LEVÍTICO 19:34 - Dios Rimashca Shimicunami

³⁴ Cancunapurata ima shinami c'uyanguichij, chashnallataj paicunatapish c'uyanguichij. Cancunapish Egipto llajtapi cashpaca caru llajtamanta cajcunallatajmi carcanguichij. Ñucami Mandaj Dios cancunapaj Taita Dios cani.

LEVÍTICO 19:34 Iomraidhean Croise

SALMOS 146:9

Mandaj Diosca caru llajtamanta cajcunata huaquichijmi. Yaya mama illajcunamanpish, viudacunamanpish ima illashcata cujmi. Millaicunapaj ñanta chingachijmi.

ÉXODO 22:21

Shujtaj llajtamanta cajcunatapish ama umanguichijchu, ama llaquichinguichijchu. Cancunapish Egipto llajtapi cashpaca, caru llajtamanta cajcunallatajmi carcanguichij.

EZEQUIEL 47:22

Shinallataj cancunapajpish, cancunapaj llajtapi causacuj caru llajta runacunapajpish, cai llajtapi huacharishca cancunapaj huahuacunapajpish suerteta rurashpa cai allpataca chaupinguichijlla. Chai huahuacunataca, Israel llajtapi huacharishcamantaca cancunapura cashcallatataj yuyanguichij. Israel aillucuna shinallataj allpata charichun, suerteta rurashpa paicunamanpish chaupishpa cunguichij.

LEVÍTICO 19:18

Cambaj llajtapi causajcunata canpish ama tigra llaquichinguichu, ama chai yuyailla puringuichu. Ashtahuanpish can quiquinta shinallataj shujtajcunatapish c'uyangui. Ñucami Mandaj Dios cani.

LEVÍTICO 19:3

Tucuicuna quiquin yayata quiquin mamata manchachun. Ñucapaj samana punllata huaquichinguichij. Ñucami Mandaj Dios cancunapaj Taita Dios cani.

NÚMEROS 10:32

Can ñucanchijhuan rijpica, Mandaj Dios ñucanchijman cusha nishcata cujpica, canmanpish chaupishunmi– nircami.

Mateo 5:43

Cancunaca: “Canhuan alli cajcunallata c'uyangui, p'iñajtaca p'iñangui” nishcatami uyarcanguichij.

DEUTERONOMIO 10:19

Cancunapish caru llajtamanta cajcunata c'uyanguichij. Cancunapish Egiptopi cashpaca caru llajtamanta cajcunallatajmi carcanguichij.

DEUTERONOMIO 23:7

Edomitacunataca cancunapurallataj cashcamanta ama p'iñanguichijchu. Cancunaca Egiptopica shujtaj llajtamanta purij runa shinallami causarcanguichij. Chaimanta egipciocunataca ama p'iñanguichijchu.

DEUTERONOMIO 23:8

Paicunapuramanta huacharishcacunaca quimsa huahua huahuacuna cashpami Mandaj Diospaj tandanacuimanca yaicungacuna.

RUT 2:10

Chaimi Rutca Boozpaj ñaupajpi cungurishpa pambacama cumurishpaca: –Ñucaca shujtaj llajtamantami cani. ¿Ima shinachari cambaj ñahuipica alli ricurishcani?– nijpimi,