LEVÍTICO 19:23 - Dios Rimashca Shimicunami

²³ Canaaman ña chayashpaca, mishqui micuita p'ucuj tucui laya yuracunata tarpushpa, chai p'ucushcacunataca circuncisionta mana rurashca cashca shinata yuyanguichij. Chaicunaca quimsa huatatami circuncisionta mana rurashca shina mapa canga. Chai p'ucushca granocunaca mana micunachu canga.

LEVÍTICO 19:23 Iomraidhean Croise

ÉXODO 6:12

Chaimi Moisesca, Mandaj Diostaca: –Israelcunapish mana uyancunachu, faraoncarin maitataj uyangari. Ñucaca rimangapajpish c'allu huataricujmari cani– nirca.

ÉXODO 6:30

Shina nijpimi Moisesca: –Mandaj Dioslla, ñucaca rimangapajca c'allu huataricujmari cani. ¿Maitataj faraonca ñucataca uyahuangari?– nirca.

JEREMÍAS 6:10

“Cai runacunaca rinrin huichcashcamari, mana uyashun nincunaca. ¿Pitataj rimashpa cunashari? Can Mandaj Diospaj shimitaca, ima pinganayaj shimicunata shina mana munancunachu” nircani.

LEVÍTICO 12:3

Chai huahuataca huacharishcamanta pusaj punllapica circuncisionta rurashca cachun.

LEVÍTICO 14:34

“Cancunaman ñuca cushca Canaanman ña yaicushpaca, cancuna japishca allpapi tiyaj maijan huasicunaman llaquichij leprata ñuca cachajpica,

LEVÍTICO 19:22

Chai juchamanta cushca carnerota cura cushpami, Mandaj Dioshuan alli tucunacuchinga. Chashna chai juchamanta Mandaj Diosman cujpimi, chai runa chashna juchallishca juchataca perdonanga.

LEVÍTICO 19:24

Ña chuscu huata tucujpi, tucui chai p'ucushcacunataca Mandaj Diosta alabanapaj ch'icanchinguichij.

LEVÍTICO 22:27

“Bizita cashpa, bachujta cashpa, chivota cashpa ñucaman cusha nishpaca huacharishcamanta canchis punllacama paipaj mamata chuchuchun saquingui. Ña pusaj punllayuj cajpi cujpimi, Mandaj Diosman cushpa rupachishca cajpi chasquishca tucunga.

LEVÍTICO 23:14

Cancunapaj Taita Diosmanraj punta cuna cashcamanta chaita manaraj cushpaca, chai cuna punllacama tandatapish, canchashca granotapish, llulluraj espigatapish amaraj micunguichij. Cai mandashcacunaca, cancuna maipi causashpapish, huahua huahuacuna chaitataj pajtachicuchunlla mandashcami.

Hechos 7:51

¡Cancunaca mana circuncisionta rurashcacunapaj shungucuna, rinrincuna shina rumiyashcacunami canguichij! Chaimantami cancunaca Jucha illaj Espiritutapish manataj cazujcuna canguichij. Cancunapaj ñaupa yayacunapish chashnallatajmi mana cazujcuna carca. Cancunapish chashnallatajmi canguichij.