LEVÍTICO 19:4 - Dios Rimashca Shimicunami

⁴ Cancunaca rurashcalla dioscunata ñataj cutin yuyaricunguichijman. Cancunapaj dios cachun nishpapish ñataj imatapish yacuyachishpa dioscunata ruranguichijman. Ñucami Mandaj Dios cancunapaj Taita Dios cani.

LEVÍTICO 19:4 Iomraidhean Croise

1 REYES 14:9

Ashtahuanpish canca cambaj ñaupa tiyaj mandajcunata yalli millaita rurashpami, ñucamanta anchurishpa shujtajcunapaj dioscunata rurashcangui. Canca curimantami, shujtajcunapaj dioscunatajllata rurashcangui. Chashna rurashpami ñucata p'iñachishpa ñucamanca cambaj huashata ricuchishcangui.

1 CRÓNICAS 16:26

Tucui pueblocunapaj dioscunaca, mana diostajchu. Ashtahuanpish Mandaj Diosca, jahua pachatapish ruraj Diosmari.

2 CRÓNICAS 28:2

Ashtahuanpish Israel llajtata jatun mandajcuna millaita rurashcallatatajmi rurarca. Shinallataj fierrota yacuyachishpami, Baal dioscunaman rijchajcunata rurachirca.

SALMOS 96:5

Tucui shujtajcunapaj dioscunaca, maquihuan rurashca dioscunallamari. Ashtahuanpish Mandaj Diosca jahua pachata ruraj Diosmari.

ÉXODO 20:23

Cancunaca ñucapaj randi adorangapaj curimanta, cullquimanta dioscunataca ama ruranguichij.

ÉXODO 32:4

Chaicunata paicunapaj maquimanta chasquishpa yacuyachishpa shuj curi bizita rurajpimi paicunaca: –Israelcuna, cancunapaj dioscunaca caicunamari. Paicunami cancunataca Egiptomanta llujshichimurca– nircacuna.

ÉXODO 34:17

Imatapish yacuyachishpa dioscunata ñataj ruranguichijman.

LEVÍTICO 11:44

Ñucaca Mandaj cancunapaj Diosmi cani. Chaimanta cancunapish tucui mapamanta anchurishpa, ñuca jucha illaj caj shinallataj cancunapish, ima jucha illajlla canguichij. Cancunaca huijsahuan llucashpa purij animalcunahuanca ama mapayachinguichijchu.

LEVÍTICO 19:25

Ña pichca huata tucujpi chai yurapi p'ucushcacunataca micunguichij. Chai yuracunapi ashtahuan ñuca p'ucuchichunmi chashna micuna canguichij. Ñucami Mandaj Dios cancunapaj Taita Dios cani.

LEVÍTICO 19:5

Sumaj causaimanta animalta huañuchishpa Mandaj Diosman cushpaca, pai munashca shina chasquinallata cunguichij.

LEVÍTICO 26:1

“Cancunaca dios nishcacunatapish, tacashpa rurashca dios nishcacunatapish ama ruranguichijchu. Rumi diostapish mana shayachinachu canguichij. Cancunapaj llajtapica pintashca rumicunata ñataj churanguichijman. Chaicunapaj ñaupajpi ñataj cunguringuichijman. Ñucami Mandaj Dios cancunapaj Taita Dios cani.

HAGEO 2:18

“Cancunaca cunanmantaca alli yuyarichigari. Diospaj huasitaca iscun quillapaj ishqui chunga chuscu punllapimi, rumicunata churashpa callaricunguichij. Cunan punllamanta cancunapaj shungupi alli yuyarichigari.

1 Corintios 10:14

Chaimanta ñuca c'uyashcacuna, rurashcalla diosta adorajcunamanta caruyaichij.

DEUTERONOMIO 27:15

Maijanpish caspita diostajllata rurajcunapish, imata yacuyachishpa diostajllata rurajcunapish, imatapish ruranata yachajcuna maquihuan rurashca Diostajllacunata pacashpa charijcunaca Mandaj Dios millananatami rurangacuna. Chaicunaca llaqui tucushca cachun nijpica tucuicuna: Chashnataj cashca cachun ninguichij.

DEUTERONOMIO 4:16

Ñataj cancunaca labrashpa rurashca imaman rijchajtapish, shujtaj imaman rijchajtapish c'ariman, huarmiman rijchajcunatapish rurashpa pandaringuichijman.

DEUTERONOMIO 7:25

Paicunapaj dioscunatapish ninahuan rupachinguichij. Chai dioscunapaj jahuata churashca cullquitapish, curitapish ama munanguichijchu, cancunapaj cachun ama japinguichijchu. Mandaj Dios cancunapaj Taita Diospajca chaicunaca millananami. Chaicunaca cancunapaj ñitcanami canga.

1 Juan 5:21

Huahuacuna, rurashcalla dioscunataca amataj adoranguichijchu. Chashna cachun.