LEVÍTICO 19:26 - Dios Rimashca Shimicunami

²⁶ Imatapish yahuarhuan chagrutaca ama micunguichijchu. Shinallataj brujocunapish, adivinocunapish ama canguichijchu.

LEVÍTICO 19:26 Iomraidhean Croise

GÉNESIS 44:5

Ñuca amoca chai copapimi ubyaj carca. Adivinangapajpishmari chai copataca charirca. ¡Chai copata shuhuamushpamari, jatun mana allita ruramushcanguichij! ningui– nircami.

GÉNESIS 9:4

Ashtahuanpish causaita cuj yahuarndij aichataca ama micunguichij.

2 REYES 17:17

paicunapaj churicunatapish, ushushicunatapish chai dioscunaman cushpa rupachircacuna. Adivinocunapish, brujocunapish tucushpami, Mandaj Diospaj ñaupajpi millaita ruranapaj curishpa paita p'iñachircacuna.

2 REYES 21:6

Manasesca paipaj churitapish rurashcalla diosman cushpami rupachirca. Imalla punllacunapi imalla tucunata yachaj canata, brujo canata, muspachij yumbu canata, adivinaj canata yachanatapishmi churarca. Chashna pai rurashcacunahuan yallitaj millaita mirachishpami Mandaj Diostaca p'iñachirca.

2 CRÓNICAS 33:6

Manasesca, rurashcalla dioscunaman paipaj churicunata cushpami, Hinompaj churipaj pugru pambapi rupachirca. Imalla punllacunapi imalla tucunata yachajpish, adivinajpish, adivinocunata tapujcunapish, muspachij yumbucunata tapujpishmi carca. Mandaj Diospaj ñaupajpi chashna jatun millaita rurashpami, Diostaca yallitaj p'iñachirca.

ÉXODO 7:11

Chaimi faraonca Egiptopi caj adivinocunata, brujocunata tandachichun cachajpi paicuna shamushpaca brujocuna rurana cashcata rurashpa Moisespish, Aaronpish milagrota rurashca shinallataj rurarcacuna.

ÉXODO 8:7

Chai llajtapaj brujocunapish Moisés, Aarón milagrota rurashca shinallatajmi brujocuna ruraj cashca shina rurashpa sapocunataca tucui Egipto llajtapi jundachirca.

JEREMÍAS 10:2

Mandaj Diosca cashnami nin: “Caishuj llajta runacuna ima rurashcataca ama catichijchu. Jahua pachapi ima ricurijpipish, ama caishuj llajta runacuna shina manchaichijchu.

DANIEL 2:10

Chaimi caldeocunaca, jatun mandajtaca: –Can jatun mandaj tapushca shinata adivinajcunaca tucui cai pachapi pi mana tiyanchu. Jatun yachajcunatapish, luzerocunamanta yachajcunatapish, caldeocunatapish pi jatun mandajpish, pi mandajpish, pi jatun amopish can jatun mandaj tapushca shinaca mana tapushcachu.

LEVÍTICO 19:25

Ña pichca huata tucujpi chai yurapi p'ucushcacunataca micunguichij. Chai yuracunapi ashtahuan ñuca p'ucuchichunmi chashna micuna canguichij. Ñucami Mandaj Dios cancunapaj Taita Dios cani.

LEVÍTICO 3:17

Tucui cai mandashcaca cancunapish, cancunapaj huahua huahuacunapish maipi causashpapish huiratapish, yahuartapish amataj micuchun huiñaipaj mandashcami nircami.

LEVÍTICO 7:26

Cancunaca maipi causacushpapish, yahuartaca mana micunachu canguichij. Alasyuj animalcunapajta cashpa, shujtaj animalcunapajta cashpapish mana micunachu canguichij.

MALAQUÍAS 3:5

Tucuita Mandaj Diostajmi cashna nini: Ñucami cancuna imalla rurashcacunata ricuj shamusha. Chai punllapimi yumbucunatapish, huainayajcunatapish, llullashpa huillajcunatapish, trabajajcunaman cullquita mana tucui pagajcunatapish, viudacunata, yaya mama illajcunata p'iñajcunatapish, caru llajta runacunata llaquichijcunatapish, ñucata mana manchajcunatapish llaquichisha.

Hechos 15:20

Chashna ninapaj randica paicunamanca: “Rurashcalla dioscunaman ima cushcatapish ama micunguichij, ama huainayanguichij, sipishpalla huañuchishca aichatapish, ima yahuartapish ama micunguichij” nishpa quillcashpa cachashunchij ninimi.

DEUTERONOMIO 12:16

Ashtahuanca yahuartatajca ama micunguichijchu. Chaitaca yacuta shina allpapi tallinguichijlla.

DEUTERONOMIO 12:23

Ashtahuanca yahuarta micunatatajca amataj yuyanguichijchu. Yahuarpimi causai tiyan. Causaindij aichandijca ama micunguichijchu.

DEUTERONOMIO 15:23

Ashtahuanca yahuartatajca ama micunguichijchu, yacuta shina pambapi tallinguichijlla.

1 SAMUEL 14:32

Chaimi israelcunaca filisteocunata quichumushca ovejacunatapish, vacacunatapish, bizicunatapish urmachishcahuan cungata p'itishpa aichataca yahuarndijta micurcacuna.

1 SAMUEL 14:33

Chaipimi Saulmanca cashna huillarcacuna: –Israelcunaca yahuarndij aichata micushpami, Mandaj Diosta p'iñachishpa juchallicuncuna– nijpimi Saulca: –¡Cancunaca pajtachishun nishpapish mana pajtachijcunami canguichij! Shuj jatun rumita singuchishpa caiman apamuichij– nirca.

1 SAMUEL 15:23

Paita c'ariyanaca adivinocunata tapushpa juchallishca shinallatajmi. Paita mana cazunaca rurashcalla dioscunata adorashpa millaita rurashca shinallatajmi. Canpish Mandaj Diospaj shimita yanganchishcamantaca, paipish cantaca yanganchishpami, jatun mandaj canamanta anchuchirca– nircami.