamuchun. Juchamanta cungapajca canpish shuj huagrata japishpa cungui.

Juan 6:35

Chaimi Jesusca: –Causaita cuj tandaca ñucami cani. Pipish ñucapajman shamushpa crijca manataj yaricachingachu, manataj yacunachingachu.

1 Juan 2:20

Cancunaca Jucha Illaj Cristomantami Espirituta charinguichij. Chaimantami tucui imatapish yachanguichij.

1 Juan 2:27

Ashtahuanpish Jesucristomanta chasquishca Espirituca cancunapimi causacun. Chaimanta pi shujtaj yachachijtaca mana minishtinguichijchu. Cancunapi caj Espiritullatajmi, tucui imatapish yachachin. Paica cashcatataj, mana llullashpami yachachin. Pai yachachishca shina Jesucristohuan shuj shinalla catichij.

Judas 1:20

C'uyashcacuna, Jucha Illaj Espíritu yuyaita cushca shina Diosta mañashpa, cancuna Jesusta crishcapi sinchita catichij.

Apocalipsis 8:3

Chai q'uipaca shujtaj angelmi altar ñaupajpi shayarirca. Paica inciensota rupachingapaj curimanta rurashcata apashcami carca. Chai altar jahuapi inciensota rupachishpa Diospajlla tucui cajcuna mañashcacunahuan mirarichunmi, achca inciensota paimanca curca. Chai altarca jatun tiyarina ñaupajpimi carca.