LEVÍTICO 19:3 - Dios Rimashca Shimicunami

³ Tucuicuna quiquin yayata quiquin mamata manchachun. Ñucapaj samana punllata huaquichinguichij. Ñucami Mandaj Dios cancunapaj Taita Dios cani.

LEVÍTICO 19:3 Iomraidhean Croise

GÉNESIS 48:12

Joseca paipaj churicunata yayapaj changamanta anchuchishpaca, pambaman tupajtami cumurirca.

NEHEMÍAS 9:14

Samana punllatapish cambajlla ch'icanchishca cachunmi mandashcangui. Cambajta ruraj Moisesman quillcachishpami mandashcacunatapish, chaitataj pajtachichun nishcacunatapish, mandashcacunatapish cushcangui.

ÉXODO 16:29

Riquichij, Mandaj Diosca canchis punllapica samarina punllatami curca. Chaimi sujta punllapica, samana punllapandij tandata japichun curca. Canchis punllapica, maiman mana llujshishpa cancuna maipi cashcallapitajmi saquirina canguichij ninmi Mandaj Diosca– nircami.

ÉXODO 20:12

Mandaj cambaj Dios canman cushca llajtapi unita causangapajca, cambaj yayata cambaj mamata alli ningui.

ÉXODO 20:8

Samana punllapica ñucapajlla cashcataca amataj cungaringui.

ÉXODO 21:15

Maijanpish paipaj yayata cashpa, paipaj mamata cashpa huañuchijca paipish huañungami.

ÉXODO 21:17

Maijanpish paipaj yayata cashpa, paipaj mamata cashpa llaqui tucushca canman nijca huañunami can.

PROVERBIOS 1:8

Ñuca huahualla, alli causanata cambaj yaya yachachishcataca alli uyayari. Cambaj mama yachachishcatapish ama mana uyasha nichu.

PROVERBIOS 23:22

Cambaj yaya cunashcata cazungui. Cambaj mama ña yuyajyajpipish, ama millashpa p'iñangui.

PROVERBIOS 30:11

Quiquin yayallatataj ima llaqui japishpa, alli canman nijcuna tiyanmi. Chaicunaca mamatapish ima allita mana nincunachu.

PROVERBIOS 30:17

Yayata mana cazushpa yurajman ricuj churica, mama yachachishcatapish p'iñanmi. Chai ñahuicunataca, angacuna surcushca cachun. Paicunatapish cuervocuna micushca cachun.

ISAÍAS 58:13

Samana punllapi imata rurangapaj cambaj chaquihuanca ama puringuichu. Ñucapajlla ch'icanchishca punllapica cambaj munaitaca ama ruranguichu. Chai punllataca: “Mandaj Dios ñucapajlla ch'icanchishca jatun punlla nishpa, pai cushicuna punllami” nishpa shutichingui. Chashna nishpaca cambaj quiquin munaita mana purishpa, cambaj quiquin ñanta mana purishpa, cambaj munaillata mana mashcashpa, cambaj quiquin yuyaillamanta mana rimashpa huaquichishpaca,

EZEQUIEL 20:12

Paicunataca ñuca Mandaj Diostaj ñucapajlla ch'icanchishcata ricuchij cachunmi, ñuca samana punllacunataca curcani. Chai punllaca ñucapajpish, paicunapajpish yuyarinami tucurca.

LEVÍTICO 11:44

Ñucaca Mandaj cancunapaj Diosmi cani. Chaimanta cancunapish tucui mapamanta anchurishpa, ñuca jucha illaj caj shinallataj cancunapish, ima jucha illajlla canguichij. Cancunaca huijsahuan llucashpa purij animalcunahuanca ama mapayachinguichijchu.

LEVÍTICO 19:25

Ña pichca huata tucujpi chai yurapi p'ucushcacunataca micunguichij. Chai yuracunapi ashtahuan ñuca p'ucuchichunmi chashna micuna canguichij. Ñucami Mandaj Dios cancunapaj Taita Dios cani.

LEVÍTICO 19:30

Ñucapaj samana punllacunataca huaquichinguichij. Ñucapajlla ch'icanchishca ucutaca ama yanga cashcata yuyanguichij. Ñucami Mandaj Dios cani.

LEVÍTICO 19:31

Muspachij yumbucunatapish, adivinocunatapish tapujcuna cutin tucunguichijman. Paicunahuan ama mapayanguichijchu. Ñucami Mandaj Dios, cancunapaj Taita Dios cani.

LEVÍTICO 19:34

Cancunapurata ima shinami c'uyanguichij, chashnallataj paicunatapish c'uyanguichij. Cancunapish Egipto llajtapi cashpaca caru llajtamanta cajcunallatajmi carcanguichij. Ñucami Mandaj Dios cancunapaj Taita Dios cani.

LEVÍTICO 23:3

Sujta punllacunata trabajanguichij. Canchis punllapica samaringuichij. Chaipica tucuita cayashpa Diospajlla tandanacuimi canga. Chai punllapica sinchi trabajocunataca imata ama ruranguichij. Chai punllacunapica cancuna maipi causajpipish Mandaj Diospajlla ch'icanchishca samana punllami canga.

LEVÍTICO 26:2

Ñucapaj samana punllacunataca huaquichinguichij. Ñucapajlla ch'icanchishca ucutaca ama yanganchinguichij. Ñucami Mandaj Dios cani.

MALAQUÍAS 1:6

Curacuna, tucuita Mandaj Diosca cashnami nin: “Huahuaca, paipaj yayataca cazunmi. Servij runapish, paipaj amo ima mandashcata ruranmi. Ñuca cancunapaj yaya cajpica, ¿ima nishpataj mana cazunguichigari? Ñuca cancunapaj amo cajpica, ¿ima nishpataj ñuca mandashcataca mana ruranguichigari? Cancunaca ñuca shutita yangapi churashca jahuamari: ¿Ima shinataj cambaj shutitaca yangapi churarcanchigari? ninguichij.

DEUTERONOMIO 27:16

Maijanpish paipaj yayata paipaj mamata yanganchishpa p'iñajcunaca llaqui tucushca cachun nijpica, tucuicuna: Chashnataj cashca cachun ninguichij.

DEUTERONOMIO 5:16

Mandaj Dios cambaj Taita Dios mandashca shinallataj cambaj yayata cambaj mamata alli ningui. Chashna rurashpami Mandaj Dios cambaj Taita Dios canman cushca llajtapi unita causangui. Tucui imapipish ñaupajman ringui.

Hebreos 12:9

Ñucanchij mana allita rurajpi ñucanchij yayacuna ima shinapish llaquichijpica, paicunataca allimi cazurcanchij. Shina cajpica, causaita cuj jahua pachapi caj Yayatacarin chaita yallitamari cazuna canchij. Chashna cashpami, causaita charishun.